الثلاثاء، 30 أغسطس، 2011

يوم عاصف جدااا


لما تطلع بدرى اوووى علشان تروح الشغل وبردو متلاقيش مواصلات
!!!!!
 
لقيت مواصلات

تركب ع جزء صغير ف كرسى ..وكل مطب تتزحلق شويه ..وتسند ع ايديك ورجيلك ..لغايه ما فجاه تكتشف انك بقيت من
 
زوات الاربع
 
قاعد ع رجليك وايديك 

وصلت خلاص

وانت نازل..تبص تلاقى الكرسى اصلا مش فى الا اتنين راكبين ..وحاطين شنطهم 
جمبهم ..وسابينك تموت طول الطريق
 
اه يا ولاد ال...... يلا رمضان كريم

تنزل انك تلاقى مواصلات داخليه تنقلك لشغلك ...
 
ابداااااا

تمشى ..وتمشى ..وتمشى ..
توصل شغلك ..
وانت عند الشغل ..
تلاقى واحد مطلع راسه من شباك التاكسى ويقولك ..
 
تاكسى يابيه ؟؟

تطلع المكتب مخطط انك تخلص شويه حاجات معينه ..
لاحتمال ان ده يبقى اخر يوم ف رمضان ..
وان الرجوع للشغل بعد اجازه العيد بيبقى ف خمول وكده..
تطلع المكتب ..
تلاقى مديرك مجهزلك خطه تانيه للشغل ..
تمشى عليها ..
تيجى ف اخر اليوم تلاقيك معملتش حاجه م الل انت كنت ناوى عليها....
وبعد كده هيتقال لك انك اتأخرت ف الشغل ..
 
حاجه زى الفل

تنزل علشان تروح شغلك  ف مكان تانى ..
يعدى عليك  مدير الشركه ويقولك تعال
اوصلك ..
تقوله لا شكرا انا هركب خلاص اهو

وتقف ساعات ....
 
ولا حياه لمن تنادى

ما كان الراجل بيقولك اركب

تروح الشغل التانى..
تلاقى الكهرباء مش موجوده...
 
نيهاهاهاهاه..
 
طيب هشتغل ازاى انا؟

تيجى الكهرباء 
 
تبدأ شغل
 
تفصل الكهرباء

وهكذا لما الواحد استوى

خلصت شغل ..الى حد ما

تقول اروح اصلى العصر

تنزل تلاقى واحد صاحبك معدى بعربيته..
تبتسم له وتشاور..
وف بالك بتقول اخيرا الحظ هيبتسم ..
وهتلاقى حد يروحك البيت بدل زحمه المواصلات

يقول تمام روح الجامع وانا هجيب المدام وارجعلك

يروح جيب المدام ..وتشوفه معدى من عليك

وينفضلك

او هكذا خيل لك

نيهاهاهاها

توصل البيت  وف دماغك انك هتفطر اخر يوم ف رمضان مع اهلك
تلاقى ف عزومه اجباريه ..
لا داعى للخوض ف تفاصيلها

تروح تحضرها ع مضض

تلاقى الكهرباء قطعت تانى
 
لا لا لا بقى

مش حكايه

حاجه تجنن


يلا

كل سنه وانتوا طيبين

الأحد، 28 أغسطس، 2011

شير للهموم

الحياه

مأساه كبيره

بكل ما فيها من احداث

نعم هناك امل

هناك فرح

ابتهاج

ولكن

ليس بقدر ما هناك

 ألم

بل

الاااااام

احزااااان

ناتجه  عن اشياء كثيره تحدث

اغلبها اخطاء نرتكبها بانفسنا

ربما يقول احدهم ان  الفرحه تذهب الغم والحزن

ولكن ايضا العكس صحيح

فالحزن يذهب الفرحه


.....................


من الممكن ان يمر يوم بدون  فرح او ابتسامه ع الاقل

ولكن لا اعتقد انه يمر يوم بدون الم ..او حزن

فان لم يكن خاص بك

فسوف يكون خاص بالعالم الذى نعيشه

ربما ترى فقير  محتاج ..او مريض محتاج ..او معاق لا يستطيع الكسب الا بالتسول

ربما تسمع بخبر متقل الملايين ف مجاعات  وحروب

فيضانات ..وزلازل

الحزن اكثر ..والالم يفوق  ما نتصور

.....................

يؤلمنى جدا ..ان لا يفهمنى احد ما

يؤلمنى اكثر ان كان قريبا منى ..ومن المفترض ان يفهمنى

يقتلنى ذلك الشعور بالذنب الذى يتركه ف نفسى ..عندما  اغضبه بغير قصد

فأنا اعلم انى لدى بعض العصبيه ..والتى ساعات ما تطغى ع تفكيرى وتجعلنى لا اطاق

يؤلمنى ان ارى البشر يبدون بعضهم ...يتسلطون ع اخرون..يستغلون اخرون...لا
يفكرون الا بأنفسهم 

يستفزنى كثيرا ان ارى قمه البذخ ف حفلات ومسلسلات و..و ..و ..وان ارى قمة الفقر والذل والمهانه  ف مريض او متسول او ..او ...اين هؤلاء من هؤلاء؟؟
....................................

لا انام

اذا ما احسست

اننى كنت سبب ف حزن احدهم

ان هناك من فهم كلام خطأ

 ان هناك من ينتقدنى بلا علم له بى

 ان هناك من لا يفهمنى

......................................

اغضب سريعا

اصفو سريعا

احمل نفسى هموما فوق طاقاتى

اتوقع كل الاحتمالات ..واخاف من الاحتمالات السيئه

يقولون انى حساس زياده..ولكنى ارد بان ده العاده

...............................................

