السبت، 29 سبتمبر 2012

سؤال يا صديقى الملحد


ف دكتورة ع ASKاسمها علياء جاد

كنت قبل كده علقت ع مقوله لها بتقول انها قررت تسيب مصر وهيا عندها 8 سنين ....لان مصر مش عاجباها

وكان تعليقي عن القرار الفظيع ده ف سن الثامنة .....امتى شافت حاجه في مصر علشان تهاجر منها...واى هجره ف سن الثامنة

يقال انها ملحده

انا بصراحه مسألتهاش ..بس ده الكلام ال بيتقال

وقد تكون متحررة شويه

بس الناس بتفهم بمزاجها وبتحكى ف اى حاجه

وبما ان الإلحاد هو  وصف لأي موقف فكري لا يؤمن بوجود إله واعي للوجود،

ف انا قولت  لو فرض أنها ملحدة ..ازاى أقولها ان ربنا موجود وله معجزات ف خلقه ..ومش ممكن يكون مافيش اله للكون

وف نفس الوقت مبقاش بتدخل ف شأنها ولا بفرض أرأى ومعتقداتي عليها ..ولا بهاجم فكرها  وحريتها ف الدين والاعتقاد

سألتها السؤال ده

هل فعلا الطحال غير معلوم وظيفته ايه ف الجسم؟‏

وكان ردها

مين دا اللي مش عارف وظيفة الطحال! أرجوك ما تقوليش مدرس قال لك كدا في المدرسة!ا
الطحال ١- أكبر غدة في الجهاز المناعي (زي اللي عندنا تحت الإبط تلتهب أحيانا، أو اللوز في الحلق)ـ
٢- مخزن لإعادة تدوير كرات الدم الحمراء الميتة واعادة استخدامها في بناء خلايا دم جديدة كل ١٢٠ يوم
٣- ومخزن للدم في حالة الطواريء- لما بننزف كتير مثلا - الطحال بيمتص دم علشا مانفقدوش لبره، ولما نحتاج دم زيادة، هو والكبد بيعصروا نفسهم علشان يدونا دم أكتر في الدورة الدموية، ودا السبب أنك بتشعر بألم في جنبك لما تجري كتير وأنت مش متعود على الجري. دا الطحال و/أو الكبد بيعصروا نفسهم لإعطاءك دم
نقدر نعيش من غير طحال لكنها بتكون عيشة ضنك يعني- كلها أمراض مناعية ويمكن تسبب مشاكل في القلب بسبب فقر الدم المزمن


فانا قولت لها
الف شكر يا دكتور ...
سبحان الله كل ده الطحال بيقوم بيه؟

ربنا فعلا بيثبت انه معجزاته ف الانسان كتيره ..وفضله علينا عظيم


بس كده


هل انا تناولت الموضوع بشكل كويس؟
الحقيقه مش عارف ..انا قولت لو فرضنا انها ملحده ..فهى مش غبيه ..وهتفهم رسالتى او ع الاقل هتفكر ف الكلام

لو مش ملحده ..فكلامى هيكون مطابق لهوى  ف نفسها

ردت عليا وقالت

مش انتو اللي بتكتشفوا. لو عليكم كنتو هتفضلوا لسه فاكرين أن القلب مركز التفكير لول. لقد سخر الله لكم الملحدين الكفرة

طبعا ردها ده اعتقد ممكن يوضح اتجاه تفكيرها ايه

عموما هو امر اكيد يخصها وحدها

ولكن السؤال هنا

اذا كنت لا تؤمن بوجود اله خالق لكل شىء ..

اعطنى تفسير وجودك ..او ابتكر لى ما يحل محل الطحال فى حال فسد وتم استئصاله



13 التعليقات:

وصف الاحساس يقول...

بيتهيالي الملحد في زمنا ده زي ال غمض عنيه وقال كده محدش شايفني
لان معجزات الكون كل مدا كل ما بتظهر اكتر ومعجزات ديننا كل مدي كل ما بتظر وكتير بتكون اسباب في اسلام ال مش مسلمين فال يشوف معجزات وما يامنش بيها وبوجوده اكيد انسان مش طبيعي
موضوع جميل
تحياتي

Unknown يقول...

بالظبط كده ..زى وصفك تمام

الف شكر :)

بنت من مصر ( Asmah Ghazal ) يقول...

اسلوبك ولا ارووووووووووع
عجبنى المقال جدا
كلماتك
اسلوبك العفوى
اما بالنوسبة للموضوع فالناس اللى اختارت بعقلها وقلبها ان مفيش اله للكون ده
البعد عنهم غنيمه احسن
علشان هما بكده اثبتواانهم قمه ف الغباء

غير معرف يقول...

