جيااااااااااااااااالى
صحيت من النوم مفزوع
وانا بقول الكلمه دى
دخل اخويا ..مالك ياعم
قولت له ...انا فين ...هيا جات ولا لسه
الواد رجع خطوتين لورا..ومسك الباب ...وايده التانيه بتلعب ف حاجه كده..تقريبا بيدور ع حاجه يضربنى بيها
ورفع حاجب ونزل التانى ..وقالى ........انت سخن يابرنس؟
اخدت بالى ..انى بحلم....وان الظاهر الموضوع مأثر عليا ..لدرجه انى بهلوس
قولت الحق موقفى بقى قبل ما صورتى تتهز..قولت له ..هيههيههيهي..ده انا بضحك
معاك ..اتخضيت صح
بص ليا بصه عدم اقتناع كده وشك ..وقالى ماشى ..ابقى اتغطى كويس
وراح سابنى ومشى
-----------------------------------
اصحابى اتفقوا معايا تانى يوم ..نلعب فيفا عندى ف البيت ع الكمبيوتر ..بنعمل دورى كده وحركات
المهم زهقنا من اللعب ..قولت لهم ..ادونى فرصه افتح الميل بقى ..زهقتونى
يلا ياد انت وهوه روحوا
الرجاله ..فهمتنى..بصه شك ف عيونهم
وراح واحد رد..لا ياريس ..ادخل نت براحتك ..احنا قاعدين معاك ...اه يا ولاد ال....
طيب ..اقعدوا ..وانا هيهمنى ايه
المهم افتح الميل ..الاقى هذه الاوزه البيضااااء..منوره باوف لاين ..انت فين يا بيبى
يالهووووى
بيبى تااانى
وقدام هؤلاء الاوغاد
عليكى اللعنه يا فتاه رومانيا
لاذبحنك انت وكل من فى رومانيا جميعا
ايه ال انا بقوله ده!!!
المهم ف ثانيه لقيت الرجاله
واحد فوق كتفى ..والتانى ع الكى بورد..والتالت جبته من جوه الشاشه
ما البت زى ما قولت ليكى ...اوززززه بيضاااء!!!
المهم تساؤلات بقى ..مين دى ..وادينى الميل ..ابوس ايديك
احم
اخيرا الواحد حس انه له قيمه ف البلد دى
ههههههههه
يظهر صوتى الداخلى الان..قيمه ايه يابو قيمه..يا شيخ اتلهى
اممم هوه انت يعنى واقف ليا ف كل حاجه كدهون
نام ياضمير انت نااااااااام
المهم قعدت احكى لهم ايه القصه
وشوفوا بقى ردود الافعال
الجميع اجمع انها فرصه ذهبيه
ولا يمكن تفوتها
قولت لهم طيب خدوا جم بقى لما اكلمها
......................
بتقولى عملت ايه ...اجيلك امتى!!!
بصيت للعيال
الكل شاورى ..من بكره الصبح
كتبت لها ..من بكره الصبح ...لقيت واحد من العيال قاعد ف ودنى وبيقولى ..قولها يا بيبى
قوليلى يا بيبى ...هاهاهاهاها
قولت لها من بكره يا بيبى
قالت لى لا مش على طول كده..لازم اجهز الاوراق ..كمان لازم تبعتلى فلوس
ان ان ان
ونقول تانى
ف الصف ياا هبل يابن الاهبل
بصيت ليهم
حد فيكوا يقدر يترجم الكلمه دى لحاجه تانيه غير فلوس
بصوا ل بعض
وهرشوا ف راسهم
والله يا برنس احنا اخدناها ع انها فلوس
بس انت عارف التعليم هنا بايظ
اكيد احنا غشونا ف الكلمه دى
هاهاهاهاه
رجعت اكمل تانى معاها .بما انى مش هوصل معاهم لحل ...وال ايه ولاد التيت
..بيقولولى هتغرقك فلوس
دى من الاول بتشحت اهى
المهم
قولت اعمل عبيط
وقولت لها ..تقصدى ايه يا بنت ال....يا بيبى
قالت انها مش معاها فلوس تيجى مصر
مممم
ممكن تكون املاكهم محجوز عليها ...