شير للهموم

لا اعتقد ان هناك شخص لا يرغب بعمل شير للفرح ..اذا ما اصابه فرح

ولكن عندى نظريه جديده

اذا احسست ان الهموم تثاقلت عليك

شير للهموم

طبعا الملجأ والمشتكى لله

وده الحل الامثل 
ولكن لا بأس ان  تجد ف البشر من يشاركك همومك ويدفع بها عنك

ربما يدعو لك دعوه

يتقبلها منه الله

ربما يمد لك  يد العون

قد تكون ف امس الحاجه اليها

ربما

شير للهموم

فقط

اذا وجدت الشخص الامين

وانا اعتقد ان اكثر شخص امين

نفسك

ابحث عن ورقه وقلم

اكتب رساله الى نفسك

بها كل همومك


فربما

تصحو من النوم يوما

لتجد الرد

داخلك

من يدرى

ربما
.....................

لعله خير
الافضل لنا ان نثق ان الله 
ان ما يصيبنا له حكمه فيه

وان نرضى بما قسم الله لنا

وان نسعى 

وننتظر من الفرج




السبت، 27 أغسطس، 2011

Hate Israel

انت بتكره مين في اسرائيل ؟ الحكومه الصهيونيه , الشعب اليهودي ,الحكومه و الشعب



السؤال ده شوفته ع صفحه مذيعه

واستغربت جداا

من امتى اسرائيل بتنفصل بالنسبه لنا شعب وحكومه

من امتى ف حد بيحب شعب اسرائيل بس واخد ع خاطره شويه من الحكومه الاسرائيليه ؟

ولا من امتى ف حد زعلان شويتين من شعب اليهود  ومبسوط من الحكومه

انا بالنسبه ليا

اكره اسرائيل قلبا وقالبا

اكره اسرائيل شعبا وحكومه

اكره اسرائيل بيهوديتها بصهيونتها بعجرفتها بكل ما تحمل من بلاوى ومصائب

نعم اكرها

ولماذا لا ؟


ثم ايه الفرق اصلا؟؟

او ايه ال بيعملوه يتحبوا عليه

مش عارف 
خلاصه القول 
انا بكره اسرائيل
بكل نفس اذهقت ف بلد عربى 
بكل شبر تم احتلاله 
بكل ثانيه مرت ع حدوث ذلك 
بكره اسرائيل
  

ياترى انت لو حد سألك السؤال ده هترد تقول ايه ؟

الجمعة، 26 أغسطس، 2011

السماء هى الحد الاقصى

الحلم


 

حلمى 

حلمك

حلم الناس كلها  ف تحقيق شيئا ما

شيئا ما

لانفسهم

لاهلهم

لبلدهم

للكون

الحلم

ماذا يعنى؟؟

امل ف الغد

اشراقة قد تغير ما نراه

مستقبل منتظر

من لديه حلم

ويسعى له

هو متفائل

صبور

مثابر


يجب ان يكون كذلك

والا لن يصل لحلمه

فلا احلام الا للطموحين

لان الاحلام لم توجد الا لتحقيقها


والسعى ع ذلك


حقق حلمك

اسعى لكل السبل التى تدى بك ف النهايه اليه

عيش حلمك

بكل تفاصيله

مشقاته

صعوباته

حتى تجنى

ملذاته

وروعه تحقيقه

ارى كثيرا من المدونين ف الحمله لديهم احلام و لا اروع

كلهم شباب طموح يسعى لهدف ما

وحتى وان كان هناك من هم مثلى لا يدرون اى الاهداف يريدونها اولا


ولكنهم ف النهايه حالمين .طموحين ..يسعون للافضل

وهذا يكفى


اذا كنت مما لا يحلمون

ومن لا لديهم اى طموح

فحاول ان تتغير

حتى تتقدم

وتترك بصمه ف الدنيا

ابحث عن حلمك ولو لاخر يوم ف الحياه

وان حققت حلمك .ابحث عن غيره

وان سألك احد

الى اين تنتهى احلامك

او ما هى احلامك 

او 

الا تنتهى احلامك


فقل له

السماء هى الحد الاقصى

الخميس، 25 أغسطس، 2011

......Just follow the light

......Just follow the light

 

عندما تشعر بالاحباط

عندما تشعر بالاختناق

عندما تدرك انك غارق ف الهموم


فقط اتبع الضوء

عندما تشعر بالحيره

عندما تشعر بالضياع

عندما تدرك انك ابدا لن تصل

فقط اتبع الضوء


كثيرا ما نواجهه المصاعب والمتاعب ف حياتنا

حتى انه ف اليوم الواحد نتعرض لاكثر من مأزق واكثر من مشكله

احيانا نواصل ..ولا نلتفت لما قد يواجهنا

نواصل بعزيمه ..وننتصر ع اى مشكله

احيانا نقف..نستكين

نحبط

لا نكمل السباق

ولكن

عند هذه الخطوه

قد نخسر الكثير

قد نفوت ع انفسنا  فرصه لا تعوض

لذلك

يجب ان لا نستسلم ابدا الى اليأس 

يجب دائما ان نبحث عن النور

ف دائما يرسل لنا الله سبيلا لحل مشكلاتنا

او لتحقيق طموحاتنا

فقط علينا ايجاد هذا النور ..وتحديد اتجاه

واتباعه

اتباعه بكامل اليقين ف الله ..بانه لن يضيعك

وانك طالما اعتمدت ع الله ..وبذلت ما ف وسعك ..فسوف ينصرك ..ويعطيك ما تتمنى

ان لم يكن افضل


اتباع الضوء لا يأتى بمجرد الرغبه ف ذلك

ولكن اعمالنا ف حياتنا ..وصلتنا بالله

تحدد ميعاد ظهور ذلك الضوء ليرشدك

وتحدد قوة الضوء

وتحدد سهوله او صعوبه الوصول له

لذلك

ثق بالله

اعبد الله كما ينبغى

تقرب لله

تصل ال جواره

وعندما تضل الطريق

ستجد نوره يظهر لك

وعندها
......Just follow the light

الأربعاء، 24 أغسطس، 2011

اعلامى كبير...والله اعلم

من يومين تقريبا

كنت بقلب ف القنوات بالليل كده

وبعدين استفزنى سؤال بيسأله اعلامى محترم

والمفترض انه مثقف 


هو  انا اصلا اسلوب المذيع ده بيستفزنى من غير حاجه

فلما  كمان يبقى السؤال بالشكل ده..ويدل ع فراغ عقلى غير معقول

يبقى اكيد لازم اتنرفز

الاعلامى ده كان ع قناه من قنوات اوربت

بيسأل المذيعه ال معاه  بيقولها ليه الراجل ال بيصرف!!!

