الخميس، 2 فبراير 2012

يا هوه...يا الفوضى


سكت الكلام ف القلب...ونسى اللسان النطق

فعلا من امبارح وانا زى المجنون...ومصدوم..ومحبط ..ويزيد جنانى لما الاقى حد يقول ادى ال خدناه من االثوره

انا امبارح انفعلت بما فيه الكفايه ...زعقت بما فيه الكفايه ..وبكيت ....ولسه مش كفايه

الكلام كتير جدا..لدرجه انه من شده تدافعه ع الخاطر..عجزت اليد عن نقله اليكم


مش عارف ال حصل ده ازاى


وال بيقول ده شغب ملاعب عادى

هقوله انا بحضر ماتشات وعارف يعنى ايه شغب ملاعب 

انا اعرف ان جمهور يشتم جمهور...يرمى طوب وازايز...يحصل تراشق بالايدى بعد الماتش بره ..وده نادر لما كان بيحصل 

انما جمهور بقتل جمهور

جمهور ينزل الملعب ف كل وقت كده..والحكم يكمل الماتش

ده انا حسيت ان الاهلى بيلعب ف الحاره عندنا 



من الاخر ال حصل مش غلطه جمهور ..وانما شىء مدبر

فريق كسبان ..ينزل يعمل ده ليه


خلاينا نقول فريق اتظلم  واتغلب واتشتم وكل الحاجات الممكنه 

فين الامن 

ال كان واقف بيشجع 

فين الاسعافات والشرطه والجيش بعد ما حصل ال حصل


للاسف واضح جداا للاعمى ان ال حصل مدبر من بدرى 

ليه المحافظ ومدير الامن محضروش الماتش


هقول ايه ولا اتكلم ف ايه  بس


حسبى الله  ونعم الوكيل




انا فعلا حاسس انى دماغى هتنفجر من الضغط ال بيحصل ده

والله مانا عارف اتلكم اقول ايه ....حاسس بالكلام بس مش عاوز يطلع 

ليس شغبا كرويا .. بل جريمة سياسية

سيتناقشون وسيبحثون ثم سينسون ،، وستبقى هي وحيده تحتضن صورته وترتجف دمعاً

















الكلام ده انا قريته ع رصد....وحبيت انكوا تقروه






ام تنتظر ابنها العائد من بورسعيد ياترى ماذا تقول؟



هو الواحد مفروض يعمل ايه لما يقابل أم شاب عنده 16 سنة ألجمتها الصدمة و واقفة في زاوية على رصيف المحطة مستنية جثة ابنها بعد ما لقت اسمه بالصدفة ع التلفزيون؟

مفروض يعمل ايه لما يلاقي أبوه جاي يجري عليها و يقوللها "كلموني في الشغل بيقولولي البقاء لله، هو الواد جراله حاجة؟"

مفروض يعمل ايه لما يلاقي الأب بيطلب منه انه يتأكد له ممكن اسم أحمد يكون جه غلط و يطلع مصاب مش شهيد "أحمد أسامة صلاح الدين من فيصل .. ممكن تتأكديلي؟" و يلاقي عينيه فيها دموع مليانة أسى و أمل مش عايز يموت؟

مفروض يعمل ايه لما يتأكد ان الولد اسشهد بس مش قادر يواجه أهله الي لسة مقتنعين انه "ممكن يطلع اتصاب ان شاء الله"؟

يعمل ايه و هو واقف جنبهم بعد ما الخبر يتأكد و يلاقي الأم اختفت راحت تدور على ابنها في المحطة و الأب بيخبَّط بإيده على راسه و تسمع جوه صدره صوت أنين مكتوم بس بيصم الآذان؟
مفروض تعمل ايه لما يعجز لسانك عن نطق كلمة مواساة واحدة؟

تعمل ايه لما تلاقي عائلة كاملة جاية بتقول لهم "ماتخافوش ممكن يكون اتصاب بس لسة في بورسعيد، احنا برضه محمد ابننا لسه مانعرفش عنه حاجة بس ان شاء الله عايش"، و على ماتيحي تشاورلهم ان أحمد خلاص مات عشان مايتعبوش الراجل و مراته أكتر تلاقي ابنهم التاني بيجري عليهم و صوت صريخه بيرج المحطة و بيقوللهم "محمد راح.. اتأكدت انه راااااح" فتسقط أم محمد بين يديك و جسمها ينتفض؟

تعمل ايه لما طول ما انت واقف رجالة الألتراس واقفين يهتفوا و أول ما يتعبوا من الهتاف ياخدوا بعض بالأحضان و يجهشوا بالبكاء؟

