يا انا يا انتواااااا

انا طبيعى ومعروف عنى انى شخص عصامى..رأى من دماغى..اه امال ايه

مش اى حد يقدر يأثر عليا
ولا ع تفكيرى

ولا يغير وجهه نظرى

اطلاقا مطلقا

دايما ثابت ع مواقفى

ولا انحاز ولا اتغير ..ولا اى حاجه من الحاجات ال انا مقولتهاش

اعزائى المشاهدين


ولسه متابعين معاكوا المظاهرات والاعتصامات المندلعه ف صالة بيتنا

مطالبين بحلاقة ذقن الاستاذ..ال هوه انا يعنى

ومش بس ف البيت

ده ف كل مكان

ياجدعاااااااااان ..دى دقنى انا

وانا اخر واحد ف الدنيا اعمل حاجه مش ع مزاجى

وبعدين هيا مش كبيره اصلا
وبعدين ايه المشكله لما افضل بدقنى يعنى

ايوه ايوه

ايه المشكله

سموها زى ما تسموها
كسل
بخل
فقر
عادى يعنى

ف المكتب احلق دقنك
ف البيت احلق دقنك
ف الشارع احلق دقنك
....امتى هتصالح الحلاق..مش معاك فلوس ولا ايه
متحالوووش

متتعبوش نفسكم

انا مش هحلق غير بمزاجى

طيب

خلاص كده يعنى

ماشى ماشى

يانا يا انتوا

مش حااالق

::::::::::::

:::::::

::

 

 

برافوووووو حلوه اوى الصوره دى..ادينى بقيت شبه كركر

:)

شهيد

مشهدكم ف القضبان يكفينى

مشهدكم حقا يحيينى

روحى هائمة ف سماء التحرير

تدنو من الارض وتعلو

تنتظر حقا رؤياكم

لا تحسبوها تنتظر ذلك حبا

..لا...

فهى  تنتظر ف محاكمتكم عدلا

تنتظر ان تظهر خباياكم
ولن يطول بها الامد حائره

فهى تعلم انها ذهبت وتركت رفاقا

لذكراها حافظه

لن يستريحوا الا وانتم ف السجون

اشباحا مفزعه

روحى ف سماء التحرير هائمه

ترى رفاق الدرب ع نفس الخطى....سائرين

لحقوق الامه حافظين

وع الحريه والعداله وما كان بيننا ...ملتزمين

روحى ف سماء ام الدنيا ...تراها تبتسم
تراها تمسح دمعه المسكين..
تراها تمسح جبين العامل الفقير ..المريض..تراها تمسح دموع الملايين 

ممن كانوا ضحاياكم..ضحايا شيطانكم..ضحايا انفسكم.ولكن هل مثلكم لنفسه شياطين؟!!
هل توسوس الشياطين لكم ..كما يفعلون مع بنى ادم المساكين؟!!
لا اعتقد
فلا توسوس الشياطين للشياطين!!!

روحى فوق سجنكم تدنو..تراها تريد رؤيه اوجهه الملاعيين
تريد النظر اليكم لاخر مره..فبعد سجنكم ستذهب الى جنات النعيم
ترانا سوف نلتقى؟؟!!

لا اعتقد

فالجنه لا تستقبل الملاعيين!!
هى فقط للشهداء الطيبين..لضحايا الظلم..وليست للظالمين
للطيبين ..المؤمنين...الذين هم لله حافظين
اما انتم
فمكانكم معروف..
ف الدنيا سجن مهين ..وف الاخره ..والعلم عند ربى ..جهنم وبئس المصير

اسمى سيظل خالدا ابد الدهر ف سماء بلادى..لن ينسى رفاقى..دمى وحياتى..

اما انتم

فمزبله التاريخ منتظره..تفوح منها رائحه اسمائكم القذره

الليله الكبيره

الليله الكبيره

النهارده زى ما انتوا شايفين

النهارده زى ما انتوا سامعين

النهارده زى ما انتوا حاسيين

يوم مختلف
شعور مختلف
فرحه مختلفه


العادلى ومساعديه
جمال
علاء
حسنى مبارك

ف القفص..فيلم الموسم



مش شماته ...محدش يفهمنى غلط

ومش فرحه ف حد معين او تشفى

لا اطلاقا

لو اليوم مختلف ..فلانه ولاول مره المصريين بيحاسبوا رئيس وعدد كبير من المسؤلين

ما علينا هما مين ..بس ده بيقول ...انا بتنفس حريه


لو شعور مختلف ...ف ده بسبب انه  محلصتلش الحاجه دى قبل كده..وبالتالى شعور بالامان ..انه مفيش ضرب ع القفا تانى

مفيش تعذيب تانى ..مفيش خوف تانى ..مفيش ظلم تانى ...ف عقاب..ف حساب...مفيش كبير وصغير....كله زى بعضه