تقوله ده عادى يعنى !!

يقولها لا بردو ..اشمعنى ؟؟

مين ال اخترع الحكايه دى؟؟

(حكايه ايه يا ........)

وبيقول انه عاوز يقعد كده ويطلب من المدام ..انها تغير له العربيه

او  يقولها انا عاوز خاتم

زميلته ترد تقوله

اوكى مفيش مشكله تجبلك هديه

يقولها لا بردو ..جات منين حكايه انه الراجل ال يصرف دى!!

فانا حبيت اوضح  للباشا

الاعلامى الكبير

جات منين

مش عارف ازاى نسى ان قوامه الرجل ع المرأه كانت بالانفاق

وان ربنا امر ان تكون مسؤليات الرجل ناحيه المرأه من ضمنها انه يكون مسؤل عن الانفاق

وهنا هنقل ليكوا حاجه ممكن توضح ده

يقول الله جل وعلا الرجال قوامون على النساء بما فضل الله بعضهم على بعض وبما أنفقوا من أموالهم... والمقصود ـ والله أعلم ـ أن الرجال قائمون على أمر النساء بسبب الإنفاق والتوجيه، وهما واجبان على الزوج لزوجته، كما يقوم الولي على شئون العائلة

ونظير ذلك فإن المهر يجب على الرجل مراعاة للحكمة الإلهية في تكوين الجسم وقدرته غالبا - على الكسب ومهارته في معرفة دروب العيش، والنفقة والمهر جزء منها، وهو حق خالص للمرأة لا يشاركه فيها أحد من أوليائها، فلها البيع والهبة والتصرف فيه وفي كل ما تمتلكه بما تشاء

يعنى من بالمختصر المفيد ..قوامة الرجل ع زوجته تأتى من الانفاااااق والتوجيه
يبقى ازاى يتنصل منهم ؟؟

اعتقد كده وصلت يا اعلامى  يا كبير

وسبحان الله ..لما اتخنق منه واقلب ع قناه اخرى ..الاقى الشيخ حازم صلاح ابو اسماعيل بيتكلم عن حقوق النساء من الزوج ..وعن حقوق الارامل والمطلقات ..وكيفية ضمان الحقوق دى (الماديه)

انا فاكر بردو ان الاعلامى ده كان له موقف ظهر جهله فيه قبل كده

كان بيقول فيه اشمعنى عمر بن الخطاب مش من الفلول

هههههه و كان بيقول ان عمر بن الخطاب ف غزوه احد هوه ال نزل من ورا الجبل وكان بيحارب المسلمين 

(ده كان مسلم يا عم الحاج)

وبعدين ال لف من ورا الجبل ف احد ده كان خالد بن الوليد

المهم المقصد من الموضوع..ان  الواحد زهق من جهل الاعلاميين ..الواضح جداا..والمفترض ميبقاش موجود

لانهم بيدخلوا كل بيت ..وبيساهموا ف تكوين فكر  وثقافه

 
وع ذلك نطالبكم بالرحمه 
فقد زاد حجم المراره 
واوشكت ع الانفجار

هى وجهه نظر ..تحتمل الصواب والخطأ..فان كانت صواب..فاتمنى التغيير للافضل..وان كانت خطأ..فاسأل الله ان اهتدى للصحيح 



اقعدوا بالعافيه 
:)

الثلاثاء، 23 أغسطس، 2011

شعاع حبك

 عندما رأيتك..

اول مره..

كانت هى ..

اخر مره..

اتذكرها جيدا..

وتتذكرنى جيدا

كنت اسير بخطاى المعتاده  ف طريقى الى عملى

كان الجو صحوا..والشمس مشرقه

واشعتها تزين الدنيا

وكأننا ف احتفال..واستعداد لحفل رؤياكى

فجاه ظهرتى ف الافق


انجذب شعاع الشمس لجمالك

اصبحت كأنى ارى شمسين

سقط شعاع الشمس ع وجنتيك.

وارتد سريعا الى عينى

فرأيتك

انكسر شعاع الشمس ع وجنتيك

وارتد سريعا الى قلبى

احببتك 

..
..

..

..


قالوا لى انى فقدت الذاكره 

اذن فكيف اتذكرك !

قالوا لى انى فقدت البصر
اذن فكيف اراكى


لا مشكله

ف ان غبت عن عينى

فانا الان اراكى بقلبى

لا اعرف من انتى

ولا اين اجدك

ولكن قلبى سوف يرشدنى اليك

فهناك ما زال يسكن شعاع حبك

دعوة زفاف

حبيبتى

كم اهواها
                             
 كم اعشق غضبتها...ورضاها

احبها
كما لم يستطع  احد ان يحب

بسمتها تفقدنى ذاكرتى

تنسينى العالم بما يحتويه

تواعدنا

تمنينا

تشاطرنا الاحزان قبل الافراح

بكائنا
ضحكاتنا

اتذكر جدالنا بشأن امور كثيره

كم كنت اعشق جدالها

كم كنا نتجادل دائما بشأن شكل دعوة الزفاف

زفافنا ...انا وهى

شكلها

لونها

كانت تريدها على شكل فلب كبير


نتجادل  ونتناقش
من سنرسل له ومن سنكتفى بمهاتفته

لم نترك شيئا لم نفكر بشأنه

.


