الى فتاه...ظلمها الحاكم والمحكوم

بتبكى ليه ؟

انتى فاكره حد شافك ..لا محدش

انتى فاكره حد فاهم تم سحلك ازاى وليه؟

لا محدش

انتى فاكره حد زيك غالى جوه قلوبنا

لا محدش

اوعى تبكى 

...............

البكاء مش عشانك

البكاء ده ع الرجوله

ال منا فجاه راحت

ع ال شافك ..قال عليكى مش تمام

هوه فكر لحظه انه ..هوه جايز مش تمام

فكر ان ممكن اخته..تبقى عاريه ف اللجان

تبقى مسحوله ف ارض بلادها

وبردو تختفى وتضيع حقوقها....وتفضل طى الكتمان

هوه جرب يبقى عارى ..وسط شارع ....وسط حوش

.............................

 يالى بتقول الكلام ده..قولى قول

قولى ايه ف يوم يجبرك ..تنزل الشارع وتتعرى قصاد فلوس

تاخد كام وتتنزل تتسحل وعليك الناس تدوس

تاخد كام والكل يجيب ف سيرتك...وف عرضك

تاخد كام قصاد اهانتك ...قصاد كرامتك

........................

اوعى تبكى...انتى عندى  غاليه ..عاليه...وعند ناس كتير كمان


اوعى تبكى ..بكره سيرتك تبقى عطره ..وتنتشر ف المكان

بكره اسمك ينكتب.. دهب ..لما ربى يرفع عن عيون عباده الغمام 

.....................

خلى دايما ف كلامك

"ربي إني مسني الضـــر وأنت أرحــم الراحميــن"

"وأفـــوض أمري إلى الله والله بصيــر بالعبـــاد"

والله كريم

يكرمك ويزيل همومك

وترجع  بسمتك .... تنور الميدان 

............................................................

توضيح بسيط

بقالى كام يوم مصاب بحاله من الخرس 

ف البدايه احب اوضح شىء مهم

المجلس لما طلع وقال شوفوا ..ادى الثوار ..بيحرقوا ويعملوا ويعملوا

تمام ..انا معاك يا مجلس

وظيفتك ايه ؟

طلع ليا بقى ..ال حرق ..وانت جبته ده...وال عمل وال عمل وال عمل

طلعهولى قتيل ..ومسجون ..ومسحول

لكن لو جينا وبصينا

هنلاقى ال مات ..وال استحل ..وال انضرب...مش م الناس دى

طيب ازاى؟

ازاى يبقى ف مخابرات وشرطه وجيش وكل الاجهزه دى ومش عارفين نطلع مين ال

بيعمل كده

لا وكمان بنضرب ونموت الناس الغلط

هتقولى مفيش عنف من افراد الجيش

هقولك هوه فعلا مافيش عنف من عساكر الجيش...لانهم بينفذوا تعليمات ..يعنى العنف 

طالع من الاوامر ال اخدوها

لو الناس ال ماتت ..وال انضربت ..وال اتعرت ...دول حصل لهم كده من طرف تالت 

وهكدب عنيا واوافق ع كلامك

يبقى انت فين ..مسؤليتك تجاه البلد والشعب ..تجبرك تجيب للناس دى حقوقها

هوافقك بردو ان ف وسط الثوار ناس بلطجيه

لو اجهزه الدوله مش قادره تعرف مين البلطجى من مين الثورجى

يبقى اصلا مافيش دوله

ويبقى بردو مكانهم فاضى

يبقى يرحلوا احسن

..................

ده كلامى ..كلام واحد ..مش من الثوار...

