الثلاثاء، 26 يوليو 2011

لا دقنى اتحلقت..ولا مصر اتحررت

امبارح كانت المواصلات زحمه جدااا..مواصلات ايه ؟!! لا ده لم يكن لها وجود من الاساس..وصلت البيت متأخر جداااااااااا
ويادوب وصلت ..راحت الكهرباء مقطوعه ..منك لله ياللى ف بالى ..
فضلت ادور ع شمعه وكبريت...ولعت الشمعه بالكبريت..رميت الكبريت..ومعايا الشمعه ..جهزت الاكل ...قعدت اكلت..وبسمى وداخل ..النور اهوه جه...هفففف...شطور انا طبعا ..طفيت الشمعه....بخ...قطع النور....ياشطور....فقمت تانى ...اشوف كبريت....وجبت الشمعه...جمب الكبريت..ولعت الشمعه..نورت الشمعه...دخلت انا جرى...اكمل اكل
...............
.......
خلصت اكل ...وقعدت الف حوالين نفسى ف البيت..مش لاقى حاجه اعملها ..الجو حر ومفيش نور ..شويه وجه النور تانى ...قولت افتح الكمبيوتر اشوف الاخبار..فتحت قريت خبر عن وفاه شهيده اخرى نتيجه احداث الثوره

امممممممم
اااااااااااااه
ااووووووووووووووف
انا لله وانا اليه راجعون

شهيده اخرى ..قتلت بيد بارده..واهم شىء ان اخوها كان قد تم قتله ايضا وقت الثوره...بصيت ف سقف الاوضه...ودار ف بالى سؤال ..هوه ايه  شعور اهل الولد والبنت ..يااااااه ده مجرد التفكير بس ف هذا الاحساس بيوجع جدا.

ربنا ما يكتبها ع حد تانى

قطع النور


قطع النور تانى ف بيتنا...بس هوه فعلا مقطوع من بعد الثوره ف مصر..


.يا مجلس يا عسكرى ...هوه النور هيجى امتى تانى؟؟

روحت ع السرير..مش عارف نمت امتى ...بس حلمت حلم غريب فكرنى بحال مصر

حلمت بأنى عاوز احلق دقنى...وواقف ع مكان عالى وله سورررر طووويل...ومجهز كل حاجه علشان احلق..وكل ما احط المعجون ع دقنى...تحصل حاجه ورايا...اروح اشوف اللى بيحصل

ارجع اكمل حلاقه ..الاقى المعجون مش موجود...نشف يعنى..ارجع احط المعجون..ومره تانيه يحصل حاجه ترجعنى ..اروح اشوف الحاجه..الاقى المعجون نشف..مره تانيه الاقى الفرشاه مش موجوده

فضلت طول الليل احلم بنفس الحلم ده..ومع انى قلقت كتير لان الجو حر..الا انى كل ما انام احلم بنفس الحلم..لغايه ما صحيت الصبح ع انى واقع من فوق السرير

ياترى يا مصر هتفضلى تضيعى المعجون والفرشاه لغايه امتى؟؟
ياترى هتسيبى المهم وتروحى للى مالوش لازمه لغايه امتى؟؟

ياترى هتبقى النهايه..انك تفوقى وانتى بتوقعى من ع السرير.؟؟

يا محلس يا عسكرى ..هوه فين الفرشاه والمعجون؟؟

يا مجلس يا عسكرى ...هوه انت مش هتعمل حاجه علشان مش نقع من فوق السرير؟

صدقنى الوقوع من فوق السرير بيوجع اوى ..واسأل مجرب..او روح نط من فوق السرير..وسبنا احنا نكمل تحرير

9 التعليقات:

وائل متولي يقول...

روووووووووووووعة تسلم يا لول بس الغريبة انك ما دقنك لسه ما تحلقتش والاغرب ان مصر برضه لسه ما تحررتش

Unknown يقول...

الله يكرمك يا باشا .شرفتنى بالتواجد

وفعلا لا دقنى اتحلقت.. ولا مصر اتحررت

Ahmed Samy يقول...

انا برضه كل النور يجي يقطع, مش عارف المشكلة في شركة الكهربا ولا الكهربا في البيت عندي هي اللى فيها مشكلة؟!

بس كدة انت طمنتنى انه المشكلة مش عندي لوحدي.. خلاص احنا نعتمد على ضوء القمر والشمس من تاني بقة!

Unknown يقول...

ايوووووون .. ما ده ال ناقص
:)
نورتنى

غير معرف يقول...

علي فكره انا ميدو

والله عسل يا عم خالد

بس انت رحت في التكييف واحنا قعدنا بعدك 4 ساعات علشان النور ييجي

كان لازم تقول انه فضل 11 ساعة قاطع

يعني قدامكم 11 سنة لما مصر تبقي تمام

قلمك دايما جميل خالد

فتــافيت (رحاب الخضري) يقول...

هههههههههههههههههههه
هم يبكي وهم يضحك يا خالد :))

بس لو انت حلمت كده فعلا
فالحلم كويس جدا عشانك،، لان حلاقة الدقن مش كويسة للرجالة في الحلم،، ومعنى انك ما حلاقتهاش وكل مرة حاجة تضيع
فده ستر من ربنا عليك وبينجيك من حاجات ممكن تأذيك
وأنت مش عارف ومش واخد بالك،، قول الحمد لله

مساءك فل يا معلم :)

Unknown يقول...

ماشى ياعم ميدو ..بص لنا بقى ف شويه التكييف ال بنروح ننام فيهم ف المكتب:D

ههههههههه ماشى يا فتافيت ..مكنتش اعرف انك بتفسرى احلام كمان ....والحمد لله انه ده ستر ..احمد ك يارب

نورتونى جميعاااا
:)

AsmahGhazal يقول...

اسلوب رائع وبسيط وكلمات معبرة
تقبل مرورى
ربنا يوفقك يا خالد باشا

Unknown يقول...

باشا مره واحده؟؟
:D

تسلم يا باشا..:)

إرسال تعليق