......
..............


كان يفكر فى كل هذا وهو يعبر الطريق....وفجأه

صدمته سياره مسرعه وفرت هاربه

تجمع حوله الماره ف محاوله لاسعافه

ولكن
القدر كان اسرع
واستكان جسده وفاضت روحه

والى جواره 
 
 


التقطت احدهم دعوه زفاف على شكل قلب كبير

كانت قد سقطت منه

دعوه زفاف
حبيبته

ع غيره

الاثنين، 22 أغسطس، 2011

خرمان اقلامكم

خرمان  اقلامكم 





بقالى وقت مش عارف اتابع

النت كان فيه مشكلات

بس زى ال كان ناقصنى حاجه مهمه جداا

بقيت مدمن اقلامكم

كى بورداتكواااا

افكاركواااا

كلماتكوااااا

ما صدقت صلحت النت

وقولت بسرعه ادخل اكتب واقرا

بقيتوا تقريبا الحاجه ال بعملها ع النت انى اقرأ تدويناتكوا

واكتب تديوناتى

وع ذلك

فبجد

شكراااا

لكل ال  معانا ف الايفنت

وكل ال شارك وكتب وامتعنا بكلامه

شكرااااا

لصاحب الايفنت ع انه جمع الناس الحلوه دى

شكرا بردو للى عرفتنى ع موضوع الايفنتات ده

وال اقنعتنى بردو انى ادون تانى

وان كنت معنديش نفس الامكانيات ال عند الناس ال هنا

ولكن اهو ..اى كلام ف الحماده
:)

بقولكوا بحبكوا كلكوااااا

وبقول بردو الناس ال عامله البتاع بتاع الحروف ده ال لازم علشان نعلق نعمله 
ارحموا عنيا الله يخليكم :)

وبردو ف ناس عامله حاجات كتييره ف مدوناتها ..فيبقى تحميلها بطىء.وساعات مش بعرف احط التعليق اصلا

بليييز..خفوا شويه الحاجات ال ف المدونه....اه هيا غلاسه :D

واطلب ف نهايه البرنامج

اننا نعمل الايفينت ع طووووووووووول

بس الحق انا بس اخلص ال الكام يوم ال انا متأخرهم

ملحوظه

بيبنى وبينكوا لقيت نفسى متاخر تلات تدوينات

وكتبت واحده ولسه اتنين

قولت اعمل نفسى بشكر وكلام من ده

واهو نبقى خلصنا كمان تدوينه

الكلام ده بيبنى وبينكوا
اوعوا تقولوا الكلام ده لحد تانى

حد زى مين ؟

حد زيكوا طبعا

:D

نيهاهاهاهاه

بين قوسين (ضحكه شريره)نلتقى ع خير
:)

يا من تدعون الحب...هذا هو الحب

الحب الذى اريد

نتكلم ونسمع كثيرا عن قصص الحب

نحكى ونتحاكى بقصص كثيره
مواقف كثيره

كلمات

اشعار

عن الحب

روميو قيس عنتر

جوليت ليلى عبله

كلها قصص حب

وغيرها الكثير

ولكن

هل هذا هو الحب؟
فقط كلمات

اشعار

لم اقتنع يوما ما ان الحب مجرد كلمات

هو افعال

لم اقتنع يوما ان الحب شىء غيرملموس

هو ملموس

هناك دائما مواقف..تعبر عن الحب

وقد رأيت موقف

وبرغم صعوبته..الا انه يحمل اسمى معانى الحب

حب امراه لزوجها

كنت اتمنى وقتها ان كانت معى الكاميرا الخاصه بى
كى استطيع ان التقط صوره لهذا الموقف

لانه مهما حاولت وصفه

فلن تبلغ كلماتى ادنى الحدود منه

امرأه ورجل

يظهر عليهم علامات الفقر

التى تتجلى من خلال ملبسهم

علامات المرض الشديد واضحه جدا ع الزوج

فقد ضعف جسده بطريقه جعلتنى احمد الله ع نعمة الصحه

فلا اغلى ولا افضل منها نعمه

تحاول الزوجه الوصول بزوجها وطفلتها الرضيعه الى الجانب الاخر من الطريق

لم تحاول طلب المساعده من احد

وضعت رضيعها ف يدها اليسرى واحكمتها عليه

ويدها اليمنى تحتضن زوجها ..وتحمل بها ايضا  حقيبه خاصه ..ربما يكون بها بعض الملابس

لا اعلم من اين ...ولا الى اين

ولكن فقط

قدرتها ع فعل ذلك .ادهشتنى

فكيف تحمل الرضيع والحقيبه ..والزوج المريض..فهى تقريبا تحمله ..وتساعده حتى لا يسقط من شدة مرضه

وهى ايضا سريعه ...فعلت هذا كله .ف وقفه بسيطه توقفها  سائق التاكسى ليلتقط زبون

كنت اتابعها ببصرى من داخل نافذه التاكسى



ما هذا الحب...من اين لها بهذه القوه

نهار حار جدااا..صيام ..ومع ذلك لديها  القدره ع التحمل ..الصبر

لا اعلم ما هو مشوار العلاج  او المرض الذى يعانى منه الزوج

ولكن اعتقد انهم ..وكباقى الفقراء  مصر

وانا منهم طبعا

عندما يمرض احد منهم ...يدور ع المستشفيات الحكوميه التى ف الغالب علاجها يجعله يلاقى ربه اسرع

