الاثنين، 5 ديسمبر 2011

يعنى ايه كلمة وطن؟؟!!!!!

يعنى ايه كلمه وطن

دى مش كلمه...قول احساس

بس خساره

مش حساااه ..كل الناس


وحده

وئام

اتفاق

خط واحد اوله احنا ..واخره احنا

دايره واسعه تحضن همومنا

ايد ف ايد

قلب نابض

مجرى واحد فيه دمانا

تدمى فيه ..تختلط بالدمع ويا الرمل والطينه ال قبل نزولها ف النيل....

يعملوا شريان حياه

م الجنوب للشمال

دمعه ويا نقطه دم حمرا...تسقى كل شعب وطنك..تروى كل نبته خضرا..يعملوا ارض 

السلام


ارض طاهره

شعب طاهر

ف اتحاده قوه جباره.... تشيل جبال

ف اتحاده قفزه فوق كل المحال

ف اتحاده  لمسه حلوه....ف وجوده حاجه حلوه

واسأل التاريخ  ..هتسمع عن بلادى ..احلى غنوه

...............................

يعنى ايه كلمه وطن



يعنى

مصر




14 التعليقات:

Asmah Ghazal يقول...

جميله جدااااااا يا خالد
دمت موفق
اخى الصغير , صديقى الجميل
^_^

Unknown يقول...

تسلمى :)

Lobna Ahmed Nour يقول...

دى مش كلمه...قول احساس
بس خساره
مش حساااه ..كل الناس

فعلا الكلامسهل لكن العمل شيء آخر

تدوينة جميلة يا خالد

Unknown يقول...

تسلمى يا لبنى
نورتينى :)

Nada Emam ʚɞ يقول...

ف اتحاده قوه جباره.... تشيل جبال

ف اتحاده قفزه فوق كل المحال !
..
ياريتنا نفهم ان فعلا اتحادنا هو بس اللي هيوصلنا للي بنحلم بيه
بجد تدوينة روعة .. تسلم ايديك :)

ساره (ورد الصباح) يقول...

والله جااااامده جدا واحساسك عالى اوى بجد الله عليك يا خالد واختيارك للموضيع بجد حلو اوى وبييجى فى وقته بجد يسلم زوءك ما شاء الله عليك

Unknown يقول...

شكرا ساره

شكرا ندى

نورتونى

:)

دُمـوعُ فــِى رَسَـائـِلِ يقول...

ما شاء الله
جميله يا خالد كلاماتك
واسلوبك معبر

وفقك الله ..ومن ابداع لابداع

سلمت يمينك

Bent Men ElZman Da !! يقول...

"خط واحد اوله احنا ..واخره احنا

دايره واسعه تحضن همومنا"

جميله اوى
تسلم ايدك

Unknown يقول...

شكرا دموع ف رسائل

شكرا بنت من الزمن ده


نورتونى :)

Reham Farid يقول...
أزال المؤلف هذا التعليق.
Reham Farid يقول...

إحساس جميل

Reham Farid يقول...

http://www.facebook.com/l.php?u=http%3A%2F%2Fetkalim.blogspot.com%2F2011%2F12%2Fblog-post_9973.html%3Fspref%3Dfb&h=2AQGfwHSWAQF-pCoS454q-S1b_ygNzUYb2569T_t79XQSPw
مدونه إتكلم تسعدني المشاركه

Unknown يقول...

نورتى يا ريهام

وحاضر هنشارك :)


دى لنك المدونه بتاع ريهام يا جماعه

http://etkalim.blogspot.com/

إرسال تعليق