ومحدش فوق القانون

لو الفرحه مختلفه...فطبعا  لازم تبقى مختلفه.... ..ومحدش يقولى دى شماته...لا....دى فرحه بان كل واحد بياخد حقه

انا مش بطالب بحاجه معينه للناس دى ..ولا بقول اعدام ولا بقول اى حاجه..انا بقول بس يتحاكموا...وانا متأكد ان ربنا مش هيضيع حق الناس ال ماتت ..وحق الشعب ال اتشرد ...وحق الغلابه المطحونين ..وحق وحق ..اقول عن مين ولا مين

حق واحد مات غدر...ولا حد مصاب ..بقى عاجز..ولا حق سجين ..ضاع عمره .. وكل ده علشان قال رأيه ؟

انا مش بطالب بحاجه معينه للناس دى ..بس بطالب بتحقيق العدل

فرحتى مش شماته ف حد ...

فرحتى ان القانون بياخد مجراه

وان الناس كده عرفت انه ف حساب



انا عارف طبعا انه ف القانون الجنائى ف ثغرات يطلع تاجر المخدرات من التهمه ..مع انه ممسوك تلبس

تفتكرواا ممكن الناس دى تطلع من التهم الموجهه بردو؟

ياترى ايه عواقب ده لو حصل؟؟
عموما انا يكفينى انهم يتحاكموا ..ونتيجه المحاكمات متوقفه ع ضمير هيئه المحكمه ..وشطاره المحامين من الطرفين ..وقوه القانون


ومتاكد ان ربنا مش هيضيع حق الغلابه

من قتل يقتل ..ولو بعد حين

انا بتنفس حريه

:)

السبب انا ولا احد غيرى

عن تدويناتى والمسابقه ..دعونى احدثكم




كنت  ناوى اتكلم عن حاجه تانيه النهارده..بس لما نتيجه التصويت الخاص بكتاب المئه تدوينه ظهرت ..قولت اتكلم عنها

انا فضلت طول الاسبوع منتظر النتيجه ..وامبارح طول اليوم بتابع بشغف شديد ظهورها ..الا ان غلبنى النوم..

صحيت النهارده ع صوت اخويا الصغير بيقولى ان الساعه بقت 8..وقوم علشان الشغل....وبعدين قالى النتيجه ال كنت مستنيها ظهرت..قولت له ليا حاجه فيها؟



قالى لا

ابتسمت وقولت له يلا خير الحمد لله ...ومشيت علشان استعد اروح شغلى
رجعت له تانى اشوف انا اخدت مراكز ايه

وكانت صدمه تانيه ..حتى المركز 150لم يذكر اسمى نهائيا

دورت ع ناس اعرفها واتبسطت لانى شوفت ناس منهم كسبت

زعلت تانى لما شوفت ان الحمله ومالسابقه بتتهاجم لمجرد ان ف ناس مش كسبت

طيب مش معنى انى اشتركت انى اكسب..
وان كنت ابحث عن حد احمله مسؤليه خسارتى

فيبقى الاول احاسب نفسى

اكيد انا حزين من خسارتى....كنت مخطط سناريو تانى لحياتى لو كسبت...بس الدنيا موقفتش..

يكفينا شرف المحاوله
:)

زى ما بعض الناس عارفه انا مشارك ف المسابقه ب4 تدوينات ...طبعا كل المشتركين  كانوا ف حمله التدوين اليومى شهر  6

وبالتالى اغلب المشتركين  انتقى 4 تدوينات من اصل 30تدوينه هم محصله الشهر

اما انا ولانى لاسباب ما ...توقفت بعد اليوم الخامس من الحمله ..وبالتالى كان عليا اختيار 4 تدوينات من اصل 5 تدوينات

وبالتالى ف ال4 لن يكونوا الافضل ..منطقيا 4 من 30..تعطيك فرصا اختيار افضل ...

غير انى قبل كده سبقت ورميت اوراق كتيره فيها تدوينات ..سبق ومسحت مدونات ليا...سبق وتوقفت تماما عن التدوين ..وبالتالى محتاج وقت للرجوع

وده تانى الاخطاء

اما عن ثالث الاخطاء..فهو ان ممكن انا لا ارتقى لمستوى الكتابه ...وان  امكانياتى كده..ع قدى يعنى ..وعلشان كده مش هعرف اكسب ف وسط ناس موهوبه وامكانياتها اعلى بكتير ..وده سبب لخساره اكثر منه خطأ..