وبالتالى فهم يمرون بظروف اقل ما يقال عنها انها عصيبه

وبالتالى ف لا صحه لما يقال عن ان مشاكل الزواج تذهب بالحب بعيدا

فاى مشاكل اعظم مما فيه هذا الزوج وزوجته


هذا هو الحب

السبت، 20 أغسطس، 2011

ناتى ونرحل

نأتى ونرحل 
نعم هى بنفس بساطه كتابه الحرف..قدومك الى الدنيا ورحيلك منها

ناتى الى الدنيا

بفرحه غامره

تعم الاهل والاصدقاء

نأتى ب كف مضمومه

دلاله ع القبض ع الدنيا

نفارق الدنيا بحزن شديد

حزن لكل الاحباء والاهل

نفارق الدنيا بيد مبسوطه

دلاله ع ترك الدنيا بما فيها والتخلى عن كل شىء

القادم الى الدنيا ..يظنها دنيا سعاده ..وفقط

يكون راغب ف الحصول ع كل شىء يريده

اما تارك الدنيا...فلا يريدها ..لانه قد عرف قيمتها

لا احد ياخذ شيئا برفقته

ف كلنا مشتركين ف الرحيل

وكلنا ايضا مشتركين ف ان لا احد ياخذ شيئا

واغلبنا للاسف لا يفهم هذه الحقيقه الا بعد فوات الاوان

سوف  نتركها كلنا

ومع تمام اليقين لدينا اننا راحلون

الا اننا نجرى ورائها

مع  علمنا  بحقيهة زوالها

هى سراب

هى  ك منبع للماء او مصدر للهواء..وسينتهى ب انتهاء اجلك

ان لم تكن اعددت العده للرحيل 

او لانتهاء هذا المنبع

فماذا سوف تفعل؟

ماذا اعددت ليوم رحيلك ؟

هكذا نأتى ...قابضين عليها


هكذا نرحل تاركين كل شىء خلفنا 

لن ينفعنا شىء 

الا عملنا الصالح 

اللهم انا نسألك حسن الختام ..والجنه

واجد هنا فرصه لاذكركم بحديث للرسول صلى الله عليه وسلم 

 (إذا مات ابن آدم انقطع عمله إلا من ثلاث صدقة جارية أو علم ينتفع به أو ولدٍ صالح يدعو له)


معروف أن الإنسان إذا مات فإنه ينقطع عمله لأنه مات والعمل إنما يكون في الحياة إلا من هذه الأمور الثلاثة لأنه هو السبب فيها الصدقة الجارية وهي الخير المستمر مثل أن يوقف الرجل بستانه على الفقراء أو يوقف عقاره على الفقراء فإن الفقراء ما داموا ينتفعون بهذا العطاء أو ينتفعون بثمرة هذا البستان فإنه يكتب له وهو أجر حاصل بعد موته لكن هو السبب في إيجاده .


والثاني العلم الذي ينتفع به بأن يعلم الناس ويدلهم على الخير وعلى فعل المعروف فإذا علم الناس وانتفعوا بعلمه بعد موته فإن له أجرهم من غير أن ينقص من أجورهم شيء لأن الدال على الخير كفاعل الخير وهذا دليل على بركة العلم وفائدته في الدنيا والآخرة
وأما الثالث وهو الولد الصالح الذي يدعو له بعد موته فلأن الولد من كسب الإنسان وقال تفسير حديث انقطع عمله ثلاث في الحديث (أو ولد صالح يدعو له) ..

لأن غير الصالح لا يهتم بنفسه فلا يهتم بأبيه أو أمه وفيه إشارة إلى أنه من المهم جداً أن يربي الإنسان أولاده تربية صالحة حتى ينفعوه في حياته وبعد مماته وفي قوله تفسير حديث انقطع عمله ثلاث (أو ولد صالح يدعو له) إشارة إلى أن الدعاء للأب أو لغيره من الأقارب أفضل من أن يقوم الإنسان بعبادة يتعبد لله بها ويجعل ثوابها لهم لأن النبي تفسير حديث انقطع عمله ثلاث لم يقل أو ولد صالح يصلى له أو يصوم له أو يتصدق له مع أن سياق الحديث في العمل انقطع عمله إلا من ثلاث فلو كان عمل الإنسان لأبيه بعد موته مما يندب إليه لبينه النبي تفسير حديث انقطع عمله ثلاث وأيضاً يكون دعاء الإنسان لوالديه أفضل من أن يسبح أو يقرأ أو يصلى أو يتصدق ويجعل ثواب ذلك لهم والإنسان محتاج إلى العمل الصالح فليجعل العمل الصالح لنفسه وليدعُ لوالديه بما يحب ولا يعني قوله تفسير حديث انقطع عمله ثلاث أو ولد صالح يدعو له أنه لو دعا له غير ولده لم ينتفع به..

بل دعاء أخيك المسلم نافع لك ولو كان ليس قريباً لك قال الله تعالى (وَالَّذِينَ جَاءُوا مِنْ بَعْدِهِمْ يَقُولُونَ رَبَّنَا اغْفِرْ لَنَا وَلإِخْوَانِنَا الَّذِينَ سَبَقُونَا بِالإِيمَانِ وَلا تَجْعَلْ فِي قُلُوبِنَا غِلاًّ لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌٌ) فوصف الله هؤلاء الأخيار بأنهم يدعون لأنفسهم ولإخوانهم الذين سبقوهم بالإيمان وهذا يشمل إخوانهم الأحياء والأموات وقال النبي تفسير حديث انقطع عمله ثلاث( ما من مسلم يموت فيقوم على جنازته أربعون رجلاً لا يشركون بالله شيئاًَ إلا شفعهم الله فيه)..

