الأربعاء، 1 فبراير، 2012

خاتم فى اصبع القلب (1)




اخباركوا ايه ...مفتقد التدوين والمدونين والناس السكر الحلوين ..افتقاد الغابه ...للتنين :)

النهارده اول يوم ف حملة التدوين لشهر فبراير....هبقى معاكوا ..و لمدة 29يوم 

تدوين ...نويت المره دى يكون تدوينى غير 

ده لنك الايفنت طبعا لو عاوز تبص بصايه

فكرت ايه فكره جديده مش استخدمتها ..وقعدت افكر وافكر...وانام افكر..اصحى

افكر.....والحمد لله ..ملقتش فكره :)

كان ف اجتماع يوم السبت ال فات ضمن اجتماعات رابطة المدونين بالمنصوره

لنك الرابطه بردو

المفترض اننا ف الرابطه بناقش كتب ومدونات وافكار....تم اقتراح اسم كتاب

من النظره الاولى كده يجذبك له

الكتاب اسمه ..خاتم ف اصبع القلب..عبدالوهاب مطاوع..


اقترحته لينا زميله عزيزه...ولما قريت الكتاب ..عجبنى ..انا لسه مخلصتوش 

 بس من البدايه كده ..تحس انك بتاخد فوائد كتير من الكتاب....جات ف بالى فجاة 

كده  وبدون سابق انذار فكره ان االحمله دى اقرا كتب ..وبعدين اكتب عنها 

هناوبصراحه شوفتها  فكره كويسه ..لانى كده كده بطلع ملحوظات ع اى كتاب بقراه

سواء ايجابيه او سلبيه ..واحنا اصلا بنعمل كده ف الرابطه...

ان شاء الله كل يوم الجزء ال هقراه من الكتاب هنزل ملاحظاتى عليه هنا 

والنهارده بقى الجزء ال هينزل صغير لانى لسه امبارح بس بدأت ..والدنيا زحمه 

وشغل وكلام من ده فالوقت ضيق جداا

ندخل ف الموضوع بقى 

خاتم ف اصبع القلب

بدايه الاسم تحفه ويشد ..كمان مجرد انك تقراه تحسه بيلمس القلب فعلا.

بالنسبه للمقدمه
بيقول ان  زمان كان اعتقاد ان عصب القلب موصول ف بنصر اليد اليسرى..

ومن هنا ظهرت عاده وضع خاتم الزواج ف البنصر .

فجزئية ان عصب القلب يكون موصول ف بنصر اليد اليسرى .....او ان عصب

القلب او عصب المشاعر عموما يكون له جهاز تحكم يعنى هنا مثلا وضع الخاتم 

حول البنصر دليل ع الاخلاص والتقيد بالحب..لو ف حاجه زى كده لك مشاعر 

ال بنشعر بيها..

هيكون جميل جدا ان الواحد وقت ما يحب يتخلص من شىء حاسس بيه 

تكون الامر بالبساطه الموجوده ف خلع الخاتم من اليد.
........................................................................

لما اتكلم عن الانسان ..وقال ان الانسان مش بيتغير ف اى وقت وف اى مكان 

هوه هوه..

بـــ ضعفه....

وعجزه....

وتقلبات نفسه ...

وقصور قدراته...

كلها صفات سلبيه فقط...!!!!!

واعتقد برغم صحة ذلك ..

 ألا ان  هناك صفات ايجابيه ..

لا تتغير ايضا مع الزمان ف الانسان ..

والعمليه عموما عمليه نسبيه ...

لا يوجد ضعف مطلق ولا قوه مطلقه

.....................................................................

تعيس اركب السلم المتحرك

من قرايه الجمله دى بس كده...تحس انها جايه صح...

بمعنى لو تعيس من اى شىء..

اركب السلم المتحرك..

ودى ليها اضافتين 

الاولى انك هتركب سلم...

وسلم ده بمجرد سماعه ..

تحس بالصعود..

بمعنى لو محبط اوى ....عندك مشكله ..

ركوبك لللسلم ده هيوصلك للى انت عاوزه...

الا وهو هدفك ..

ال بالتالى هيوصلك انك تكون سعيد

  الثانيه انه متحرك....

ف ده منتهى الراحه...

لانك ف السلم العادى..

راح تبذل مجهود كبير ف الصعود ..

من ثنى ومد للارجل للتقدم...

والتحرك ده هيوفر عليك مجهود كمان ..

وبالتالى هتوصل لمنتهى السعاده
 ............................................

اما عن حزن بطله الجزء ده  عن فراق حبيب بقاله سنتين معاها ...

وهوه اصلا متجوز وعنده اولاد...

فده ف نظرى ..شىء غير مبرر....

لانه اساسا مش بتاعها ...

دى سرقته...

ولما يرجع لاصله ...

ده المفترض شىء متوقع...

طبعا ده من وجهه نظرى انا ....

ممكن يكون طبيعه المجتمع هناك غير كده....

المفترض انها ك نجمه ...

وكأنسانه عاقله ..

تكون مدركه انه طالت المده او قصرت ..راجع راجع.....