اما عن رابع الاخطاء .فهو متعلق بالثانى حيث لا تتمتع مدونتى يالانتشار المطلوب ف مثل هذه المواقف وده بسبب انى غيرت الاسم كتير وقفلت المدونات القديمه ...المهم انى ملقتش جمهور يساعد ع تخطى النسبه شويه لفوق


حتى اصحابى ع الفيس لم يتمكنوا من دعمى

يعنى مش كلهم فهموا اليه التصويت

مش كلهم شافوا اللنكات

مش كلهم عجبهم التدوينات

واكيد ف حد طنش
:D

مش كلهم اصحابى اوى..وبالتالى فالامر غير مهم

:)

اما عن اصوات اللجنه فلن استطيع التعليق عليها ..لانه ببساطه انا لو ف مكانها ..لن احمل نفسى ذنب صدمه انسان لمجرد مجامله اخر....وبالتالى لن اتقبل اى تشكيك ف نزاهتى ...ولذلك فانا حتى وان كنت  حزين لخسارتى..فلا استطيع تحميل لجنه التصويت   سبب خسارتى

السبب انا ولا احد غيرى

وكانت نتيجه التصويت للتدوينات الخاصه بى  كالتالى

التدوينه  مشاهدات   ص الجمهور  ص اللجنه  ن الجمهور  ن اللجنه  النهائيه   الترتيب


دمعة امل        71               5                3          0.2         0.3       31.8        157


نقطه وسطر     39            5             3             0.2         0.3       31.8          163


علمونا          50            5               2             0.2         0.2       23.1         200

 
طفل مريض     55          5               1              0.2          0.1     14.4        232 

الجدول ده شلنى ع لما اتظبط

:(

لمعرفه التدوينات الفائزه

ع اللنك التالى 

هنا

وللنتائج بالتفصيل 

ع اللنك التالى 

هنا

 

واكيد ف ناس مقرتش التدوينات دى فانا هحط لنكاتها هنا دلوقتى 

دمعة امل

نقطه وسطر

علمونا ولم يعلمونا

طفل مريض

والتدوينه الخامسه التى لم تدخل معهم ..

كانت كان ف مره قلب

وده اللنك بتاعها

كان ف مره قلب

لمتابعه باقى الاحداث الخاصه بالمشروع والكتاب

دى صفحه الكتاب ع الفيس بوك

هنا

____________

________

____

__

ودلوقتى مش عارف اعمل ايه ..بس بفتكر اعمل زى اخونا اللمبى واصرخ واقول

اللمبى فاشل يابنى ادمين 

انا فااااااشل 

ال راح راااااااح ياعم الحاج

عاااااااااااااااااااااااااااااا

:D

وبالنسبه لاخوانا المشككين ف نزاهه اللجنه 

فانا شايف انه بما انى انا يمشى معايا دور اللمبى الفاشل 

فاعتقد يمشى معاهم دور السقا ف الجزيره

وانصحهم بالصراخ 

من النهارده مفيش لجنه ...انا اللجنه

:D

وختاما

ان لم يسعدك الاخرين فحاول ان تسعد نفسك

رمضان كريم

كرم رمضان..وبسمة الصومال

اهوه جه يا ولاد

كل عام والجميع بخير

هو رمضان ..وف الاصل كريم..اتمنى ان نتحلى جميعا بهذه الصفه..الكرم

هل هلاله .جاء رمضان بكل ما يحمل من مظاهر وروحانيات ..جاء ليطهر القلوب والنفوس

جاء رمضان ليطل علينا ببعض البهجه..المتلازمه مع الطاعه ..جاء علينا ليعطينا بركته

جميعا نعلم كرم الله علينا بهذا الشهر المبارك ...الذى تغلق ابواب جهنم فيه ..وتفتح ابواب الجنه..
ويظهر كرم العباد ف هذا الشهر الكريم .عن طريق شنط رمضان او موائد الرحمن او
ولكن السؤال ..لماذ ا فى هذا الشهر فقط

وما جدوى توزيع ياميش رمضان وكل هذه الاضافات ..وهناك فى الصومال مجاعات وجفاف ..وبشر مسلمون يموتون

اعتقد ان شنط رمضان هذا العام كانت ينبغى ان تذهب الى الصومال وليس الى داخلنا

اتمنى ان نتحلى بروح رمضان وكل من لديه القدره على التبرع ان يساعد ف محو هذه الازمه

واتعجب جدا من دور الدول العربيه المفترض انها غنيه ..لانى لا اسمع مطلقا عن اى مساعدات ذهبت منها لمساعده  اخوانهم

اين هم الدول العربيه ...اين الدول الاسلاميه..اين اصحاب الهتافات عن التوحد والوحده
ثم اين ابواق الدول الاجنبيه التى تنادى دوما باحترام الانسان وحياه الانسان

اين الامم المتحده التى تزعجنا دوما ببياناتها التى لا تطبق منها شيئا

اين مدعى الحريه ومنصفى الانسانيه
وهؤلاء يموتون جوعاااا

اين انتم ان لم تقدروا ع ايجاد الطعام فقط لهم ..فماذا تفعلون؟

اتمنى ان ارى تكافل الاسلام ..ف بلاد الاسلام

اتمنى ان ارى كم من اهل الصومال سوف نطعم

اتمنى ان ارى بسمه اهل الصومال تظهر علينا بظهور هلال رمضان