حيث بين النبي تفسير حديث انقطع عمله ثلاث أن الميت ينتفع بدعاء المصلين عليه ويكون قوله تفسير حديث انقطع عمله ثلاث في الحديث (أو ولد صالح يدعو له) مبنياً على أن الولد الصالح الذي هو بضعة منه كأنه هو نفسه ولهذا قال (انقطع عمله إلا من ثلاث) فجعل دعاء الولد لأبيه من عمل الأب وقد استدل بعض الناس بهذا الحديث على أنه لا يجوز إهداء القرب للأموات قالوا لأن النبي تفسير حديث انقطع عمله ثلاث قال (انقطع عمله إلا من ثلاث)..

ولكن في الاستدلال هذا نظراً لأن النبي تفسير حديث انقطع عمله ثلاث قال (انقطع عمله) ولم يقل انقطع العمل له فلو أن أحداً من الناس غير الابن أهدى ثواب قربة إلى أحد من المسلمين فإن ذلك ينفعه لو أنك حججت عن شخص ليس من آبائك وأمهاتك نفعه ذلك وكذلك لو اعتمرت عنه أو تصدقت عنه فإنه ينفعه على القول الراجح.

الخميس، 18 أغسطس، 2011

تعويرة اسماعيل ف صباعه

تعويرة اسماعيل ف صباعه واوا

ايه يا اسماعيل

مالك يابنى

تعبان ولا ايه ؟
امال مش باين عليك يعنى؟
ولا باين ع عيالك

انا فاكر ان التعبان  ده بيبقى مهزوز

 والعيال بيبقوا زعلانين وكده
ومتأثرين


لا لا لا يا اسماعيل يا اخويا

انت اكيد  تعبان

بس عيالك دى مفيهاش خير

مطمرش فيهم الشيكولاته

فقعدوك ع البلاطه

ملهمش حق الحقيقه يعنى


او انك بتمثل بقى يا اسماعيل


مانا عارفك بتحب التمثيل من زمان

بس انت غلطان بردو

الجمهور مبقاش ياكل من الكلام ده

يعنى جو الشحاته ده مش هينفع

هتتباس يعنى هتتباس

هنقفل الاوضه بالترباس
وتتباس يا عباس

قصدى يا اسماعيل

اصل بردو ادينى عقلك وامشى حافى

ازاى من قبل الثوره كنت بتقول انك ميه ميه
والصحه بمب

وانك بتمارس مهامك بشكل طبيعى

وانك اسد ف المنطقه

ودلوقتى  بتقول انك تعبان

ومش قادر تقف

انت كده بقى غلطان لينا

ياما انك تعبان من الاول

ومكنش يصح انك تكمل ف المشوار ده و انت تعبان

صحتك يا راجل

او انك بتمثل علينا دلوقتى

وانا قولت لك ان الجمهور شبع تمثيل

خلاص بح

بص يا اسماعيل

نصيحتى ليك

انك تقوم  وتقف كده وتواجهه الامور زى الرجاله

وبلاش حكايه تعبان دى

تعبان ايه يا راجل

اما لو تعبان فعلا

ف بما انى لسه انسان

ومش اتحولت زيك

ف هقولك ربنا يشفيك

بس  كلام ف سرك

انا حاسس انك ممكن تقف عادى وتتكلم

مش لازم السرير ال بتطلع بيه ف البرنامج  ده

هوه يعنى انت يا تلزق ف الكرسى

يا تلزق ف السرير

امر عجيب يا سمعه

عموما 

اتمنى انك تطلع تعبان فعلا

ومش تكون ممثل

احسن شكلك هيبقى وحش اوى

لو طلعت مظاهرات ..يقولوا فيها

تعويرة اسماعيل ف صباعه باطل


حد بردو يسيب صباعه للواوا؟؟

 


الأربعاء، 17 أغسطس، 2011

لقد اوشك رصيدكم ع النفاذ

لقد اوشك ع النفاذ



لقد اوشك رصيدكم ع النفاذ

يرجى اعاده شحن البطاقه

لقد اوشك الرصيد المزعم ..ع النفاذ

لقد اوشك الرصيد الذى لا اعرف من اين اتى ع النفاذ

لقد اوشك الرصيد الذى ان صح وجوده ..فسيكون  مصدره  الشعب ..لانك قوامكم منا نحن الشعب ....الاخ والاب والعم والخال

لذلك نرجوكم

اعيدوا شحن البطاقه

حتى لا تنتهى صلاحيتها

ووقتها لن ينفع البكاء

و لن نستطيع وقتها شراء بطاقه اخرى من شركه اخرى

فبطاقتكم لا تصدر الا عنكم

ولذلك

احصلوا ع بعض كروت الشحن

وسارعوا بشحن البطاقه

او حتى بخدمه التحويل

وابتعدوا عن سلفنى شكرا

لم يعد لدينا مجال للسلف

اشحنوا البطاقه

بمحاسبه كل فاسد عن اخطائه .. ..محاسبه كل رموز النظام السابق..وتوابعهم

بتنفيذ مطالب الثوره ... التى طالما ناديتم انكم تساندونها
بوقف المحاكمات العسكريه للمدنين ......وكيف يكون ذلك وانتم اعلنتم من البدايه انكم مع الثوره والثوار

كيف الان تفعلون ذلك

اين حق الشهداء

حق اهالى الشهداء

المصابين

 اين حقوق هؤلاء

ارجو استخدام  اى كارت من هذه الكروت لاعاده شحن الرصيد


ولا تنتظروا نفاذه

لا اريد ان اراها 

الثلاثاء، 16 أغسطس، 2011

بهتان

بهتان

انا

احس اننى بهتان

لا اعلم هل هو مجرد شعور

او انه ذلك الشعور تزايد الى ان طفح ع وجهى وظهر لمن حولى

لا اعلم ما سبب هذا البهتان

ذقن غير حليق

ملابس عاديه

مكرره

نفس 

ساكنه

ساخطه 

متمرده

ع كل شىء واى شىء

سكون عجيب يحيطنى

بالرغم من انى فعليا وحركيا

لا اسكن

طوال اليوم لا اسكن

ارهاق شديد

ربما

احباط

وامل

تناقض عجيب

فرحه

وحزن

تناقض مريب

يجعلك تنظر ف المراه..وتتسأل..هل انا هنا ؟

هل انا هذا؟


شعر غير مصفف ف اغلب الاوقات

لا عنايه

لا اهتمام

اعتقد انى اشبه علماء النفس ف حالاتى هذه

او عالم ذره يعمل ع اختراع يعيد البشريه قروون الى الخلف

او مجنون هارب ..يعمل ع اثبات جنانه بتدمير اكبر عدد من الاطباق الطائره ف لعبه حرب الفضاء