وكمان مش معاهم ف وقفتهم الاحتجاجيه دى من البدايه

وكمان مش مع البرادعى ف شىء ..ولا عاوز اشوفه ف مصر اصلا

بس مهما كانوا ...ده رأيهم ...وبيعلنوا عنه...ميبقاش التعامل معاهم بالشكل ده

ما يحدث الان ..وصمه عار ف تاريخ المجلس العسكرى ..وف تاريخ مصر

امور الاعتصامات تدار بالسياسه...وعمر ما القوه المفرطه ..هتعمل حاجه

ان لم يستطع المجلس اداره البلاد بالسياسه ....فانا اقترح انتخاب رئيس جمهوريه 

..مبكر..حتى ننقذ الوطن مما يحدث فيه


لك الله يا ارضى الطيبه

وظيفه بس بسرعه بقى ابعتولى

  الوظيفه دى انا عرفت عنها ..وهيا ف شركة متميزه ..انا هقدم فيها .بس انا غالبا مش هنجح لان  السى فى بتاعى كله محاسبه 

ال عاوز وعنده الامكانيات دى يبعتلى السى فى وانا هبعته لواحد هناك يقدمه لنا

legend_of_egy@yahoo.com

ابعتوا ع الميل ده

بس اخر ميعاد بكره ..ف بسرعه الله يكرمكوا..خلو بالكوا من الشروط .ومن الاماكن ال مطلوب منها 

وده الاعلان 

Portal Representative

 

المهام المطلوبة :

ü      جمع معلومات مفصلة حول نقاط الاهتمام، مستشفيات، مطاعم، نوادي، مقاهي، صيدليات، مدارس  

                           وجامعات.. وقدرة على الوصف وصياغة الانطباعات الشخصية على الاماكن والناس.

ü      تحديث قاعدة البيانات الخاصة بالموقع بكل جديد دائما، بالصور والوصف والانطباعات، والتفاصيل    

                            الجغرافية

ü      التواجد وتغطية ابرز الاحداث في المحافظة و التصوير الفوتوغرافي، والفيديو إذا تطلب الأمر.

ü      رفع التقارير "الخاصة" فور حدوثها.

ü      بناء شبكة تواصل مع ابرز الشخصيات الفعالة في المحافظة.

ü      التواصل مع وسائل الاعلام المحلية في المحافظة.

ü      نشر محتوى الموقع على بقية الشبكات الاجتماعية.

ü      نقل ابرز الروابط الالكترونية والموضوعات  والصور والفيديوهات، على شبكة الانترنت التي تهم 

                          المحافظة.

ü      المشاركة، بابرز واهم الموضوعات التي تهم المحافظة، واثراء عملية التعليق والنقاش.

ü      الإبقاء على الموقع محدثا بأبرز الموضوعات الساخنة والقضايا التي تهم سكان المحافظة.

الكفاءات و المهارات:

 

ü      لديه معرفة جيدة بأهم الأماكن والأحداث و القضايا في محافظته.

ü       يتمتع بخبرة جيدة في التعامل مع شبكات التواصل الاجتماعي و أن يكون مشاركا بها بفاعليه.

ü      أن يكون مستخدم جيد لأجهزة الكمبيوتر والكاميرات الرقمية، والهواتف الذكية.

ü      لديه خبرة في التعامل مع مختلف وسائل التواصل الاجتماعي(SEO, RSS, Twitter, Face book                         ) ووسائل الإعلام الاجتماعية.

ü       أن  يكون مستخدم  نشط للانترنت (يفضل أن يكون مساهما في مواقع الشبكات الاجتماعية).

ü      لديه القدرة على التعامل مع كل الناس بمختلف فئاتهم و ثقافاتهم و بعدهم الاجتماعي.

ü       أن يكون مهتم بالبحث ولديه قدرة على التحقق من صحة المعلومات.

   ü      أن يكون من قاطني محافظات ( بورسعيد-الإسكندرية-المنصورة-المنيا ).

ياهووو والمترو والشغل ال طار ...وانا وانت :D

 

هالووو يا بشر ...طبعا هالووو دى ..تحيه ..لا هيا هالوووو شلبى المسرحيه..ولا هيا 

 

سلسه هالوووو بتاع انجليزى ال كنا بناخدها ايام ما كنا كيدزز

اييه  ايام ..النهارده يوم بقى كدهون غير 

صحيانه غير 

ضحكاته غير

حتى الشغل ..غير

الفرندز غير

والجو بحبه وهوه غير

مغيم وناوى يمطر....زى الفل..تقريبا الجو ده ال بيجيب اكتئاب لبعض الناس..هوه 

 

نفسه ال بيبسطنى ..طبعا لان انا اصلا ....غير

 

:D

بيقولك ....

