بفتح الايميل
ايه ده اضافه
لولولولولوى
جاتلى اضافه ..جاتلى اضافه ..ف زمن المواقع الاجتماعيه ..تجيلك اضافه ع الهوت ميل المهجور.!!!!!
عجبت لك يا زمن :D
طبعا شعور جميل اوى كده ان تفتح الفيس او تفتح الايميل تلاقى حد ضايفك او بعتلك رساله ا..او عاملك كومنت
يمكن شعور الاضافه ده مختلف شويه
فيه فرح كده وانبساط ان ف حد مهتم يتابعك..بس فيه بردو قلق من المجهول ..انا مين ياعم دوله ...انت مين ياعم اسماعيل
المهم ..قبلت الاضافه ..
وشوفوا الجمال بقى يطلع كمان ال ضافنى اون لاين ..علشان ننجز ونعرف مين
ان ان ان ..طلعت بنت .يا حلولى ياحلولى
هييييييييييييه
يانهار ابيض ..مين الحلوه دى....صوره حاجه كده من بتوع السينما
مش سينما الاطفال يعنى ::D
اممم ..اسمك سنك عنوانك
وظيفتك
بتكسب كام
ايه ال انا فيه .
هوه انا دخلت القسم وانا مش واخد بالى ولا ايه
المهم ..مستغرب من الاسئله
ف ايه ؟
هوه انتى من الضرايب ولا ايه
المهم طلعت من رومانيا
ف الجامعه لسه...وتحت العشرين ...والمهم انها طلعت موزه جدا خااالص :P
انت مش هتتجوز؟؟!!!
ده كان سؤالها
عرفين بقى شعورى انا ايه ..زى ال حد فتح عليه حنفيه المايه الساقعه ..ف عز طوبه..وع سهوه
ايه السؤال ده كمان
لا طبعا كل الناس بتتجوز
انت عندك جيرررررل فيريييييند.....نو اى دونت
طيب انا عاوزه اتجوزك
نيهاهاهاهاهاهاها
هوه احنا ف الكاميرا الخفيه ولا ايه ؟؟
هوه انا ساحر كده..من صورتى ال ع المسنجر وقعت كده ..ف ثوانى
اكيد هيا الصوره ال عملت الشغل ده
مانا من الفراعنه بقى
وع رأى المثل ....
اتجوز فرعونى..يغسل لى صحونى ..وكمان هدومى ...ومش هياكل كتير ..ده اخره كيس ...اندومى
صمت بقى تااام
معرفتش ارد اقول ايه
واحده بتطلب ايدى ..ايه البنت الواقعه دى :D
مش هكدب عليكوا ...انا كنت مبسوط ..هههههه
بس ف نفس الوقت ..دى حاجه غريبه عليا
المهم انا طبعا عمرى ما هتجوز اجنبيه
فقولت ..ارد عليها رد شياكه كده بقى
واقولها ايام ايجيبشين مااااان
^_^
المهم قولت ليها بس انا من مصر وانتى من رومانيا ..والموضوع ده صعب خااالص
ترد هيا .....انا جيالى يا بيببى ....
يا فدحتى ...انا خالد ناجى ...بقيت بيبى ..
يادى الفديحه ام جلاجل ..يادى الجثه ام حناجل
شنب النجعاوى ضاع
مرسى الزناتى انهزم يا مييينزززز
التار ولا العار
^_^
ايه التدبيسه دى بقى
جايالى فين بنت العبيطه دى
امممم
فكر يا خالد
فكر يا لودا
تقولها ايه بشكل كويس ...وال ايه ..ميجرحاش
اجرح ايه وما اجرحش ايه
هوه انا كنت وعدتها بحاجه اصلا
يااخى معلش ..دى بنت بردو ..وخليك زووق وجنتل
حاضر يا سيدى ..لما نشوف اخرتك ايه يا سى خالد
اممم
بس اقولها اهلك وكده
طب وانتى هتسيبى اهلك ..وتيجى ازاى ..مش هينفع
ترد تقولى
لا بابا معرفش فين ...او معرفش فين ...بصراحه مش فاكر بالظبط
وماما مش هتقولى حاجه ..بتسبنى اروح اى مكان
:D
ف الصف يا اهبل يا ابن الاهبل
نيهاهاهاهاها
يا صلاه الزين يا صلاه الزين
...رد ياعم خالد بقى ..
اممم ..طيب انتى عندك بوى فريند؟؟؟؟
اه عندى بس هسيبه ...اصل احنا مش هنتجوز
هأأأأأاوووو ....معرفتكش انا بقى ...خدعه دى !!
يعنى كل الهرى ال هرتيه ده .وف الاخر مافيش رااايت بوك..كتب كتاب يعنى
وال ايه ..جيااااالى
.ايه ياعم خالد ..انت لسه بردو خايف ع مشاعير ومحاسيس البت دى
والله بينى وبينك ..انا ابتديت اقلق
هنعمل ايه ف الورطه دى ..انا بفكر ااااا بلوك ..ودددددليت وخلاص
بص ..هيا فكره ..بس احنا عاوزين نشوف اخرها رايح ع فين
دى مغامره محفوفه المخاطر..وممكن تقلب بتدبيسه ف جوازه يامعلم
دونت ورى يامان ..وراك رجاله
.........................................................
نكمل بكره بقى
^_^
انتظرونى ان كان ف العمر بقيه