دوامه اعيش فيها..اصحو من النوم لانام

اذهب الى العمل لاعود منه

ابستم وتنفرج شفتاى لتعود كما كانت مغلقه

احزن وتنزل دمعاتى .لامسحها 

وابتسم من جديد


تمر بى لحظات اشراق...لاعود مره اخرى للبهتان

اقطب جبينى الى شكل 111

ليعود وينفرج مره اخرى

دوامه لا تنتهى

ف داوائر لا نهائيه

الاثنين، 15 أغسطس، 2011

الى اين ؟

ازاى؟؟

ازاى يبقى قاتل وسارق وناهب؟؟؟ويتحاكم مدنى ..وبراحته و..وبيضحك واخر حلاوه

وازاى  يبقى لا قاتل ولا سارق ولا ناهب.....ويتحاكم عسكرى ويدفع غرامه ويداااان


ياترى هل ده التطور الطبيعى للثوره!!

العفو عن السارقين !!!

والقبض على الثوار؟!!

انا كنت زمان بتكلم وبقول

انتا بتنفس حريه

ولكن اعتقد انى احتاج الى اعاده نظر ف هذا

اين هى الحريه ..ان كنت سأحاسب ع  كلماتى  وفكرى؟

لا اتحدث هنا عن شىء محدد او شخص معين

فالكل ترك الكثير ممن يحاكمون عسكريا ...واصبح التركيز فقط ع المشاهير امثال اسماء محفوظ

انا ليس لدى خلفيه قانونيه تتيح لى الحكم عن ما اذا كان  من المفترض ان تحاسب ع تويته ع تويتر

ولكن اعتقد انها حتى لو كانت فعلا تنوى التحريض ع قتل او ما شابه

فهناك من قتل بالفعل

فكيف يحاكم من قام بالتحريض عسكريا

ومن قتل يحاكم مدنيا
؟؟

وماذا عن باقى سجينى الفكر؟

المحاكمون عسكريا فقط ع كلماتهم وليس افعالهم؟

اتذكر الان تعليق مضحك لنواره نجم
قرأتها صباح اليوم
وقد كان التعليق كالتالى 

نواره نجم على تويتر :
هخاف بعد كده ادعى على المجلس العسكرى بعد كل صلاه لحسن اتمسك ,
ماهي لو واحدة بتتحول على النيابة العسكرية عشان تويتة ع تويتر يبقى التطور الطبيعي للحاجة الساقعة انهم يحطوا اجهزة تنصت في موضع السجود . . .

لن اتحدث اليوم عن اشخاص

اتحدث عن ثوره


عن بلدى

الى اين ؟؟

الأحد، 14 أغسطس، 2011

بنت الحته


بنت الحته يا بنت الحته

مستنيكى انا م الساعه سته 

هوه انتى اتاخرتى عليا ..ولا انا هنا غلطان ف الحته

ردى عليا يابنت الحته

واقف والشمس اهى طلعت..والناس اهى رايحه وجايه 

فيهم من كل الاصناف..ومن صنفك انتى..ولا حته

ايوه جمالك مالهوش زى..ايوه اجمل واحده ف الحته

ردى عليا يابنت الحته

لون شعرك ولا عنيكى....نظراتك لو بصيتى

احكى لك عنهم ايه ...ده كلام مقدرش عليه 

شغلانى يابنت الحته..سبتينى ورحتى فين 

السبت، 13 أغسطس، 2011

انا لسه باقى عليكى


كل الناس بتقولى سيبها وسافر

اى حد  وكل حد ..

انت قاعد فيها لسه ليه ؟

كل زمايلك سافروا

اخلع

انت هناك هتبقى احسن 

بس انا مش عاوز

انا عاوز اعطيلك مجهودى

عاوز اطور فيكى 

عاوزك تبقى احسن واحسن 

ليه اعطى مجهودى لحد تانى؟؟!!

وانتى موجوده!!

خايف ليطلع كلامهم صح 

تطلعى انتى ال مش عاوزانى 

تطلعى انتى ال مش حبانى 

مش بتيدنى اى فرصه

ولا اى امل مبينالى 

كل ال سافروا عملوا حاجات ..

بقوا احسن  منى 

بس انا متسنى ابقى احسن بيكى 

عاوز اشوف منك اى اشاره


علشان خلاص الصبر قرب ينفذ
::::::::
:::
::

يا مصر

انا لسه باقى عليكى

اتذكر واتألم


كم افتقدك

رحلت يا اعز الناس...
كم افتقدك

ف كل الاوقات 

اتذكر كل اللحظات..اشعر بالذعر لمجرد تذكر انك .....رحلت

اتذكر يوم رحيلك بين يدى...

اتذكر اننى لم استطع ان افعل شىء حيال ذلك....ومن يستطيع؟؟!!