حااااسب ..هوه مين ده ال بيقولك ؟؟ وبعدين يقولك انت ليه ؟؟مش يقولى انا كمان 

خلاص ياعم 

بقولك 

انا ومش هوه ال بيقولك :)

......................................................

 

 

 

لولولولولولوى ..بيقولك ف مشروع مترو ف الدقهليه ..يشمل المنصوره وضواحيها 

 

..وطلخا ...يا حلولوى يا حلولوى ...ربنا يبارك والله ..انا مبسووووط ..ومن هنا نشكر

 

المحافظه ونشكر كليه الهندسه ..ونشكر الافندى ال قالى ع الخبر :D

 ..............................

 

الخبر بتاع المترو ده مفرحنى بطريقه غريبه ...اصل الفكره دى كانت بتيجى ع بالى

 

وانا ف ثانوى ..الله يجازيه بقى بتاع مكتب التنسيق ..مش كان زمانى انا صاحب 

 

المشروع ده :D

...............................

........

.....

 

وده كان اول نبأ معانا ف نشرتنا ال ملهاش مواعيد :D

.............

...

..

ايها الساده ...ف هذا الوقت العصيب...وف الظروف الللوز التى تمر بها 

 

البلاد...يؤسفنى ان ابلغكم ونفسى ..بانى قد خسرت مصدر من مصادر دخلى...مكان 

 

كنت براجع حساباته ..هيصفى المشروع....وبهذه المناسبه ..سمعونى صوت عيارين 

 

ف الهوا..وسمعنى سلام ..راحت فلوسى منى...ويعوض عليك يا عوض ...وشوف ليا 

 

بقى مصدر دخل تانى علشان الميزانيه متنخرمش وتنقط ع نفوخى ....يلا الحمد لله 

 

....لقد ورمنا ..ورمنااااااا...وقربنا ننفجر :D

 

ومازلت اوؤكد ع اننى لم اكن انتوى ......اه والله لم اكن انتوى :P

 ........................

...........

 

فتره السهره والمساء..ودى اخر فقره معانا النهارده 

 

...

..

بحس بالاطراء انا من الرسايل دى ...انتم ع موعد مع بث مباشر لعمليه ترقيه بريد الياهو الخاص بى ...تابعوونا ..احداث شيقه ..مش هتقدر تقفل النت :D

عزيزنا Khaled Nagy،

نحن نقدر استخدامك لبريد Yahoo! على مدى العام الماضي. نحن نتطلع إلى تقديم بريد Yahoo! يفوق حتى ما عهدته من سرعة وأمان وسهولة في الاستخدام في وقت قريب جدًا.

إذا قمت بالفعل بالترقية إلى أحدث إصدار من بريد Yahoo!، فشكرًا لك.

إن لم يكن الأمر كذلك، ففي غضون شهر واحد تقريبًا من تاريخ هذه الرسالة، عندما تقوم بتسجيل الدخول إلى حسابك في بريد Yahoo!، سنطلب منك الترقية إلى أحدث إصدار من بريد Yahoo!. ولكن لماذا الانتظار، يمكنك الحصول على أحدث إصدار من بريد Yahoo! اليوم.

يمكنك الترقية الآن إلى أحدث إصدار من بريد Yahoo! إذا كان متصفحك هو Internet Explorer 7 أو Firefox 3 أو Safari 4 أو Chrome 5 أو إصدارًا أحدث.

 

فاصل اعلانى

نغمه اما نعيمه مع صوت جهورى وبقول البوقين دووول

أفضل بريد تقدمه Yahoo! على الإطلاق

 

أنت كثير الانشغال ولا نريدك أن تنتظر. لذلك ندعوك لاستخدام أفضل بريد تقدمه Yahoo! من حيث السرعة في إرسال واستقبال الرسائل الإلكترونية بالإضافة إلى العرض الفوري للصور والفيديو. يمكنك الآن استلام البريد الإلكتروني وإرساله بشكل أسرع من أي وقت مضى مما يعطيك المزيد من الوقت لإنجاز الأشياء الأخرى التي تحبها. جرّبه الآن!

