الأحد، 13 نوفمبر، 2011

I am black heart


I am black heart

انت قلب اسود قوى



!!!!!

كتير بنسمع الجمله دى..سواء تكون موجهه لك ..او لغيرك


طيب لما تسمعها ..ايه الاحتمالات ال بتظهر ف تفكيرك وقت سماعها...اعتقد حاجتين ..اما ان القلب اسود فعلا..او ان الشخص     ال شايف ان القلب اسود......اعمى اصلا

طيب هو ف اصلا حد قلبه اسود...ولو فيه ..مولود كده..ولا ضحيه للدنيا والمجتمع !!

معتقدش انه ف حد بيتولد قلبه اسود...ولكن الظروف المحيطه ببعض الناس ...وف ظل انهم مستعدين نفسيا ل كده...بيتحولوا ل قلب اسود..ناقم ع البشر

اعتقد لو ف حد كده ..اكيد بيكون محتاج علاج نفسى مكثف...لانه ف النهايه بيأذى نفسه ..ع الاقل ..بابتعاد الناس من حوله...بسبب سواد قلبه

يعنى لما اقول لحد ..انت قلبك اسود اوى...مش كلمه سهله ابدااا

طيب لو افترضنا ان ال بيتكلم بقى وبيقول انت قلبك اسود....ع خطأ....اعمى م الاخر يعنى 

يفهم ازاى انه على خطأ....مينفعش احكم ع حد من موقف حصل منه...او خطأ...لانه ف احتمال انه يكون ف سوء فهم ..وده ابسط حاجه

ده غير انه مش خطأ...واحد او موقف ..ال يخلينى احكم ع شخص
 المفترض ان لو شخص اخطأ ف حقى واعتذر انى اقبل عذره إذا أمكن ذلك....بس ف ناس ..لو غلطت.واعتذرت..والعذر مش اتقبل..الدنيا تتقلب..وتبقى انت بردو ..مع ان الحق عندك..قلبك اسود

 المفترض كمان ان الواحد يحسن الظن بالناس حرصاً على سلامة القلوب من البغضاء


ولكن حسن الظن ده ...ساعات بيبقى حاجه مش كويسه....ساعات بتبقى كويس مع الناس وبعدين يقصروا معاك ..ولانك متوقع ان المعامله تكون بالمثل..فبتتصدم..وبيكون رد فعلك حتى لو اعتذروا ..انك متقبلش الاعتذار..وساعتها بردو..هيبصولك كده..ويقولوا ان انت قلبك اسود

او لو حبيت تشيل عنك وعنهم الاحراج..وتقول انهم مش ملتزمين بالاعتذار....وانه حصل خير...مش هيقتنعوا..وهتبقى انت اللى بتغلس عليهم ...مش هيفكروا ان حساسيتك دى ..كانت نتيجه انك كنت قريب منهم ..او كنت متخيل ده
وان  الجرح لما بيجى من القريب ..بيقتل...وان وجعك ده مش دلع ولا رخامه ولا غلاسه..وانما صدمه




متعتمدش ع بياض قلب  حد ...وتجرحه..او تأذيه..وتقول انه هيسامحك ..وهريجع يعاملك زى الاول... لان ساعات بيكون ضلمه الجرح..اكبر من بياض القلب

مينفعش اجرح حد ..واطلب انه يسامحنى علشان قلبه ابيض...علشان يسامحنى لازم ابرهن ع انى فعلا مقصدتش ده واعوضه عن المعامله او الخطأ ال عملته معاه

مينفعش انه لما ميقبلش الاعتذار...او يقبله ع مضض...انى اقول انه قلب اسود.....نقطه الحبر الاسود ال ف الخطأ..اكيد هتبوظ اى صفحه لونها ابيض

وان كان بياض القلب سبب لانك تنجرح وتسامح..بدون اى مشكله ...انزل اشترى برميل حبر اسود...علشان تقدر تتعايش مع العالم ال احنا فيه 



وكن ع يقين ..ان القلب الاسود..لا بيتجرح ..ولا بيتهز....لاى سبب كان



14 التعليقات:

بنت من مصرAsmah Ghazal يقول...

