السبت، 4 يونيو، 2011

علمونا ...ولم يعلمونا

علمونا ...ولم يعلمونا




علمونا زمان كتير قالوا حبوا المدرسه...بس غريبه كان بيحصل كتير هروب من المدرسه..كتير نفور ..كتير خوف

 هما علمونا صح..علمونا نحب صح ...ولا علمونا نخاف...ولا علمونا ايه؟؟


علمونا بردو كمان ..قالوا حافظوا ع المدرسه..فاكر انا ايام زمان ..لما قالوا المدرسه بيتى...بس الغريب ف ده..ان بردو كنا نرمى اى حاجه ف المدرسه...والغريب كمان  ان عمرنا ما حسينا بيبتنا ف المدرسه

هما علمونا صح؟ علمونا نحب صح...ولا علمونا ايه ؟؟

فاكر انا ايام زمان ..قالوا حافظوا ع النظام...بس دايما  تلاقينا مافيش بينا وبينه عمار

هما علمونا صح.... ولا علمونا ايه ؟؟؟ قالوا مره ازاى ننظم...؟ ولا قالوا حافظوا عليه ؟

طيب هما عرفونا ..هوه ايه معنى النظام؟؟

نظام؟؟؟؟؟؟؟؟؟



يبقى بمناسبه النظام

قالوا دايما احترموا النظام....قالوا الريس ده ابونا...قالوا الست دى ماما..قالوا ده كان ف االضربه الاولى...طلعوا سارقين مننا ياما

هما علمونا ايه ؟؟؟ ولا علمونا ليه ؟؟ هما علمونا صح؟؟؟؟ ولا انا غبى  ولا ايه ؟؟

قالوا الحكومه دى ميه ميه....خططها ف التنظيم ..عالميه...مفيش زيها ..خططها...ذريه

نيجى بعد كده يا خال...نلقى كل واحد خاااان..من الحكومه العالميه..سارق  له يجى مليون ...وميه

هما علمونا ايه ؟؟ ولا علمونا ليه ؟؟هما علمونا صح؟؟ احنا عبط ولا ايه ؟

لما قامت ثوره مره...قالوا الثوار دول خونه..واحنا زى العبط قولنا...اقتلوا الثوار الخونه...فجأه ظهر الحق نور..طلعوا عصابه كلها زور..



هما علمونا ليه ؟؟

هما علمونا ايه ؟؟

هما علمونا صح؟؟

ولا ده يبقى اسمه ايه؟

طفل مريض

طفل مريض



هل تعلم كم المعاناه التى يعانيها طفل مريض؟؟

هل تعلم كيف يدبر اهله نفقات علاجه؟

بل هل تدرى ما معنى الالم بالنسبه لطفل ف عمر الزهور ...قدر الله له ان يفتح عينيه ع الدنيا

ليعرف اول ما يعرف من الدنيا الالم والمرض

هل تدبرت ف جكمه الخالق من وجود طفل ف هذا الوضع

اعتقد لو تدبرنا جميعا ..لوجدنا اننا ف نعمه كبيره..والحمد لله  ع هذه النعمه

ولكنى عندما اتدبر ف هذا الامر اجد هذا الطفل محظوظ


فمرضه مرض جسدى لا اكتر ولا اقل

ولكن هناك امراض اخطر ..والحمد لله انها لا تصيب الا الكبار..لان الاطفال انقى واطهر من ان تصيبهم تلك الامراض

انها الامراض النفسيه...الكدب..الخيانه..الحقد....الكره

انها امراض منتشره ف الكبار ..وفقط

المرض الجسدى هناك امكانيه للعلاج منه

انما المرض النفسى صعب الاعتراف به من قبل المرض.صعب العلاج ايضا

بقدر ما احزن عندما ارى طفل مريض ..بقدر ما يفرحنى ابتسامته البريئه ..التى لا تحمل اى شىء الا الامل والبراءه

.................

عندما تفرح اريدك ان تتذكر ان هناك مئات الاطفال الحزينه من اوضاع ماديه وصحيه ف انحاء العالم ...حاول ان تساعدهم

عندما تجنى مالا ...تأكل ...تشرب..تحس بالدفء..الامان..الرفاهيه.............تذكر اطفال ايتام..جوعى ..مرضى...اطفال شوارع...اطفال لا تعرف معنى  ما انت فيه....حاول ان تساعدهم

عندما تجلس ف منزلك ..امام الكمبيوتر..ع الانترنت..تشاهد التليفزيون..تأكل وقت ما تحب..تشرب ما تحب...تلبس وتشترى ما تريد


فقط
تذكرهم 
بالقليل

وصلنا للنهايه
اشكركم ع المتابعه..ولقاء يتجدد ان قدر لنا الله ذلك




الجمعة، 3 يونيو، 2011

نقطه وسطر

نقطه ومن اول السطر



كثيرا ما نرغب بشده ف وضع نقطه ف حياتنا بحيث يمكننا ان نبدأ من جديد نبدا من اول السطر

نبدأ من سطر جديد ..نحاول فيه مره اخرى...نحاول الا نرتكب نفس الخطأ الذى قمنا به ف السطر السابق...ولكن  لابد وان نخطأ ..ان لم يكن نفس الخطأ السابق...فنجد اننا ف خطأ جديد ..وهنا انصح  ان تضع النقطه ..وتبدا من اول السطر

قد نبدأ سطر جديد ف حياتنا لاسباب اخرى غير اننا اخطأنا ف السطر السابق...قد يكون هناك تحول يستدعى سطرا جديدا