ف انتظار اما نعيمه ترد بردو..ما تردى بقى يا وليه :D

 

بريدك الإلكتروني الأفضل على الإطلاق:
سريع: سرعة مضاعفة في إرسال واستقبال الرسائل الإلكترونية بالإضافة إلى العرض الفوري للصور والفيديو.
آمن: تقنيات متطورة للحماية من الرسائل غير المرغوب فيها.
سهل الاستخدام: مظهر جديد وتصميم أنيق وميزات سهلة الاستخدام.

مع استمرار نغمه اما نعيمه ...وف انتظار رد اما نعيمه ع الست مروه :D

 

تمتع بأفضل بريد تقدمه !Yahoo بتصميمه الحديث ومظهره الجديد الانسيابي والأنيق وميزاته سهلة الاستخدام. إن هذا التصميم الأنيق هو أحد الأسباب التي جعلته أفضل بريد تقدمه Yahoo! على الإطلاق.

ع الاطلاق ع الاطلاق ...هوه انت تقصد عليا الطلاق ولا ايه ياحاج؟

 

لن يفوتك أي بريد إلكتروني
لن يفوتك أي بريد إلكتروني

احصل على نفس بريد Yahoo! الرائع أثناء تنقلاتك. يمكنك الوصول إلى الوارد الخاص بك من أي جهاز جوال وفي أي مكان. تتوفر جميع ميزات بريد سطح المكتب المفضلة لديك في متناول يدك: قراءة ورد وإنشاء وإرسال والمزيد. يقوم Yahoo! بمزامنة البريد الإلكتروني لسطح المكتب والجوال تلقائيًا.

احصل على مزيد من المعلومات على http://uk.mobile.yahoo.com/mail


دليفرى يعنى ياعم الحاج

 

إننا نكره الرسائل المزعجة كثيرًا، لذلك فنحن سعداء حقًا بأن بريد Yahoo! يتمتع بحماية أفضل من الرسائل المزعجة. وهو يعمل بشكل جيد جدًا – فهو يقوم بحظر أكثر من 15 مليار رسالة مزعجة يوميًا. ستحصل على رسائل البريد التي تريدها. لقد أصبح بإمكاننا مساعدة العالم في التخلص من الرسائل المزعجة. ليسعد الجميع.

انت بجد لو عاوز تسعدنى ..تخبطنى عشرين جنيه اجيب سندوتش شاورمه ولا حاجه علشان الفطار ..مش تقولى بريد وبوسته :D

 

عليا الاطلاق ..لانا مرقى ياعم الحاج..وانا يرضينى زعلك بردو؟؟؟

وطلعت امه نعيمه محشوره ف الانبوكس ..اطلعى ياختى اطلعى....نعمين :D

 

وطلعت التريقه ..جايلى الانبوكس بالعربى ...هوه انا كده اتبسط ان العربى بينتشر ..ولا اقرف علشان مش متوعد ع الانجلش :D

 

واخيرا وصلت الى تغيير العربيه دى لانجليزى ..وانا قلبى بيتقطع ..بس هما علمونا كده..وشغلونا كده...لما نسينا العربى اصلا.. لا وطلع ف امكانيه اضافه اكتر من لغه..والله ياهو دول ولاد حلال وباين انها هتبقى فاتحه خير ان شاء الله :D

 

 

 

 و ف نهايه الرساله كاتبين 

شكرًا لكونك مستخدمًا وفيًا لبريد Yahoo!‎‏.

نأمل أن تستمتع بأحدث إصدار من بريد Yahoo!‎‏.

David McDowell
مدير أول
إدارة المنتجات، بريد Yahoo!‎‏ 

 

اهلا ..:D

هات بقى ربع جنيه 

 

 

..

