عروسه روماااانيه
عروسه رومانيه....كتكوته وشقيه
خفيفه
رشيقه
حته مهلبيه
جميله
انيقه
وف القوام ..مفتريه
لبقه
ذكيه
وخدودها ورديه
بص ياواد انت تعالى
عندنا عرايس رومانيه
اطلب عروسه ..تاخد التانيه هديه
ومعاها هدايا مجانيه
ادى مطبخ
وادى صالون
وادى شبكه
وميداليه
ببلاش يا عنيا
وسيبك م العروسه المصريه
ام طلبات ياما ..واوامر عسكريه
دى عرايسنا...متنقيه
وع الفرازه...معديه
جرب وشوف ....هتعيش عيشه هنيه
اهلا اهلا ..اخباركوا ايه
حلوه المقدمه دى ؟؟ اكيد البنات ناويين يولعوا فيا ..ال يعنى العمليه ناقصه كمان عرايس رومانيه
مش كفايه العروسه الصينى
امممم ..ايه بقى قصه العروسه الرومانيه دى كمان؟؟
انا طبعا اعرف ناس كتيره اتجوزا اجنبيات ..اللى اتجوز وخلاص ..وال اتجوز علشان الجنسيه ..وال اتجوز فراغة عين
وانا من الناس ال رافض الفكره..ومحدش يناقشنى ف ليه وازاى ..كل واحد وله اسبابه .ومش ذنبى بقى انكوا مش مقتنعين بفكرتى
حد يقولى ..طيب انت عاوزها مصريه ليه؟.؟
بس كده..هوه ده السؤال
عاوزها مصريه....علشان تفكيرها هو تفكيرى ...شرقى وهيا شرقيه
هتربى الولاد صح ..تربيه ...احسن تربيه
هتعرفهم تعاليم دينهم ....متحرر ولكن بشروط وحدود...هتعلمهم معنى الحريه
ست بيت نموذجيه ..وسيده مجتمع ناجحه ميه ف الميه
انما الاجنبيه
يا حسره عليا
الاول عاوز اعلمها لغتى....يعنى التفاهم هيبقى اشارات بقى
والعيال هيبقوا ايه مكس؟
والدين ..هيتعلوه ازاى؟؟
وكمان تقاليد بلدى
ف حاجات كتيره ..مش هقدر اعملها لوحدى
انا عاوزه واحده شريكه ف كل حاجه
نخش بقى ف السؤال ..ايه ال جاب الفكره دى ف دماغى؟
طيب ...كان احكيلكوا م الاول بقى
كان ياما كان
لا كان ياما كان ايه
ده احنا كده هنطول
اممم
تثااااؤب
ممااااااا
طيب اكمل بكره بقى
:)
.........................................................
انتظرونى ...ان كان ف العمر بقيه ^_^
9 التعليقات:
مية مية و لا فراخ الجمعية ههههههههه ...
متفقة معاكـ ف الراى جـــــــــــدا و الله مش عشان انا مصرية بس فعلا هى دى الاسباب اللى مخليانى مقتنعة ان موضوع جوزا المصري من غير مصرية دة بيكون غالبا فاشل ...
هههههههههه حلوه فراخ الجمعيه دى
خصوصا انى بحب الفراخ اصلا
هوه اكيد فاشل طبعا
ف اغلب الاحيان
نورتى المدونه ^_^
لاء بقي انا رديت هنا من ساعتين فين ردى دى تالت مدونه يحصل فيها كدة انا احبط :(
كدا انت هتقوم علينا الرجالة :D
هيطلعوا لك القطط الفطسانة دلوقتي في المصريات !
اسكت يا خالد أحسن XD
هههههههههه رونا .طيب احنا بردو معرفناش انتى قولتى ايه ؟؟
ساره دونت ورى ..ال ع راسه بطحه هوه ال بيحسس عليها
هاهاهاهاها
وبعدين لسه باقى الحكايه
^_^
ههههههههههههههههههههه
جامدة يا بحار خالص مالص وكمان بانص
نخش بقا فى الموضوع : مفيش احسن من الزوجة المصرية حلوة وعشرية وتموتك قصير العمر يا عنيا
بالتوفيق يا خالد والله
دمت اخى الصغير وصديقى الكبير
بنت من مصر (Asmah Ghazal)
هههههههههه
نورتينى يا اختى
هههههه حلوه تموته قصير العمر دى ..ربنا يستر
:)
ماهو الاحباط الافظع انى اعيد ردى انا حصلت معايا في احداث قصه بكتبها مكملتهاش من ساعتها والله هههههههههه
طيب ونقول تانى وامرنا لله :)
انا معاك وبحس برفض تام لما بحس ان شاب مصري تزوج من اجنبيه والرفض الاكبر والاكبر حينما تتزوج الفتاه من شاب اجنبي يا حلولى وفرحه قلبي ساعتها:)
بس انت اتكلمت علي الاجنبيه ومتكلمتش علي فتاه عربيه بس مش مصريه ممكن تكون مقبوله بس برضوا في اختلاف في التقاليد ايضآ والعادات اينعم مش بحجم الاجنبيه بس علي فكرة دة بينقط اى بنت مصريه اكتر ان شباب بلدها ياخدوا من الدوله المجاورة ههههههههههههه حقد دفين تقريبآ كدة :)
موضوع حلو اوى يا بحار
هههههههه حقد دفين
تسملى ع مرورك
ومعلش عذبناكى معانا ف الرد
^_^
إرسال تعليق