السبت، 4 فبراير 2012

التلون


التلون



التلون والنفاق والكدب من ضمن حاجات كتيره ....مبحبهاش

واعتقد ان الغالبيه كده

بس للاسف بقى ده السائد والموجود ع الساحه الان..

طيب ياخوانا ده نقاق وتلون ومينفعش

تلاقى رد وااحد وبس....مشى حالك ياعمى

الدنيا كده يا سيدى

ده مش نفاق ده تمشيه مصالح

طيب ازااااااى؟

اذا كان الدنيا ممكن تخرب بسبب حاجات زى دى

ممكن ايه؟؟

ده شىء اكيد بتخرب الدنيا

التلوييين حلو اوى ..لكن التلون وحشش اوووووى

يمكن يكون ف خلط ولا حاجه ومش واخدين بالكوا





الاعلاميين

كتير من الاعلاميين ..ومعروفين لينا كلنا ..ومفيش داعى لذكر

اسماء حد ...يعنى انا مش هجيب سيرة لا عمرو اديب...ولا 

عماد اديب....ولا لميس...ولا خيرى ...ولا محمود سعد....ولا 

شوبير..ولا مدحت...ولا ولا ولا ...والكبير

طبعا زعيم البط ..عوكشه ابو استك ....كتير اوى ...تقريبا 

اغلبهم متلون...ماشى حسب الموجه...او حسب ما ربنا 

يسهله ويرسى ....

دول مش عارف الواحد يعمل فيهم ايه ....

اقربهم زعيم البط جاى امبارح ..بيقول ان السادات اختار

مبارك نائب ليه ؟؟

ها ليييييه ؟؟

ليييييييييه؟

كاك كاك

الاجابه ..تونس

كاك

لا مش تونس ..الاجابه ..لان مبارك اهبل ومش بيفهم 

حاجه

انا حقا اعترض يا عوكشه يا اخويا

هوه انت مش كنت حزب وطنى بردو..وكنت من الزبانيه 

بتوعه...ماخدتش بالك ان الكبير بتاعك اهطل الا لما اتقلش؟

ها ايه ؟؟؟؟

ايه  ولا بى ولا سى

اهوه كله هرى نسوان ...

الاصدقاء

يبصلك ..يبتسم......تغفل عنه ..تتقسم

تلاقى  الواحد حبيبك ورجوله ...فجأه كدهون يوصلك عن 

طريق العصفور ه ان صاحبك بيلعب ..اه بيلعب

شغال الله ينور
 
بيمشى حاله يعنى

يضحك لده ..ويشتم ف ده

علشان خاطر ده

وخاطر ده

طيب ايييييييييه؟

هتبطل تبقى كده امتى؟

طيب قولى يا اخى..وانا راضى ضميرك (ان وجد يعنى )

انا اضحك ف وشك تانى ازاى بعد  ما لقيتك متلون زى

الحربايه كده

طيب الحربايه دى حتى احنا عارفين انهاكده..يعنى لما تتلون

بتبقى ع طبيعتها

طيب وانت بقى ايه اخبار الجينات عندك؟


تكونشى حربايه ؟؟؟




وانا ايش درااااانى!!!

فعلا ...انت مش دارى باللى فيك

احتمال

ممكن

ليه لأ

البشر عموما

يبدو انها اصبحت سمه عالميه ....فيروس واتنقل

الا من رحم ربى

ربنا يستر وميوصلش ليا
:D

اقعدوا بالعافيه ..وربنا يبعد عنكوا المتلونين بانواعهم

11 التعليقات:

غير معرف يقول...

ربنا يبعدهم ويبعدنا عنهم يارب ياخالد
دي اسوء صفه ممكن تكون موجوده في حد بتتعامل معاه
لانها متعبه جدا جدا بتحس انك بتحاول تتعامل زي ماانت ع طبيعتك بس في حاجه منغصه عليك معامله دي وتعباك
...

ربنا يبعدهم عنا جميعا
:)
دمت بخير

Miss LoZa يقول...

"التلون" ماركة عالمية
عمر ما البشر هيتغيروا اصلا
هيفضل فيهم متلونين كتيير أوى اصلا
أيون كتير أوى .. أومال مين هيقرفنا فعيشتنا وينكد علينا لو هما بقوا كويسين يعنى .. الله !
الى تعرف أنه متلون يبقى مفيش أسهل من الطرد بره حياتك علشان تريح دماغك اصلا
لازم تتعود أنك هتقابل طول حياتك منهم .. مش معقول أنك هتتصدم فكل مرة تقابل فيها واحد فيهم اصلا .. خلى عندك مناعة عشان تعرف تعيش :)

M Magdi Albarqi يقول...

في حيوانين بيمارسوا التلون يا خالد....الانسان و الحرباء...و من اكتر الجمل اللي بتغيظني........اهو احسن من مافيش..ربنا يبارك لك و مشي حالك ياعم ههههههه

Zaina يقول...

الله المستعان *_^

Unknown يقول...

manar mohsen فعلا ...بيبقى ف عائق دايما قدامك...دمتى بخير

Miss LoZa انا قولت كده بردو ان الرطد الحل..ولو ان ف نظريه بتقول اعرف صاحبك وعلم عليه .وتعايش وخلاص ..بس انا شكلى مش هعرف اعمل كده

محمد البرقي حلوه يا محمد فعلا ف حيوانين ....

Zaina يا مسهل

نورتونى

Heba :) يقول...

ساعات لما ببقى متغاظة من صفة سيئة انتشرت في المجتمع ،، بقول وهو ده اللي بيخلي الكويسين كويسين ! انهم مختلفين ،، بالتالي بنقدرهم لما بنلاقيهم

اممم انا حاسة ان التعليق مالوش علاقة خالص بالبوست :D ،، هي صفة متعبة فعلاً خصوصا اني بفضل الوضوح في التعامل ! ربنا يقينا شر التلون والنفاق

Unknown يقول...

لا يا هبه ازاى

ده ف صلب االموضوع كمان

ربنا يقينا يارب شر التلون

Zaina يقول...

دا نورك ياخالد وبجد متشكرة انك بتنور مدونتى دايما :)

Unknown يقول...

طول ما انتى بتعملى شير للنك ..هتلاقينى اكيد ان شاء الله

Zaina يقول...

بجد انا متشكرة اوى ليك على انك قلت لى على الحملة وعلى التشجيع :)

Unknown يقول...

عفوا يا فندم

إرسال تعليق