ربنا ما يحرمكوا منى 

:D

نلتقى ع خير ان شاء الله

   

     

 

بسمة البساطه....نظرة السكون

بسمة البساطه....نظرة السكون

 

"لا ياتيته لا...سيبى التوكه دى ف  شعر  ملك ..ملك لها كل التوكات"

"ايوه انا فاهمه.....سندريلا عندها طاقيه..فمش بتحتاج توكات ...انما ملك مش 

بطاقيه..فانا هعطيها كل التوكات "

هكذا كانت اول كلمات اسمعها منها ...طفله تحمل براءه ...من اجمل ما يكون


لفت انتباهى طريقه كلامها ..وبعض الحروف التى لم تتمكن بعد من نطقها كما يجب

لفت انتباهى طرقه تفكيرها ..ونضوجها من وجههى نظرى ف سن صغيره ك هذه

استدرت انظر لها ......كانت جميله ... لا اعرف وصفا محددا ..ولكنه ربما برائتها

..ونظرتها ..وابستامتها


ربما عندما  اخرجت لسانها لى  ف تعبير مضحك جداا...مما دعا بى الى الابتسام ...فابتسمت بدورها

لا اعرف تحديدا  ما الذى جذبنى لمتابعتها طوال طريقى الى عملى


ربما نشاطها الزائد ..ف حين رغبتى انا ف النوم

ربما نظرتها المقبله ع الحياه ...

ولكن طبيعى جدا ان تكون مقبله ع الحياه ..فلا هيا رأت ما رأينا من الدنيا ...ولا هى 

فقدت برائتها بعد


اشفقت عليها ف هذه اللحظه...ان تفقد برائتها .


تذكرت كم كنت اتمنى ان اكبر بسرعه ..تذكرت ايضا كم صدمنى العالم عندما كبرت

اعود واستمع لها

"بص يا تيته ..انا هقعد جمب سندريلا ..دى بنتى"

وجدتها فعليا تجلس عروستها ع كرسى ..وتعاملها ك شخص موجودد ....من اين لها 

بأحساس الامومه ..هذه الطفله التى لم تتعدى الاربع سنوات ...يبدو انهم يولدون 

به...انها الفطره ع ما اعتقد

"كله محصل بعضه"

لم اتمالك نفسى من الضحك بصوت مسموع ..عندما سمعت هذه الجمله ..ف البدايه لم

اصدق انها خرجت منها هى ..ولكن ما ان اعادتها مره اخرى 

"ياتيته كله محصل بعضه"

حتى دخلت ف ضحك هستيرى

تعرض عليها جدتها بعض الخيارات عن ترتيب  بعض الاشياء..فتجيبها بتلقائيه 

شديده..."كله محصل بعضه"

من المضحك جدا ان تكون هذه الطفله مدركه الا ان فعليا .."كله محصل بعضه"

احلامها بسيطه

ف دنيا ورديه

ابسط الاشياء تعطيها سعاده غامره

من الممتع جدا ان يعيش المرء ف دنيا  كهذه

دنيا فتاه مرت ف حياتى ...وبرغم صغر سنها الا انها تركت اثرا عميقا

دنياها الخاصه..ترسمها بريشتها

دنيا

جوليا 

اللهم امنحنا قلوبا مثل قلب جوليا ..ونظره مثل نظرتها..ودنيا مثل دنياها
 

شـــــتـــــاء

شتاء .. للبعض هو مجرد شتاء 

فصول تتوالي ليأتي الشتاء

شهور معدودة عنوانها شتاء

قارس بارد مثلج

فكلة سواء 

هناك اناس دوما يقولون نعشق الشتاء

ولكنهم لم يتذوقوا ما هو الشتاء

لم يسيروا ليلا تحت ذخات المطر

بأبتسامة دون مغزي

لم يخطو وسط الثلوج الكثيفة ليعرفوا 

كيف يكون الشتاء

لم يتنسموا فجرا برودة الهواء

بالنسبة لي اعرف جيدا كيف يكون هناك شتاء 

وقفت طويلا وسط الثلوج 

دون هدف دون انتماء

فقط اردت ان اشعر كيف يكون احتضان الطبيعة 

اشجار كثرة ولكنها جرداء

ولون ابيض يلون حتي الهواء

واقف وحدي في دهشة مطلقة

وداخلي اهمس هذا هو الشتاء

 

 من رسائل الاصدقاء...منشوره لاقتناعى بأن كاتبها لديه 

الكثير..ع الله بس يقتنع ويعمل مدونه بقى :D

Written by : o.g

 

يعنى ايه كلمة وطن؟؟!!!!!