سطرا يناسب التحول الجديد..اذا قابلت  هذا التحول ..فضع النقطه ..وابدأ من جديد ف السطر
كل شخص  حياته عباره عن سطور ونقط..ولكل منا طريقته ف وضع السطور ..هناك من يوجد فوارق كبيره بين سطوره..وهناك من لا يوجد فوارق بين سطوره

وهناك من لا سطور له ..يعيش الحياه كما هى ..بلا فاوصل ولا وقفات ..ربما يكون يدرى ..وربما لا..ولكن ان ادرك ان حياته خاليه من السطور
فليبدأ بوضع نقطه..ويبدأ ف سطر جديد

نقطه ومن اول السطر

ربما يجيب شخص ما ويقول لا نحتاج الا لسطر واحد وممحاه

نمحى ما لا نريده ونبقى ع ما نريده..اقول له ...اعتقد ان ليس من السهوله بمكان مسح اى شىء ف حياتنا وان تم المسح ..فلا يمكن الكتابه عليه مره اخرى...لابد من وجود النقطه..والسطر



هناك من فقد عزيز....حبيب....قابل اخفاق ما ف حياته...نصيحتى له ..الحل ف نقطه...وسطر
بالتأكيد هذا ليس بالبساطه التى نريدها ...ولكن يمكنك المحاوله

نقطه ومن اول السطر

وصلنا للنهايه
اشكركم ع المتابعه..ولقاء يتجدد ان قدر لنا الله ذلك

الخميس، 2 يونيو، 2011

كان ف مره قلب

 
 
كان ف مره قلب....بينبض بحب بنت

بنت اجمل من الجمال...فيها رقه ولا ف الخيال

بنت كل نظره منها  فيها حنيه ودلال

بنت كل كلمه منها تعطيك الامل ف الحياه
وعن جمال ضحكتها ...ولا برائتها.....اقول ايه ..مش لاقى انا الكلام

خلص الكلام ف وصف قمر الزمان
وقف اللسان عاجز...وسألنى عن اى كلام عنها يتقال
جاوبت اللسان وقولت ..دى وصفها مش باللسان ..دى وصفها يطلع من القلب
سكت اللسان ووقف يتعلم
من كلام القلب....لما يتكلم

بنت كانت لما تمشى ..تتهز الارض وترقص فرحانه بيها

بنت كل الناس حواليها..كل الناس بتحبها ..كل الناس بتموت فيها

 
همساتها وكلماتها..وكل الحروف ال قالتها
ضحكتها....جرأتها....اه من جمال ضحكتها


كان ف مره قلب....حب كل حاجه عن بنت
حب وياريته ما حب

كان ف مره قلب



وصلنا للنهايه
اشكركم ع المتابعه..ولقاء يتجدد ان قدر لنا الله ذلك

الأربعاء، 1 يونيو، 2011

دمعة امل

دمعة امل


تمر الدقائق والساعات والايام والشهور ..تدور بنا الدنيا ...تمر السنوات..نقابل من نحترمه..نقابل من نألفه ونحب لقائه..نقابل من يمر بنا مرور الكرام
ولكن  قليلا ما نقابل من نعشقه
هكذا هى هذه الحاله..نادره الحدوث...غامضه التفاصيل ..يتعذر علينا اكتشافها بسهوله..تحتاج مهارات وادارات
هكذا هى الحاله
جميله
ان شعرنا بها
جميله
ان تم اكتشفاها
جميله
ان عشنا فيها كما يجب
مفزعه
ان كانت من جانب واحد
مفزعه
ان كانت النهايه  ع غير الامل
مفزعه
ان تركت لنا جرحا لا يلتئم

وتتعدد اسباب الجراح ..ولكن ف النهايه ..الالم واااحد

هكذا هى الحاله
جميله ..ولكن مفزعه
هكذا هى الحاله
تترك لنا دمعه امل
امل ف اكتمالها
وحزن وخوف من نسيانها

هكذا هى الحاله
تعطيك احساس امتلاك الكون بما فيه
احساس الفرح وتذكرك بمعانيه
حب الدنيا وحب الحياه
حب كل شىء يكون هذا الشخص معك فيه

هكذا هى الحاله
تنسيك الدنيا بما فيها
تعطيك احلام ورديه
يكون بطلها هو بطل الحاله

هكذا هى الحاله

تعطيك الامل

هكذا هى الحاله
تعطيك اسوأ احساس ف الدنيا
ضياع الكون بما فيه
الوحده والغربه ف عز الزحمه
انقلاب الاحلام الى كوابيس لا انتهاء لها
كوابيس تتمنى ان تصحو منها ولكن لا تستطيع
تعطيك الشوق واللهفه والحنين الى قلب جرحك
تعطيك احساس الانكسار وضياع الامل

هكذا هى الحاله

تعطيك الدمعه الحارقه

ولكن يبقى هناك الامل ان تعود الحاله كما بدأت لتعيد البسمه للحياه وتزيل ما تركته من جراح..
ولكن للجرح امكانيه الاندمال والشفاء.ولكن لابد وان يترك علامه



هكذا هى الحاله
تجمع ما بين الامل ف حياه ورديه حالمه ..ودمعه فراق وضياع الامل

هكذا هى الحاله

دمعة امل

 ....................................




وصلنا للنهايه
اشكركم ع المتابعه..ولقاء يتجدد ان قدر لنا الله ذلك