الاثنين، 14 نوفمبر 2011

أمة أقرأ



أمة أقرأ 


امة اقرأ التى لا تقرأ



ماذا يحدث عندما تتخلف الامم ..ويكون ابسط الاشياء الممكنه للابقاء على شعلة الثقافه.وهو القراءه...شىء غير مهم 

ماهى الاسباب التى قد تجعل من العقول صحراء..غير قابله للاستصلاح



مضى الزمان ...واصبحت... لا تقرأ

امة اقرأ ...التى ..كانت ..تقرأ



موقف غريب ..حصل معايا النهارده

مش عارف ده موقف فردى ..ولا دى بقت حاله ف المجتمع

انا بدايه كان عندى تعطل ف مجرى الافكار..وحتى ف لقاء المدونين النهارده..كنت بسألهم ع فكره ..

خلصت اللقاء ..ورجعت ع شغلى تانى ..بعدين قابلت هناك اتنين معايا ف الشغل ..واحد مهندس مدنى..واحد متخرج م كليه اداب

طبعا الاتنين المفترض مستويات تعليميه معقوله...مش بالضروره طبعا انهم يكونوا بيحبوا القراءه

الغريب فعلا ..انهم يهاجموا ال لسه بيحب يقرأ


كل الحكايه انى عزمت عليهم ياخدوا كتاب كان معايا ..ال هوه كان محل النقاش ف لقاء المدونين ..الكتاب عباره عن قصص 

قصيره جداا


وع كم التريقه ال اخدته بقى ..من الاتنين .

انا بصراحه كنت بسمع وانا شغال...ومصدوم...ممكن واحد ميحبش الكتب..انما يسخر من ال بيحبها؟؟

للدرجه دى وصلنا ؟؟

طيب لو  فعلا وصلنا للحال ده

هل ده حاله فرديه ولا بقيت صفه عامه ف المجتمع ككل؟؟

ومين المسؤل عن ده؟

هل الظروف المعيشيه ال جعلت من الناس تشتغل وتاكل وتنام وبس ؟؟

ولا كميه الاسفاف ال بنشوفها ف كل مكان بدا من برامج التليفزيون للاغانى ....

ولا ايه الاسباب بالظبط؟؟



13 التعليقات:

Manar يقول...

كميه الاسفاف ال بنشوفها ف كل مكان بدا من برامج التليفزيون للاغانى ....

انا رأيي ان ده السبب
و كمان لأن احنا مجتمع ماتعودش على القراءه و مجتمع للأسف مش مثقف ولا تجذبه الكتب
نادر لما تلاقي نوادي قراءه و مكتبات بتجمع الأدباء..هو في لكن مافيش حد عارفها
متهيألي و اسفه اني بقول كده بس معظم المجتمع الشرقي عموما و طبعا مش كلهم مش بيجبوا القراءه و اتجهوا زي مانت قلت للتليفزيون و ما يحمله من برامج و غيره يعني انا بعتبره " مجتمع سطحي " بس مش كلهم طبعا

موضوع فعلا يستحق النقاش يا خالد

nona elsha3nona يقول...

لا انا كتير بيحصل معايا كده انا بحب القراءة جدا والعادى انك لما تمسك كتاب ميعدش فى ايدك شهر يعنى دا العادى لكن انا بقى الناس بتتعامل معايا على انى مش طبيعيه علشان بخلص الكتاب مهما كا فى مده والله انا شيفا انها لو قعدت اكتر منها فى ايدي الكتاب يبقى عيب اكبر كتاب قعد فى ايدي اسبوع او 10 ايام وكمان كده انا بحس انى مقصرة فى حق الكتاب لكن الناس بتتعامل مع الكتب بطريقه غريبه انا بقى اللى ببقى مستغرباها انا مش بزعل لما يقولولى يا دوده الكتب انا كان نفسي يبقى فى شاليمو احطه فى الكتاب علشان عايزة اقرا اكبر واروع كميه فى اقل وقت ممكن بس احنا لازم نلاقى للناس دى حل صحيح انا مش عارفه هو ايه لكن ادينا بنفكر

NaDa BaShA يقول...

