الثلاثاء، 15 نوفمبر 2011

ايون ..انا بحب الشتااااا


ايون ..انا بحب الشتااااا




بكل تفصيله صغيره فيه 

حبات المطر ونزولها ع  شعرى 

صوت الهواء..واالاحساس به

الدفا ف البطانيه وقت الهوا والبرد

ومشروب سخن
.......

كوفيه وجاكيت...ايس كاب 

ايديا ف جيوبى ..اطلب الدفا....

الانتعاش من الهوا البارد

علبه المناديل ال دايما ف جيبى 

اختفاء الناس من الشوارع...يعنى الزحمه بح ..خلاص

الروقان ال بكون فيه 

بروده المياه ..وقت الفجر وانت بتتوضا

صلاه الفجر وقت المطره

واحساس ان المطر والبرد ..يعظم الاجر والثواب

دى حاجات بتخلينى افضل احب الشتا..وع طوووول :)
......................

حاجتين بتعكر صفوى

انه انا قادر استمتع بالشتا وانا ف دفا

وان ف ناس عايشه ف الشارع...متعرفش معنى الدفا :(

الحاجه التانيه ..لما يكون شارع الصرف فيه مش تمام ...فبالتالى بيكون اثار الشتا عليه

 فظيعه :(

...............................................................

ف ناس بتشعر بالشتا ..بمعانى كتيره اوى ...سواء سلبيه او ايجابيه..وف ناس عايشه 

وخلاص..الشتا بالنسبه لهم ..مجرد بلل واصابهم 


الشتا ده مثال صغير...انما الحياه عموما ...ف ناس بردو حساها بكل تفاصيلها..وده 

الصح 

وف ناس عايشه  ف متاهه...مش حاسيبن بحد ولا حد حاسس بيهم 

عيش حياتك كما يجب..حس بكل حاجه...متسبش نفسك للدنيا تلهيك..اقف عند كل حاجه

 ..واستمتع 

علشان تبقى عشت بجد

خلى بكره احلى..باحساسك بكل تفصيله ف حياتك


اثر ..واتأثر


سيب علامه

:)





29 التعليقات:

ديارا المصرى يقول...

بجد انت عبرت عنى بالظبط انا بمووووووووووووووت فى الشتا ..........بس للاسف مش بشوفه غير مرة فى السنة :((

ديارا المصرى يقول...

راااااااااائع البوست ده واحساس حضرتك اروووووووووووع

خالد ناجى يقول...

تسلمى يا ديارا :)

نيللى يقول...

احيك على حبك للشتا ,لأنى بعشق الشتا ويسلام على كوبية نسكافية بلبن وأنت بتكتب حاجة جديدة فى الشتاء ..أنا بعشق الشتا بكل تفاصيله حتى االغيوم ...

خالد ناجى يقول...

اهو انا كنةت بكتب دلوقتى ومعايا نسكافيه :P

manar mohsen يقول...

جميل جدا احساسك وتعبيرك عن الشتا
عيشت مع كلامك الاحساس بجد بالشتا وجمال الدفا فيه
لمستني كل كلمه قلتها
احييك

:)

خالد ناجى يقول...

تسلمى يا منار ..ده بعض ما عندكم :)

نورتينى :)

mena يقول...

البوست حلو اوى ومين سمعك يا خالد والله انا كمان بموت ف المطر وبعشق جو الشتى مع انه ساعات بيخوفنى

خالد ناجى يقول...

اشكرك منه...ساعات بيخوف ناس وناس ..بس هوه ف المجمل حلووو:)

Asia Ibrahim يقول...

كانها افكار تنبثق من عقلي ! رائع ما شاء الله

Sea Lover يقول...

الشتا ده مش مجرد فصل
ده حالة بنعيشها وبتسيطر علينا كل سنة
غريبة .. ويمكن تكون غامضة .. لكن بنحبها

جميلة أوى التدوينة دى :)

Moahmed abdelmeguid يقول...

انا بعشق الشتا و بستناه و بزعل اوى لما يخلص

بعشق المشى فى البرد و انا ضامم الجاكيت عليا و بعشق المياه الساقعة و انا بغسل ايدى و المشروبات الساخنة بيبقلها طعم تانى فى الشتا :)

ربن يديم علينا الشتا و يحفظه من الزوال :)

وجع البنفسج يقول...

جميل جدا الشتاء .. وخاصة المطر والرعد والبرق .. والبحر كمان كثير حلو في الشتاء ..

تدوينة جميلة ..

EL pRiNcEssA يقول...

تحــــــــــــفة
انا كمان بحب الشتا
كل الناس بتحب الصيف
بحس ان العباقرة بس اللي بيحبوا الشتا والبرد

احساس جميل بصراحة

asmaa agoza يقول...

حلوة ااوى بجد بجد انا كمان بحب الشتا اوووى وانت عبرت باسلوب جمييل وبسيط ورائع

أميرة يقول...

حلوة جدا وتحياتي مدونتك حقيقي ممتعة :)

خالد ناجى يقول...

تسلموا لى جميعااااا

:)

Lady E يقول...

وأنا كمان بحب الشتاء والمطر ومولودة فيه :)

سعيدة جدا بالبوست :)

اللي بيعكر صفو الشتاء عندي كذا حاجة

الناس اللي بتكون وحيدة فيه والوحدة برد بيضيف برد ووجع لبرد الشتاء

والناس اللي مفيش عندهم رفاهية الدفا واللبس الشتوي فالبرد بيبقى قاسي أوي عليهم

البوست راقي جدا وحلو جدا وأحييك عليه

خالد ناجى يقول...

تسلمى:)

cityofangels يقول...

احيانا اشعر بالدفء رغم تلك الثلوج المتساقطة
اشعر برعشة تسري في جسدي تحثني علي الترجل وسط ذلك اللون الابيض النقي دون معطف
شعور غريب بالحنين للكتابة والاف الافكار تعربد في مخيلتي تتسارع من سيسطر اولا
الشتاء في حبيبن تحت مظلة واحدة واصرار واحد علي الوقوف تحت المطر
في صفاء ذهنك وانشراح صدرك في تلك اللحظات كأنك تغتسل من جديد


وصفك دقيق ...

خالد ناجى يقول...

ايه الكلام الجامد ده ..تسلمى :)

salmasubh يقول...

أنا بحب الشتا بس لأسباب تانية خالص ,,, كلامات جميلة جدا

خالد ناجى يقول...

نورتينى :)

rona ali يقول...

غريبه انى معلقتش قبل كدة

انا كمان بموت في الشتا

وانا صغيره اوى كنت بشوف الشتا العب في المطر وابص عليه واجري
واتمشي انا واصحابي بعد ما ننزل من الباص

لما كبرت شويه قل استمتاعى بالمطر فتره انك بتكسف من كل شئ بقي

بعد كدة قررت استتمتع واسيب الكسوف علي جمب واجري شوي في المطر محدش بيققي في الشارع

فعلا احنا بنستمتع بالشتا لاننا في عز الدفا لكن اللي في الشارع حالتهم اصعب مننا

حلو البوست يبعث االامل

خالد ناجى يقول...

تسلمى ..:)

ورد الشتا يقول...

وانا بحب الشتا

ღ أحاسيس آيـــوشـه ღ يقول...

الشتا الفصل اللى يتحب من غير اسباب :)

Sara يقول...

الشتا جميل =)

بس يتحس

khaled nagy يقول...

=))

إرسال تعليق