تعتصرنى غصه مريره..
عندما اتذكر انك فعلت كل شىء لاسعادى..
ولم تتسنى لى الفرصه ان ارد لك اى شىء

اجلس الان ف غرفتى ....انظر الى الاثاث ...لك بصمه ف كل مكان 

اتذكر صوتك ..عندما كنت توقظنى ف الصباح حتى اذهب لعملى...
اتذكر صوتك العذب

اتذكر حينما كنت تأتى لتجلس معى وانا اجلس امام الكمبيوتر وتداعبنى ببعض عباراتك الجميله..حتى تلفت انتباهى لوجودك 

بسمتك..روحك المرحه...الجريده...رحلاتنا عندما نذهب للصيد

صبرك
تحملك

انظر ف كل مكان ....اجد هناك ذكرى 

انتبهه ع صوت موبايلى 

انظر اليه

اجده الى جوار مصحفك 

اجدنى احب ارتداء ملابسك 

اجدنى عند اشتياقى لك ..انظر فقط ف المرأه..فانا كما يقولون نسخه مصغره منك

اتذكر واتألم 

وابكى ويعتصرنى الفراق 

 انظر الى حب الناس لك....تذكرهم  الدائم لافعالك .كلماتك ...انظر كيف تتم معاملتى..فقط لانى احمل اسمك ..وملامحك

اتيقن فقط وقتها ..انك لم ترحل ..وانك لازلت هنا ..الى جوارى 

وقتها فقط

اتناسى شعورى بالوحده...

اتناسى شعورى بانى بلا سند 

اتناسى شعورى بالمسؤليه

فانت هنا 

وهذا يكفى

تعودت دائما ان اجدك ف اوقات الشده... كنت خير العون

كنت صديقى

برحيلك فقدت ليس فقط الاب..ولكن ..الاب والصديق والاخ

لم يكن هناك اقرب من نفسى اكثر منك ..لم يكن احدا يفهمنى اكثر منك

اتذكر انى يوم فقدت

فقدت اشياء اخرى

اشياء كنت اهواها

اتذكر انى كنت متابع جيد لكره القدم..ولكن فقط وانت معى
اتذكر انى كنت احب الصيد..ولكن فقط وانت معى
اتذكر انى كنت احب تحليل كل خبر ف الجريده..ولكن فقط وانت معى
اتذكر انى كنت اكتب ما يسمى بالخواطر الرومانسيه..هكذا قالها لى احد اصدقائى ان كلماتك قمه ف الرومانسيه
 اتذكر ..واتذكر

ولكنى لم اعد اهتم

لم اعد اهتم..لم اعد اقدر ع الاهتمام ...لا يعنينى شىء ف زمان او مكان 

كل ما يعنينى ..هو صوتك حولى ف الاركان ..صورتك لا تفارق ذهنى ...سيرتك الحميده ف كل مكان

ادعو الله لك بالرحمه والمغفره ...
نلتقى ع خير ف الجنه

الجمعة، 12 أغسطس، 2011

ماذا لو كنت عصفور؟؟!


عصفورى

عصفورى  رشيق وجميل

عصفورى فنان اصيل

وبيعزف اجمل الحان 

بيسمعنى كمان مواويل

عصفورى الوانه كتيره 

مش لون واحد ولا اتنين 

عصفورى حركاته جميله 

عصفورى اجمل عصفور

كلنا بنحب العصافير ..او ع الاقل نسبه كبيره مننا ..انا مثلا عندى  عصافير  ف البيت 
بكون مبسوط جدا لما يكون بتفرج عليهم او بقدم لهم الاكل
وممكن اقضى وقت كبير اتفرج ع حركت جوه القفص..بيبقى شكلهم جميل 
طبعا انا جبت لهم قفص جميل والاكل متوفر ليهم وحاجه زى الفل

وانا شايف انه ده كويس جدا لهم 

بس هل ده كويس لهم ؟؟

حد هيضحك عليا ويقول دى عصافير ..عادى يعنى ..هتفرق ف ايه

هقوله 
طيب  لو انت عصفور 

تحب ايه 

تعيش حياتك زى ما انت عاوز وتواجهه كل حاجه بنفسك 

ولا تعيش جوه قفص وحد يوفرلك احتياجاتك؟؟

ها.....جاوب

ماذا لو كنت عصفور؟؟

ماذا كنت تتمنى من العالم؟؟؟

حر طليق تواجهه مصيرك



سجين  مع توافر متطلبات الحياه



اعتقد انا لو عصفور 

هاختار كده


الأربعاء، 10 أغسطس، 2011

هنبطل تريقه ع خلق الله امتى؟؟


هنبطل تريقه ع خلق الله امتى؟؟

كل مسلسل او فيلم او اى حاجه ..اى مؤلف يحب يضحك الناس شويه

يروح يجيب حد جسمه مليان ..او رفيع زياده

نظره ضعيف

عنده مشكله ف عنيه 

عنده مشكله ف النطق

عنده مشكله ف المشى 

اى اعاقه


طيب ليه ؟؟؟؟

خلص الكلام وخلصت المواقف؟؟ مش لاقيين حاجه تانيه تضحك الا كده؟؟

ولو مفيش غير كده يبقى مش مهم الضحك اصلا

انا من الناس ال بتضحك اكيد لما بيحصل موقف زى كده

بس بعدها بفكر ..

هل لو انا واحد من المشاهدين وعندى نفس المشكله ال  ف الموقف ده

هيكون احساسى ايه .وهما بيتريقوا ع حاجه موجوده فيا؟؟

هزعل ولا هبقى محرج من الناس ال انا قاعد معاهم 

ومش بعيد كمان الناس ال انا ف وسطهم ينادونى باسم الشخصيه دى

من كام يوم شوفت ف مسلسل  شخصيه اسمها خزينه

ثمينه شويتين كد ه

وتقريبا هيبقى عليها شغل طول المسلسل من الناحيه  دى

طيب لو ف حد ف جسم خزينه

هيزعل لما يشوف المسلسل ولا عادى؟؟

سؤال يطرح نفسه 

ايه احساس الشخص ده ؟؟