عجبنى اسلوب الحوار
مع ذلك طريقه الاجابه مش علامه اكيده عل التفكير
لاكتر من سبب
اولا العبارات الدينيه بتكون عاده اكتر من مقصوده
ثانيا لسه فكر الالحاد مش قوى لدرجه ان حد وانتا بتكلمه ببساطه يقوم موقفك فى كلامك يقولك استنى انا مش مؤمن اصلا بالله اللى انتا بنتكلم عليه ده

Unknown يقول...

تسلمى يا اسمه يا صديقتى

كلامك جميل واسعدنى

اما بالنوسبه للناس دى ...فهم فعلا اغبى من الكلام معاهم

Unknown يقول...

يا غير معرف

اشكرك ع ان الاسلوب عجبك

وربما تكون محق فعلا ف كلامك

مفيش رأى صحيح ف المطلق

نورتنى

M Magdi Albarqi يقول...

لو مش مؤمن بوجود إله يا صديقي فتفسيرك يعتمد على انه في مراحل تكوين الارض من ملايين السنين تكون من الماء القادم مع النيازك اللي ضربت الارض في الوقت ده (و النيازك و كل المواد تحولت من طاقة لمادة في الضغط في حوالي ال15 جزء من الثانية الاولى في عمر الكون) و بالحرارة و التبخيرات تكون ما يسمى بالحساء العضوي - الكلام ده له اثباتات بس يطول شرحها قوي - و ده ادى لتكوين الخلايا الاولى ثم تعقيدها وتطويرها ثم ظهور الكائنات البداشية فالطلائعية فالنباتات و السمكيات ثم الزواحف و الثدييات ثم الطيور و هكذا فالانسان في النهاية.

حقك ترفض حقك تقبل بس الكلام ده خاضع لنقاش علمي بحت .

Unknown يقول...

ماهو نظريتك مبنيه بردو ع وجود شىء وخرج منه الانسان ..من خلق الشىء ده بقى ؟

كمان لو الانسان اتوجد بالشكل ده .فليه مافيش امكانيه لعمل دهن دلوقتى

بلاش

الورح ..اعطينى سر الروح

الروح دى سر من اسرار ربنا

حاجات كتيره ..

Sara يقول...

معتقدش ردها معناه إنها ملحدة
يمكن بس هي مش مع التيار اللي بيحاول ينسب كل حاجة للدين و الموضوع دا سبب لها حساسية مفرطة خلتها تعارض أي موقف أو كلام حتى لو قليل الأهمية :)

حلو الموضوع و سؤالك ذكي :)

تحيتي

في انتظار جديدك

Unknown يقول...

انا اتناقشت معاها وقالت لي انها كافرة بس دة مش معناة اني اكرها لا انا بحترمها جدا وبحبها عادي هي حرة

Unknown يقول...
أزال المؤلف هذا التعليق.
Unknown يقول...

السلام عليكم ورحمة الله وبركاته ..
لا أريد الحكم على أحد من كلام يحتمل أكثر من معنى ..
لكني أود لفت الانتباه لبعض النقاط الهامة جدا
أولا : لو كان الكون بلا إله و مع تأكد العلم - قديما وحديثا - من أن الكون سيزول في وقت ما ..حينئذ أعتقد أنه لا معنى من وجود المخلوقات - وخاصة الانسان - الذي يأتي عليه يوم ويزول هو أيضا .. ما الفائده من أن يأتي بشري إلى الكون فيفعل الخير والشر ويهدم و يعمر ثم يموت هو وكل من يأتي من بعده حتى يزول الكون كله إلى غير رجعة؟ أما وجود ثواب وعقاب .. يجعل لذلك كله معنى وغاية ..
ثانيا : أود أن ألفت الانتباه إلى خطأ شائع هذه الأيام .. هناك فرق بين أن يكون رأي الكافر في مسألة ما صحيحا وبين أن نحترم هذا الكافر أو - وهذا الأسوأ - أن نحبه! .. كيف!؟ وقد كفر بالله!؟ يأتي تافه ويقول أنه ملحد أو كافر .. ثم يقول له مسلم : أنا أحبك!؟ لو أنكر شخص ما وجودك لغضبت منه فما ظنك بالله؟ وهل مثل هؤلاء يحبهم الله؟ أم أنك تحب من يبغضهم الله؟ يا أخي لا تخشى أن تتهم بعدم التحضر وابغض من أبغضهم الله ورسوله صلى الله عليه وسلم .. وأخيرا .. اسألهم هل يحبون كلام الله فتحبهم؟ هل يحبون أنبياء الله فتحبهم؟ .. أسأل الله أن يدينا أجمعين

نقل اثاث يقول...

رش مبيدات بالرياض
شركة عزل مائي بالرياض شركة عزل خزانات بالرياض شركة نقل اثاث بالرياض شركة عزل فوم بالدمام شركة عزل حراري بالرياض شركة تنظيف بالدمام

إرسال تعليق