الخميس، 7 يوليو، 2011

اين الثوره؟؟!!

اين الثوره

كانت ثوره..ع الظلم اه ع الفساد اه ..ع الراعى اه ..ع الرعيه .....لا

ثوره اقتلعت رموز الفساد ولكن لم تقتلع باقى جذوره

اتفقنا جميعا ع انها ثوره ع انفسنا قبل ان تكون ثوره ع الغير

تعديل لكل شىء فاسد ف كل المجتمع

ولكن حتى الان لا نرى اى تعديلات
اه  الثوره حققت كتير ..بس ف كتير بردو متحققش

بالامس سمعت خبر براءه بعض من الفاسدين المتهمين ف قضايا التربح وسرقه المال العام..اذا لم يكن هم السارقون ..فمن  هو السارق الحقيقى؟؟ الشعب؟

سمعت ايضا انه تم الافراج عن الضباط المتهمين بقتل الشهداء

فمن قتل الشهداء ان لم يكن هؤلاء؟

كيف يغمض لنا جفن وروح الشهيد تريد حقها

كيف يمكننا العيش..ومن مات فدائنا لم يحصل ع اقل حق له

هل نتخيل مدى الالم والمرار الذى يشعر به اهل الشهيد؟
"لا هو عاش ولا ارى مصر الان تعيش"

لا يوجد وصف  فى اى لغات يستطيع تصوير ذلك
انشغلت الصفوه بتحديد ما اذا  كانت الانتخابات اولا ام الدستور اولا

ونسوا حق الثوار..نسوا حق الشهداء..نسوا اهداف الثوره...نسوا مصر..حتى وان ادعوا انهم بذلك يحافظون عن مصر

فمصر ليست دستور قديم او دستور جديد

مصر ليست انتخابات او مجلس قادم او رئيس قادم


مصر هى الان بالنسبه لى ...ارواح الشهداء.....دماء الجرحى...
مصر هى الان ...الفقراء

اين حقوق هؤلاء؟

لا اعلم

 انا كمواطن عادى...لا ارى تعديل فيكى يا مصر ..لا النظام  تغير ولا الشعب تغير

فقط رموز النظام هى من زالت..اما عن النظام فمازال قائما ..لازالت الدوله تعمل بنفس الطريقه...الاسلوب

اما عن الشعب..فقد لاحظت بعد الثوره تعديل بسيط ف سلوكياته

ولكن ..عادت ريما لعادتها القديمه

انتشر الاستغلال بطريقه موسعه

البنزين  لا اعلم ما يحدث له ..ولكن دوما ف ازمات به..ويتم رفع سعره ولا احد يتكلم
اجره المواصلات التى اركبها حتى اصل الى عملى زادت بنسبه20%بلا مبرر ..وتكلمنا  كثيرا..ولكن لا حياه لمن تنادى

مندوبى مصلحه الضرائب انطلقوا ع التجار..ومن لا يريد حساب مظبوط عليه بدفع الاكراميه ويتم نسيانه تمام ..رشوه  يعنى..كل حاجه زى كما كانت
كل الاسعار ارتفعت بشكل كبير..وكل من لديه سلعه يحاول التربح منها بكل السبل
انتشرت البلطجه وهنا اذكر لكم مثال
"صديق لى يحكى موقف حدث معه..هوه لديه محل قطع غيار خاص به ..جاءه شخص وطلب بعض الاشياء وبعد فتره اراد ان يحصل ع نقوده ويرجع له البضاعه ..وهذا لا يجوز لان البضاعه لم تكن ف حالتها وقت الشراء..ماذا حدث؟؟

هدده بأنه سوف يحضر له بلطجيه ...وانتم تعرفون الباقى

الغريب ف الامر ..ان هذا البلطجى يعمل سباك..وكان قد اشترى هذه الاشياء لزوجه رجل شرطه..وكانت موجوده وقت هذه المشكله...وظهر ان السباك قد قبض منها قيمه هذه الاشياء اعلى من ما هى حقيقتها

وهى تريد فقط نقودها

لا يوجد لديها مشكله ان السباك قد احتال عليها ..

