الأحد، 11 ديسمبر، 2011

بسمة البساطه....نظرة السكون

بسمة البساطه....نظرة السكون
 




"لا ياتيته لا...سيبى التوكه دى ف  شعر  ملك ..ملك لها كل التوكات"

"ايوه انا فاهمه.....سندريلا عندها طاقيه..فمش بتحتاج توكات ...انما ملك مش 

بطاقيه..فانا هعطيها كل التوكات "

هكذا كانت اول كلمات اسمعها منها ...طفله تحمل براءه ...من اجمل ما يكون


لفت انتباهى طريقه كلامها ..وبعض الحروف التى لم تتمكن بعد من نطقها كما يجب

لفت انتباهى طرقه تفكيرها ..ونضوجها من وجههى نظرى ف سن صغيره ك هذه

استدرت انظر لها ......كانت جميله ... لا اعرف وصفا محددا ..ولكنه ربما برائتها

..ونظرتها ..وابستامتها


ربما عندما  اخرجت لسانها لى  ف تعبير مضحك جداا...مما دعا بى الى الابتسام ...فابتسمت بدورها

لا اعرف تحديدا  ما الذى جذبنى لمتابعتها طوال طريقى الى عملى


ربما نشاطها الزائد ..ف حين رغبتى انا ف النوم

ربما نظرتها المقبله ع الحياه ...

ولكن طبيعى جدا ان تكون مقبله ع الحياه ..فلا هيا رأت ما رأينا من الدنيا ...ولا هى 

فقدت برائتها بعد


اشفقت عليها ف هذه اللحظه...ان تفقد برائتها .


تذكرت كم كنت اتمنى ان اكبر بسرعه ..تذكرت ايضا كم صدمنى العالم عندما كبرت

اعود واستمع لها

"بص يا تيته ..انا هقعد جمب سندريلا ..دى بنتى"

وجدتها فعليا تجلس عروستها ع كرسى ..وتعاملها ك شخص موجودد ....من اين لها 

بأحساس الامومه ..هذه الطفله التى لم تتعدى الاربع سنوات ...يبدو انهم يولدون 

به...انها الفطره ع ما اعتقد

"كله محصل بعضه"

لم اتمالك نفسى من الضحك بصوت مسموع ..عندما سمعت هذه الجمله ..ف البدايه لم

اصدق انها خرجت منها هى ..ولكن ما ان اعادتها مره اخرى 

"ياتيته كله محصل بعضه"



حتى دخلت ف ضحك هستيرى

تعرض عليها جدتها بعض الخيارات عن ترتيب  بعض الاشياء..فتجيبها بتلقائيه 

شديده..."كله محصل بعضه"

من المضحك جدا ان تكون هذه الطفله مدركه الا ان فعليا .."كله محصل بعضه"

احلامها بسيطه

ف دنيا ورديه

ابسط الاشياء تعطيها سعاده غامره

من الممتع جدا ان يعيش المرء ف دنيا  كهذه

دنيا فتاه مرت ف حياتى ...وبرغم صغر سنها الا انها تركت اثرا عميقا

دنياها الخاصه..ترسمها بريشتها




دنيا

جوليا 

اللهم امنحنا قلوبا مثل قلب جوليا ..ونظره مثل نظرتها..ودنيا مثل دنياها
 

9 التعليقات:

بنت من مصر يقول...

مش كل الناس عندهم موهبة تتبع الاخرين
انت من ضمن القله دول
ربنا يباركلك يا خالد
خليتنى اسافر مع الخاطرة دى لزمن جميل بجد زمن الطفوله والبراءة
عجبتنى اوى (ولكن طبيعى جدا ان تكون مقبله ع الحياه ..فلا هيا رأت ما رأينا من الدنيا ...ولا هى فقدت برائتها بعد)
جميل الاسلوب يا خالد بجد
دمت نقيا بقلب طفل

ساره (ورد الصباح) يقول...

ما شاء الله عليك وعلى وصفك لكل شىء بجد فعلاا مش اى حد يعرف يعنى ولا يشوف ودائما من تقدم لتقدم يا خالد ربنا يحميك اخى العزيز

Bent Men ElZman Da !! يقول...

وصفك جميل اوووى
حسيت انى شايفه المواقف دى قدامى
احساس حلو حتى لو مش شايفاها بجد

تسلم ايدك :)

khaled nagy يقول...

بنت من مصر

ورد الصباح

بنت من الزمن ده


شكرا جزيلا ع تعليقاتكوا :)

zoza يقول...

اولا هي عجبتني عشان ملك بنت اختي *فكرتني بيها*
وعجبني.... تذكرت كم كنت اتمني ان اكبر بسرعه
وتذكرت ايضا كم صدمني العلم عندما كبرت
تسلم ايدك

نهر الحب يقول...

:)

اولا كان صعب عليا اوصل المدونة هنا واقرأ لأن البوست بتظهر بشكل غريب مش متعودة عليه والتعليقات كتير
انت جيت عندي من فتره وانا من يومها معرفتش
بس النهاردة قلت احاول تاني

ثانيا
انا بعشق البنات الصغيرين لازم لو شفت بنوتة صغيرة كدة وانا ماشية ابتسم ساعات بفتكرني وانا صغيرة وبتمني اوي ارجع صغيرة وساعات بتمني يبقي عندي بنوتة شبهها عشان العب بيها
:DDD
انا بحس اني لسه طفلة ابسط الحاجات تزعلني وابسطها تفرحني محستش ان الدنيا غيرت برائتي دي بس حسيت ان الدنيا شخيطت علي قلبي كتير بشوية اجزان وجروح عمري ما كنت ححسها وانا صغيرة

فرحانة اني قريت البوست ده
:))

khaled nagy يقول...

تسلمى زوزا


نهر الحب..حمد الله بالسلامه ..وكويس انك عرفتى توصلى :)



ونورتينى :)

rona ali يقول...

كله محصل بعضه

اهى لخصت الحياه اهو من جمله واحده وتقولى مش داريه بحاجه

دوال هما يدروا اكتر مننا اصلآ

زى ابن خالتى اللي نازل يقولى الشعب يريد اسقاط النظام ويبص لمامته ولمامتى ^_^

khaled nagy يقول...

ههههههههههههه

ابن خالتك لخص الثوره ف مامته ومامتك
:D

إرسال تعليق