هو الواحد مفروض يعمل ايه لما يحس ان البلد دي قبل الثورة و بعد الثورة مش جاية غير ع الغلابة؟

يعمل ايه لما رجله تبقى مش مطاوعاه انه يمشي يرَّوح في نهاية ليلة زي دي .. يعني ايه "ارجع ع البيت" و في ألف بيت النهارده خالي؟

يا محطة مصر .. يا نقطة اللقاء و الفراق .. امبارح كنتي نقطة فراق أبدي ما بين أهالي ملكومين و أطهر الأبناء .. و كنتي بين قلوب كتير اتوحدت ضد العسكر الخونة نقطة لقاء





وف النهايه 


لا يمكن أن نقتنع أن من استطاع تأمين انتخابات على مستوى الجمهورية شارك فيها 27 مليون مواطن كان عاجزا عن تأمين مباراة يحضرها 20 ألف!



واضح جداا

يا هوه...يا الفوضى




 اللي مبيمتش من الرصاص ولا الخنق ولا التدافع ولا الغاز ولا المدرعة ولا الجمال ولا السيوف ولا القناصة، مصيره يموت من كتم البكا و القهر



10 التعليقات:

Heba :) يقول...

:(
الموضوع اكيد مُدبر ! يمكن ما نستبعدش ان اللي متسببين فيه هما نفسهم اللي تسببوا في موقعة الجمل

انا الصراحة مش متطمنة للأيام الجاية ،، المشوار لسه في اوله ,,

basantkhattab.blogspot.com يقول...

تعبت اووى من التفكير يا خالد :(
مُرهق هو لما بيتعلق بحياة بنى ادميين حتى مش ثوريين دول بيشجعوا فريق الكورة اللى هو ترفيه المصريين :((

سيتناقشون وسيبحثون ثم سينسون ،، وستبقى هي وحيده تحتضن صورته وترتجف دمعاً

ربنا يرحمهم يارب ويصبر اهاليهم

zoza يقول...

انا بجد تعبت من اللي بيحصل حوليا ولاول مرة احس اني مش قادرة اطلع اللي جوايا
حاجة صعبة جدا لماالام تشوف ابنها الوحيدنازل فرحان عشان يشجع فريقه اللي بيحبه
ويرجعله جثة اكيد شعور مش هيستني لجنة تقصي حقائق هم هيفوقو امتي بقي؟؟؟وعمره ماهيتعوض
ياسيادة الغفير بمال الدنيا كله؟؟

Unknown يقول...

لنا الله :(

rona ali يقول...

طيب يا خالد اللى دبر وخاين واللى خطط ومنى دة يبقي إيه
دوال مش بلضجيه دوال ناوس وعيه ممكن يكونوا مش بور سعيديه بس مصريين
زيهم زيك دوال يبقوا إيه

انا مصدومه انا حتى الان مش مصدقه لما دخلت البيت بليل وانا مش عارفه حاجه
وماما بتقولى مات 73 واحد واتصاب 118 قلتلها في التحرير
ماما عيطت وقالتلى ياريت لاء في الاستاد قلتلها ايه الاهلى
ضربهم لحد ما موتهم انا كنت كل اللى اعرفه ان الاهلى خسر
قالتالى كانت تبقي منطقيه جمهور المصري هو اللى قتلهم
واسمع ابو تريكه بيعيط وبيخليهم ينطقوا الشهاده
والناس بتموت قدامهم
حاجه تموت القلب العايش

بص يا ياخالد الحكم لو كان لغي المبارة او الاهلى انسحب كان جمهور الاهلى كله هيموت مش 80 بس وكانت هتبقي مجزرة فكل الاحوال الموضوع متخطط صح وبيضرب في كذا حته
علي الاقل احنا حاولا نطلع بخسائر قليله
ولنا الله:(

Unknown يقول...

ربنا ينتقم يارب

تاكاشى يقول...

اللى دبر خاين واللى نفذ مجرم ... واللى سكت شيطان

غير معرف يقول...

ليس شغبا كرويا .. بل جريمة سياسية



اللي مبيمتش من الرصاص ولا الخنق ولا التدافع ولا الغاز ولا المدرعة ولا الجمال ولا السيوف ولا القناصة، مصيره يموت من كتم البكا و القهر


:(((((((((((((((((((((((((((((((((((((((((((

Tasneem Salah يقول...

والله من ساعة اللي حصل دا والواحد حاسس انه فكابوس في ايه مين اللي بيعمل كدا طب ما تلخصوا وتحاكموا الغلطان رايحين على فين ............!

Unknown يقول...

الله المستعان

إرسال تعليق