جميله يا خالد
حلوة اوى بجد واكتر نقطة عجبتنى ان اللى قلبه اسود ده بيبقى كدة علشان اللى حصل له من الزمن
هااااااااااااااايل
بالتوفيق يارب

mena يقول...

حلوة اوى استمتع بقرات التوبيك والموضوع جميل جدا
بس دى اكتر جته عجبتنى وكن ع يقين ..ان القلب الاسود..لا بيتجرح ..ولا بيتهز....لاى سبب كان

Sea Lover يقول...

موضوع حلو أوى وحيوى .. كتير مننا مش بيدركه فى الشخص اللى قدامه
لو الواحد سأل نفسه .. وحاول يحط احتمالات لافعال غامضه من الشخص اللى قدامه
أكيد هايكتشف إن أفعاله مش من فراغ .. إلا لو فى حالات تانية :)

غير معرف يقول...

يعنى ان حد جرحك وكان عزيز عليك او قريب منك واعتذر المفروض تسامحه لانك بتحبه مش تعامله بجفاء وخليك انت قلبك ابيض

خالد ناجى يقول...

شكرا يا جماعه ..نورتونى :)

nona elsha3nona يقول...

حلوة قوى يا خالد
مينفعش اجرح حد ..واطلب انه يسامحنى علشان قلبه ابيض
نفسي اعلى صوتى بيها علشان الناس تفهم ويمكن فى يوم تفهم

خالد ناجى يقول...

فعلا يا نونا...يااااريت فعلا على صوتك بيها

rona ali يقول...

متعتمدش ع بياض قلب حد ...وتجرحه..او تأذيه..وتقول انه هيسامحك ..وهريجع يعاملك زى الاول... لان ساعات بيكون ضلمه الجرح..اكبر من بياض القلب

مينفعش اجرح حد ..واطلب انه يسامحنى علشان قلبه ابيض...علشان يسامحنى لازم ابرهن ع انى فعلا مقصدتش ده واعوضه عن المعامله او الخطأ ال عملته معاه

مينفعش انه لما ميقبلش الاعتذار...او يقبله ع مضض...انى اقول انه قلب اسود.....نقطه الحبر الاسود ال ف الخطأ..اكيد هتبوظ اى صفحه لونها ابيض

وان كان بياض القلب سبب لانك تنجرح وتسامح..بدون اى مشكله ...انزل اشترى برميل حبر اسود...علشان تقدر تتعايش مع العالم ال احنا فيه



هما السطور الاخرنيه دى كلمات من ذهب :)

انا اتقالتى مرة بسبب انى سمحت بس رفض الرجوع :):)

Bent Men ElZman Da !! يقول...

موضوع حلو اوى
لو كل واحد فكر انه اللى بيعمله هيتعمل فيه
اكيد مش هيحب يجرح حد حتى لو متوقع انه هيسامحه
واللى قلبه ابيض من كتر الجرح مصيره هيبقى فيه ولو حته سودا

خالد ناجى يقول...

روناا....مشتكرين ياعم الحاج ع شهادتك ان الكلام من دهب :D

شكرا بنت من الزمن ده

EL pRiNcEssA يقول...

مينفعش اجرح حد ..واطلب انه يسامحنى علشان قلبه ابيض...علشان يسامحنى لازم ابرهن ع انى فعلا مقصدتش ده واعوضه عن المعامله او الخطأ ال عملته معاه

ده حقيقي جدا
بس مفيش حد بيكتب كده

مواضيعك حلوة ومميزة شكرا لك

خالد ناجى يقول...

تسلمى التميز يكتمل بتواجدك :)

غير معرف يقول...

يله اهوة الشتاء جه ونتمنى للقلوب السوداء اغتسالا هنيئا؟هههههههه

خالد ناجى يقول...

:D

إرسال تعليق