واصبح صديقى بين امرين ...اما ان تبلغ  هذه المرأه الشرطه ..او انه يتعرض للبلطجيه
سبحان الله ..ما جمع الا ما وفق ..البلطجيه والشرطه

المهم ان صاحبى ارتضى ارتجاع البضاعه بقيمه اعلى من قيمه بيعها ... تحت التهديد طبعا "

المقصد من هذا الموقف

اين الثوره ع اخلاقنا هنا؟
اين الثوره ع مبادئنا هنا؟
اين الثوره ع انفسنا ؟

اين الثوره؟؟

وهنا اتذكر مقوله لا اعرف من مصدرها ..ولكنى مؤمن بقوتها وصحتها

اصلاح ف قلب الرعيه..خيرمن اصلاح  ف قلب الراعى





وصلنا للنهايه
اشكركم ع المتابعه..ولقاء يتجدد ان قدر لنا الله ذلك

 

4 التعليقات:

ساره يقول...

بجد يا خالد كلامك صح انا عايزه افهم ليه الرموز دى ما اتحكمتش مستنيين لاءمتا لما البلد تخرب اكتر من كده حرام والله كتير علينا اليه بيحصل داه الشعب بيقتل فى بعضوا داه احنا بنرجع لورا مش لقدام طيب وبعدين مش كفايه طيب هيتحكموا واله لا طيب هنتقدم واله لا هنعمرها واله هنخربها الاطفال هيكونوا فى امان ولا لا اسئله كتيررررررررررررر اوى اسفه طولت عليك بس الموضوع بتاعك هام جدا وعجبنى اوى مرسيه ليك يا خالد

غير معرف يقول...

كلامك جميل جدا وكل كلمة قلتها صح. الثورة فقدت قيمتها الجميلة اللى كنا بنتمنى انها تبقى موجودة وساعتها فعلا حسينا ان بعض السلوكيات اتغيرت لكن كل حاجة رجعت زى ماهي ويمكن اسوا كمان. ابسط حاجة مثلا الطلبة في الجامعة بيقولوا لنا "احنا طبعا لازم ننجح السنة دي" واخدين الثورة على انها بلطجة مش على انها تغيير للاحسن. ويا خسارة الشهدا اللى ماتوا عشان غيرهم ميستاهلش انهم يعيشوا كويس بس عموما ده عمرهم وقدرهم.
بالنسبة بقى لموضوع الشهداء مش فاهمة ليه الحكومة ساكتة لحد دلوقتى ومش بتعمل اي حاجة غير لما تعرف ان في مليونية او مظاهرة، وكل اللى بيعملوه انهم بيحاسبوا المسئولين القدامى على قضايا الكسب غير المشروع، مش فاهمة ازاى بيحاسبوهم فى القضايا اللى زى دى وسايبين دم الشهداء اللى راح هدر ولا كان في حاجة كانهم مثلا يستاهلوا اللي حصل لهم .
النظام القديم مشى لكن اثاره لسه موجودة ونفس طريقة التفكير مفيش اى حاجة اتغيرت غير ان وزير مشى جه حد مكانه هو ده بس اللي حصل.
الثورة فعلا بتضيع مننا وان شاء الله ترجع تانى يوم 7/8 وربنا موجود وقادر على كل شئ وان شاء الله الحق سينتصر في النهاية عشان ربنا ميرضاش بالظلم
حفظ الله مصر وشعبها من كل سوء

مدونون بلا قيود يقول...

بعد التحية ..
تم اضافة مدونتكم الى ـ مدونون بلا قيود ـ
وسوف ننشر مواجز وروابط لكل تدويناتكم خلال نصف ساعة من نشركم لها
لمزيد من التفاصيل http://modawenon.tumblr.com/icq
ولكم فائق الحرية والاحترام

خالد ناجى يقول...

شكرا لكم جميعا ع التواجد ال نورنى

إرسال تعليق