قولت ليها كام يعنى الفلوس دى
؟؟
قالت لى ها ها ها
هههههههههههه
ههههههههه
1000 يورو
ههههههههههه
يعنى بالمصرى لو اليورو ف الارض
7000جنيه
بصيت ليهم
لقيتهم عملوا نايمين
رحت جايب شويه كتب ورميتهم بيها
قوم يا اين ال تيت انت وهوه
اعمل ايه دلوقتى
هرشوا تانى
والعبقرى ال فيهم
قالى وايه يعنى 7000جنيه
انت هتنهب ولا ايه
دى فرصه زى اللوز
قمت مستربع بقى
وقولت له
افتى ياعم الجنيييس
قولى فين الفرصه ..وفين اللوز ال انا مش لاقيه
قالى انت هنا لو جيت تتجوز مصريه ..هتتجوز بكام ؟؟
قولت له اممم ..يعنى شبكه وعفش والشقه والقصص دى ...ممم مش عارف
هيكون كام يعنى ؟؟
50000
قالى لا اكتر
قولت له..... ليه
قالى انت متعرفش
هتعرف لما تتجوز
اممممم
قولت له طيب كمل يا سيدى
قالى هيا عاوزه منك 7000جنيه
يعنى اقل من اى شبكه مصريه
وهتيجى تاخدها وتتجوزها
هتبقى اتجوزت
موزه
رومانيه
يعنى اتجوزت واحده حلوه وهتاخد الجنسيه وتساافر
افهم يا حمار
بصيت له كده
وافتكرت كلامى ال قولت ليكوا قبل كده وكان كالتالى
حد يقولى ..طيب انت عاوزها مصريه ليه؟.؟
بس كده..هوه ده السؤال
عاوزها مصريه....علشان تفكيرها هو تفكيرى ...شرقى وهيا شرقيه
هتربى الولاد صح ..تربيه ...احسن تربيه
هتعرفهم تعاليم دينهم ....متحرر ولكن بشروط وحدود...هتعلمهم معنى الحريه
ست بيت نموذجيه ..وسيده مجتمع ناجحه ميه ف الميه
انما الاجنبيه
يا حسره عليا
الاول عاوز اعلمها لغتى....يعنى التفاهم هيبقى اشارات بقى
والعيال هيبقوا ايه مكس؟
والدين ..هيتعلوه ازاى؟؟
وكمان تقاليد بلدى
ف حاجات كتيره ..مش هقدر اعملها لوحدى
انا عاوزه واحده شريكه ف كل حاجه
اممم ..رحت راجع للكمبيوتر ..ومن غير باى .....قافل المحادثه ..وبلوك واوك
ولحقتها بالدليييت المتيييتن
قاموا يجروا عليا
انت بتعمل ايه يامجنون
طيب كنت هاتلى الايميل
قولت لهم انا حافظ الايميل
انتوا عاوزينه؟
قالولى اه
وبدأو يتخانقوا مين ياخد الميل ويكلمها
وده يقولى انا ...وده يقولى لا انا
بصيت لهم
وابتسمت ..وف بالى بقول
ف الصف يا اهبل يا ابن الاهبل
تعقيب بسيط.....فى ناس كتيره سألتنى ..القصه دى حقيقه ؟؟..طيب كام ف الميه حقيقى وكام مش حقيقى..طيب هوه انت ال حصل معاك القصه دى..فانا ..قولت اكتب الباقى النهارده علشان اريح تساؤلات الناس ..انا طبعا يهمنى راحه الجمهور ^_^ هههههه
المهم ..القصه محصلتش معايا ولا حاجه...دى حصلت مع واحد صاحبى ....وطبعا مش بالشكل ده...الحجات الحقيقه .هى البنت ..وطلبها للجواز...وطلبها للفلوس..بس الموضوع متمش ..لانه اتعرف على غيرها فى دهب (مدينه مصريه للى ميعرفهاش يعنى) واتجوزها وسافر فعلا معاها ....بس ..فانا بما انى رافض للفكره دى..اخدت الكلام وكتبت دى..دلوقتى بقى عاوز اراء وانتقادات
دمتم بخير ...ولنا لقاء ان كان ف العمر بقيه ^_^
10 التعليقات:
أصيل يا خالد والله
جامدة يا خالد :D
و كنت أعتقد إن البنت هتطلع نصابة و تنصب عليك و لا على حد من أصحابك و لا حاجة ههههههههههههه
جميلة القصة :)
تسلم ايدك
و في انتظار القادم :D
مكنتش عارفة ان في زي ده بيحصل !!
nada
يعنى انا مفهمتش ال كتب اصيل يا خالد ...عاوزنى افهم ايه بالظبط ...بس عموما شكرا للمتابعه
..................................
ساره متشكر ع ظنك ده..نفسك انتى تفرحى فيا بس بعينك
ندى ..... بيحصل كتير ....بس انتى تقصدى ايه بالظبط؟
ضحكتنى جدى
وجهه نظرك اللى نقلتهالنا من الموضوع ده مهمه جدا يا خالد
لان للاسف شباب كتير بيعمل كده دلوقتى
وهو مش مدرك كل اللى انت قلت عليه
برافو بجد
الله ينور
تسلمى
:)
ونورتينى
ع الله بس حد يفهم المقصد والغايه
انا شايفه انه الحمد الله انها معرفتش تقنع الراجل وتخلي يدفعلها تيجى مصر
مش تتجوزو هو اصلآ ههههههههههههههههههههههه وتعمل بيزنس بقي ولا تكوون
مواعده حبيب ليها اصلا هنا في اكتر من حاجه ممكن اتخيلها
بس انا نفسي افهم يعنى ليه الاستدراج دة طالما المبدأ من الاول مرفوض
ليه استدرجها صاحبك لحد الاخر ما دليت واجنور وريريح ويتقي شر شوشو
لا المبدأ عندى انا مرفوض ...ركزى شويه ..انا حكيت الحكايه معكوسه...يعنى ال كان رافض كان هوه الصاحب...وال كان موافق كان هوه ال معاه الميل ...اقرى تانى هتصولك الفكره :)
نورتينى :)
هههههههههههه فى الصف يا هبل يابن الاهبل حلوة دى
المهم فى كتير فعلا بيفكر تفكير اصحابك دول اللى هو هتوفر تمن شبكة والمصاريف والجو دا كله بس فعلا يا ترى هى بتفكر ازاى حياتها ازاى؟؟ انت تعرف اصلها ؟ او طريقتها ؟ اةو اى حاجة عنها؟ طبعا لا هى مزة من ع النت بس يعنى انت هتوفر فلوس ويطلع عينك فى حاجات تانية ومش هتعرف تكمل حياتك ياترى هتربى ولادك صحك هتعملمهم دينهم صح؟ انت مبداك صح انك تاخد واحدة تكون. تفكيرها هو تفكيرى ...شرقى وهيا شرقيه
هتربى الولاد صح ..تربيه ...احسن تربيه
هتعرفهم تعاليم دينهم ....متحرر ولكن بشروط وحدود...هتعلمهم معنى الحريه
ست بيت نموذجيه ..وسيده مجتمع ناجحه ميه ف الميه
تسلمى ..ونورتينى بجد:)
إرسال تعليق