فكان لازم تحسم الامور من الاول ..ومتسبش نفسها تبقى ضحيه ..

وان كانت تعيش الان ف دور الضحيه
 ............................................

بالنسبه لانه لم يهتم حتى بالوادع

طبيعى ان لا يهتم بها.....لانها من البدايه ..لم تهتم لامر نفسها

ولكن ده لا يبرر تصرفه ف الاول وف الاخر ..
...............................................
طبعا دور الصديقه هنا ...دور ولا اروع...

اتمنى فعلا ان يكون لى صديق بهذا الجمال...

والواضح فعلا ان اهتمام من حولك ...

يحمل من السعاده ما لا يمكن ان يعوض باى شىء اخر

وفعلا طول م انت ف وسط ناس بتحبك..

بتبقى ف قمه صعودك...

اما لو ابتعدوا قليلا ...

مقياسك ينزل الى ما تحت الصفر

وملخص فعلا انه ف وسط احبابه ...(لايكون ف حاله دفاع عن النفس يفرز للاخرين اسوأ ما فيه ..وانما يكون ف حاله استرخاء نفسى وعاطفى يطلق اجمل ما فيه من مشاعر)

هنا لمحه من القرأن والدين الاسلامى لما امرنا بصحبه الناس الكويسه والابتعاد عن ضعاف ومرضى النفوس... 

عجبتنى اوى كلمه عمر بن الخطاب(عليك باخوان الصدق تعش ف كنفهم فانهم زينه ف الرخاء..وعده ف البلاء...واعتزل عدوك..ولا تصحب الفجار فتتعلم من فجورهم..واحذر صديقك الا الامين ..والا امين الا من يخشى الله )

ودى انا جربتها بنفسى ..وفعلا صحيح ..لا امين الا من يخشى الله.

****************
ليس فقيرا من يحب

العنوان ده ...انا مؤمن به جدا...

مؤمن كمان انه مش لازم الحب ال هوه حب بين واحد وواحده...

ولكن الحب عموما  يخلق جو  من الثراء النفسى  للشخص المحب ....

لان ايه الفايده من الغنى وانا وحيد..

اعتقد الفقر وانا ف وسط ال بيحبونى اسلم وافضل كتير..

وتقريبا دى بتوصل نفس الفكره الاولى

وليس حيا من يحب

                                                          ********************************
دول اول مقالتين ف الكتاب قريتهم ..تابعونى ان شاء الله ف الايام الجايه

ولنك الكتاب موجود ف الجروب للى حابب يقراه


نلتقى ع خير ان قدر لنا الله ذلك :)


6 التعليقات:

باسنت خطاب يقول...

اما عن حزن بطله الجزء ده عن فراق حبيب بقاله سنتين معاها ...

وهوه اصلا متجوز وعنده اولاد...

فده ف نظرى ..شىء غير مبرر....

لانه اساسا مش بتاعها ...

دى سرقته...

ولما يرجع لاصله ...

ده المفترض شىء متوقع...

طبعا ده من وجهه نظرى انا ....

ممكن يكون طبيعه المجتمع هناك غير كده....

المفترض انها ك نجمه ...

وكأنسانه عاقله ..

تكون مدركه انه طالت المده او قصرت ..راجع راجع.....

فكان لازم تحسم الامور من الاول ..ومتسبش نفسها تبقى ضحيه ..

وان كانت تعيش الان ف دور الضحيه

===============

انا مقرتش الرواية اللى شوقتنى اصلا ليها :)
لكن انا مش معاك
موقفها غلط او صح
لكن وقت ما بتتحب بتتعمى وببيقى عندك قناعة تامة ان النور اكيد اكيد زراره موجود فى اكتر اوضه ضلمة فى الارض
علشان كدة انا مقتنعة انها تزعل حتى لو هى كانت عارفة ان اللى هى فيه كان غلط


الفكرة اللى فكرت فيها للحملة على طريقتك جميلة اوى
مستنية كتب اكتر بقى :) ^_^

محمد البرقي يقول...

خالد ناجي باشا التدوينة روعة وانا كمان شدني الكتاب وشكلي هاجيبه

Sea Lover يقول...

فكرة حلوة والله تلخيصك للكتاب على المدونة
هو كتاب جميل ويستحق بصراحة :)

rona ali يقول...

ايه الكتاب التوحفه

اصلا انا التوب عندى في القصص والرويات واللى بحسه بيدنى دعوه للتفكير

عبد الوهاب مطاوع رهيب هذا الرجل

عجبتنى الفكرة واخيرآ حد فهمنى ليه بنلبس الدبله لما نتجوز في الشمال :)

الكلام كله جميل وانا متفقه مع اغلبه بجد

khaled nagy يقول...

باسنت....انا قولت بردو ان ده بردو


ولكن ده لا يبرر تصرفه ف الاول وف الاخر ..


ومتفهم لرأيك

برقى .. اشكرك ..نورتنى والكتاب فعلا يستحق القراءه

SEA LOVER
أشكرك ..والكتاب فعلا جميل جداا...وشكرك ع مدحك الفكره

khaled nagy يقول...

اشكرك رونا ...نورتى

إرسال تعليق