السبت، 8 مايو 2010

العيب ف مين يا زمن..!!!!!!





من شويه شوفت صورة طفل جميل كده عند حد من الفرندز بتوعى .....فلما سألت مين ده طلع ولد يتيم ....طبعا اهتمام الشخص ده بالطفل اليتيم حاجه كويسه ..بس لما سألت اكتر ..اكتشتف ان الولد ده له اخ كمان معاه ..والاتنين ف دار ايتام..طيب ياترى ايه الظروف اللى ورا ايداع الطفلين دول ف دار الايتام ..فين اهلهم ...وهنا بقى النقطه ..والدتهم توفيت ...راح والدهم  تزوج بواحده تانيه..والدهم توفى ..قامت زوجه والدهم اودعتهم ف الدار....طبعا الدار ممكن تكون كويسه وكل حاجه

بس السؤال ال محيرنى فعلا 
ايه الاسباب ال تخلى  زوجة الاب تتخلص منهم ...وفين اهل والدهم؟؟ وفين اهل والدتهم؟؟ فين العم ..الخال...العمه..الخاله

وهل الاشخاص دى موجوده ..ولكن  غير مهتمين بمصير الطفلين ؟؟ 

ولو كده فعلا ..يبقى ازاى؟؟ وليه ؟؟ ايه اللى خلى الدينا كده؟؟ لدرجة ان الناس تنسى ولادها؟؟

ولما اتصور نفسى ف مكان الولدين دول؟؟ احساس صعب اوى...

وبعد ده كله بقى .. اشوف حال الدنيا حواليا ..

مش بلاقى حاجه اقولها غير

الحمد لله ع نعمه

ِِِِِ~~~~~~~~~~~~~~~~
ياريت المشاركه ف الاستفتاء 
~~~~~~~~~~~
ولو ف حد مستعد يكفل الطفلين .يبلغنى

6 التعليقات:

Unknown يقول...

الغريب فعلا .انى اكمل واشوف كمان ف ولاد اخوات تانيه بردو..ده غير اطفال رضع كانوا مرمين ف الزباله!!!!

هيا الناس جرالها ايه ؟؟

غير معرف يقول...

والله يا خالد لو اتكلمنا فى مشاكل وجع القلب هنلاقيها كتير قوى بس المشكله ان فعلا الزمن اللى احنا فيه بقى صعب جدا طيب دول اهاليهم اتوفت طيب لما اعرف ان شاب قتل مامته وباباه دى نقول فيها ايه؟
زى ما ربنا خلقهم هو وحده اللى قادر ع كفالتهم واكيد ملايكه زى دول هيلاقوا حد يعتنى بيهم
ومفيش حاجه بجد ف اديا دلوقت غير انى اقول ربنا معاهم واكيد هو وحده اللى هيعتنى بيهم برحمته الواسعه والحمد لله ع النعمه اللى انا فيها
saby snow

غير معرف يقول...

هوه العيب فعلا فى الزمن اللى احنا عايشين فيه ان كل واحد بيقول نفسه وخلاص

غير معرف يقول...

بصراحه بعد الأم والأب صعب أوى نلاقي حد في جزء من حناننهم الأقواعد والأصول والتقاليد اللي بتحكم الخاله والعمه ولخال والعم أتغيرت أصبح الأمور كلها ماديه المال أصبح المحرك حتي لمشاعر الحب صدقني لو أن هذان الطفلان كانا يملكان المال لتخانق كل من العم والخال علي تولي أمرهم وتحمل مسئوليتهم.. احنا موجودين بس للأسف مقدرش علي كفالتهم ولكني أتمني أن يرزقم الله بخيرا مني.

Unknown يقول...

ردود كلها جميله ..بس بجد اخر رد نبهنى فعلا لنقطه كويسه هتكلم عنها ف الموصوع الجى

ساره يقول...

مش بس اليه فى الملجاء يا خالد فى الشوارع اولاد يقطعوا القلب بجد انا عايزه افهم ليه بيجبوهم من الاول مع ان ربنا حرم ناس كتير من نعمت الا نجاب وهما بيتمنوها الحمد لله على كل شىء

إرسال تعليق