السبت، 5 يونيو 2010

فعل الخير..يفيدك قبل غيرك

فعل الخير شىء جميل جدا واول المستفيدين من فعل الخير اكيد طبعا القائم به لانه بفعله للخير غير انه بياخد ثواب الا انه كمان بيحس بالرضى عن النفس وكمان ربنابيعطيه الانشراح والهدوء والانبساط
يعنى لو لقيت نفسك مضايق..اعمل خير اعطى محروم او محتاج وان شاء الله السعاده هتجيلك لحد عندك
لانه ببساطه الخير ده زى المسك اللى مع بياع المسك مشع منه الرائحه ف كده مأثر ع اللى بيبعه وع المستفيد او المشترى كمان
دع غير طبعا ان ربنا لازم بيجازى فاعل الخير
واقل خير ممكن تعمله انك تبتسم فى وجه اللى يقابلك من الناس
كلنا طبعا عارفين قصة الرجل اللى سقى كلب وكان جزاءة مغفره ودخول الجنه..مع ان الفعل بسيط جدا..الا ان الجزاء كان عظيم جدا
ف كل اللى زعلان- مضايق-مهموم....يعمل خير ..يشغل نفسه بفعل الخير بأى شكل كان.وان شاء الله ربنا يجازيه الخير
لان الانسان لو شغل الطاقه ال جواه ف عمل الخير ..هيفرح وهيبقى حواليه ناس فرحانه باعماله وبتحبه ..واعتقد بعد كده مش هيبقى مضايق ولا مخنوق

والى لقاء ان شاء الله

خالد ناجى

2 التعليقات:

غير معرف يقول...

فعلا عندك حق
المشكلة ان الفكرة دي مش بتيجي ف بالنا وقت ما نكون متضايقين
اننا لو عملتا خير هايتغير حالنا يبقى احسن
بس ع رايك لو احنا اصلا مستمرين ع فعل الخير
مش هايبقى في مجال ان يجيلنا خنقة او ضيقة
جزاك الله خيرا ع التنبيه الجميل ده

Unknown يقول...

جزانا الله الخير واياكم

إرسال تعليق