ده مش موقف فردي .. للاسف بنقابل كتير منهم وبناخد برضه كمية تريقة
ويبصوا لينا نظرة بمعناها ( اننا ناس رايقة )
ولا هي فالدنيا ولا عندها مشاكل وفاضيين للقراية

للاسف احنا مجتمع مش عاوز يطور من نفسه
عاوز يفضل ع حاله
ويفضل ع نفس مستواه من الثقافة المتدنية

محمد البرقي يقول...

اثرت يا خالد موضوع مهم جدا .. خليني احكي موقف حصل لي مرة ايام لما كنت في الجامعة كنت في المترو مسافة 30 دقيقة فكنت بسفيد منها واقرا في هواياتي..كنت ماسك كتاب عن "الميتافزيقيا" - عامة مش كل الناس تعرفها - وباقرأ في صمت بدون صوت في امان الله وفجاة واحد بكل سذاجة وباعلى صوت ساخر ممكن : انت فاهم اللي انت بتقرأه ده؟
قلت له : اه يا فندم ولو مش فاهم فانا باقراه عشان افهم . لو مش فاهم مش عيب واديني بافهم بالقراءة.
رده : انت هتتفلسف علينا ؟ جيل بايظ وقليل الادب.

قلت له: شكرا لادبك يافندم.

المجرم في حقنا انفسنا.. لاننا استجبنا لانظمة جعلتنا دواب نعيش للقمة العيش, و تحولت الحياة من حق الى غاية..معلش طولت التعليق بس انت اثرت موضوع مهم فتعليقي كان باهميته ..دمت بود ايها الرائع :)

NaDa BaShA يقول...

جيل بايظ وقليل الادب !!!
لا حول ولا قوة الا بالله

خالد ناجى يقول...

منار
نونا

ندا

محمد

شكرا لتعليقاتكم
:)

mena يقول...

مش قدرة اوصفلك مدى ازيتى ف الموضوع ده بالذات كل الناس بتحبطنى حتى عندى ف البيت لدرجة انه جه على وقت افتكرت نفسي انا اللى غلط وانا اللى مش طبعيه وكنت قربت اكتئب بس بعد كده قولت انه ده مش صح وانى مش هبطل اعمل حاجه انا بحبها وخصوص ان ربنا ف القران الكريم ((أقرأ)) يبقى انا هسمع تفهات من ناس مش عارفه قيمة القرأه ومسمعش كلام ربنا

نيللى يقول...

أنا شايفه راجع للأسباب كتيره ..أولهم النت..اللى قطع الراوبط الأسرية والقراءه طبعا ده لما بيسنخدم بشكل سئ

التعليم كرهوا الناس فى القرية

الأهل بيهتموا ان الولاد يذكروا لكن يقروا لا

الناس متربتش على الثقافة
وبالنسبة لأصحابك ..أسألهم فى اللى بتقره ولما مش هيعرفوا يجابوا هيعرفوا هما فين وقولهم ربنا أول كلمة قالها أيه (أقرأ)..تحياتى

أع ـقل مـ ج ـنـونــة يقول...

مشكلةمؤلمة:(

خالد ناجى يقول...

منه .استمرى ف القرايه ..ولا تلتفتى للشائعااااات :)

نيللى .فعلا الاسباب دى مخليه الناس ف الطراوه خااالص

اعقل مجنونه ... فعلا مؤلمه..بس الحل ايه بقى الله اعلم

نورتونى
:)

rona ali يقول...
أزال المؤلف هذا التعليق.
rona ali يقول...

اوففففففففف الناس دى انا عايزة الحرق بيجد

بقالي كتير بقول صبرا واحنا الكبار بس انا قررت بقي اتجاهلم من حياتى تمامآ

اللي يقلل من شئ بعمله وبحبه كانه بيقلل منى شخصيآ

:):)

خالد ناجى يقول...

اكيد طبعا ..المفترض يبقى ف احترام اكبر للخصوصيات والحاجات ال خاصه بكل واحد

إرسال تعليق