يعنى ايه كلمه وطن

دى مش كلمه...قول احساس

بس خساره

مش حساااه ..كل الناس


وحده

وئام

اتفاق

خط واحد اوله احنا ..واخره احنا

دايره واسعه تحضن همومنا

ايد ف ايد

قلب نابض

مجرى واحد فيه دمانا

تدمى فيه ..تختلط بالدمع ويا الرمل والطينه ال قبل نزولها ف النيل....

يعملوا شريان حياه

م الجنوب للشمال

دمعه ويا نقطه دم حمرا...تسقى كل شعب وطنك..تروى كل نبته خضرا..يعملوا ارض 

السلام


ارض طاهره

شعب طاهر

ف اتحاده قوه جباره.... تشيل جبال

ف اتحاده قفزه فوق كل المحال

ف اتحاده  لمسه حلوه....ف وجوده حاجه حلوه

واسأل التاريخ  ..هتسمع عن بلادى ..احلى غنوه

...............................

يعنى ايه كلمه وطن



يعنى

مصر

feelings

مشاعر

متقده

مختبئه

مغتصبه

ضائعه

تائهه


بلا عنوان

بلا متلقى

جياشه

عاصفه

نادره

شحيحه


جميله


مبهره

لامعه


تتجمع ف اوديه احساسنا..وتنظلق لتصب ف مجرى الحياه 

مشاعر كثيره متداخله

هناك من يقدسها ويقدرها

هناك من لا يلقى بالا لها


هناك من يمتلك الكثير منها


هناك من لا يعلم بوجودها من الاساس

هناك دائما طرفين لتبادل المشاعر

طرف مرسل وطرف مستقبل


الانطلاق النموذجى للمشاعر ان يكون الطرفان ع نفس الموجه 

حتى تتلاقى وتتفاهم المشاعر

ولكن

قد يكون هناك طرف مرسل...يبث مشاعر ..والطرف المستقبل ....قد اغلق جهاز الاستقبال لديه

او انه بلا اجهزه من الاساس

وقتها ..قد تقتل المشاعر الطرف المرسل..قد تصيب جهاز ارساله بالتلف..فيتحول 

بالتالى الى شخص بلا مشاعر

ليتنا لدينا فعلا جهاز الارسال هذا ..وهناك وحده تحكم للاغلاق او العكس

الحكمه

ماهى الحكمه؟؟

يقال ان تعريف الحكمه .هو عمل الاشياء فى الوقت والمكان المناسب

الشخص الذى يقوم بذلك ..يكون لديه شىء من الحكمه

ولكن

هل كل ما يجب ان نقوم به فى الوقت والمكان المناسب...من الحكمه القيام به؟

هناك بعض الامور فى دنيانا قد يتوجب علينا فيها الابتعاد عن الحكمه ...وعدم فعل 

الشىء الصحيح فى المكان والوقت المناسب

وذلك لاعتبارت كثيره 

احيانا يكون من الحكمه عدم القيام بما هو مناسب للمكان والزمان 

اى الاختيارت اصح ؟؟؟؟

انا اؤمن جدا انه لا يصح الا الصحيح ....ولكن احيانا ف عالمنا نجد ان هذه المقوله

اتخذت من طريق الديناصورات سبيلا ..واصبحت 

تروى فقط فى القصص والحكايات.واصبح الان لا يصح الا ما اراه انا صحيح ....

السؤال هنا 

هل الحكمه ان افعل ما هو صحيح بشكل عام ..حتى لو كان ذلك فيه ضرر لى او 

لاخرين 

ام ان الحكمه ان افعل ما هو صحيح من وجهه نظرى بما يطابق تفكيرى وما اريده فقط

ام الحكمه هى فعل الصحيح بدون النظر الى اى اعتبارات 

ام ان الحكمه شىء اخر غير هذا ؟؟

بلا مجيب

تظل تسأل..وتسأل

ونادرا ما  يجيب..

تعود وتسأل..وتسأل

وتبقى بلا مجيب.

يأتى حين...وتذهب

يتذكرك 

يأتى ويسأل

فلا تجيب

يعود ويسأل ..ويسأل

ونادرا ما تجيب

يثور عليك فجأه

لماذا لاتجيب؟؟

اليس انا الحبيب؟

لما اصبحت يوما...غريب جدا

بعيد

تدير ظهرك له

وتمضى ..ولا تجيب