الأربعاء، 15 فبراير 2012

انا البحار





انا البحار... ف حبك عشت

فى عشقك عشت

فى ضى عنيكى ....انا اتمشيت

وروحت وجيت

لحد القلب

وجيت ع القلب ...انا خبطت

محدش رد

انا اتلخبطت

انا اتهزيت

افضل انا هنا جمب القلب ال ناسى الرد!!

ولا ارجع زى ما جيت

لحبك....انا اترجيت

تدينى قلبك بيت

اتعب ف يوم تعبك

وافرح انا لفرحك

واسمع اناشيدك

واتغنى ع لحنك

ورموشك الحلوه ..تعزف لى اغنيه

خليك هنا ف قلبى

ده انت ال ف النيه

لكنى جيت متأخر

مانا سكتى مشوار

لقت قلبك خلاص مشغول

وزى ما جيت ..هاروح مكسور

وايه يعنى؟

مانا اتعودت اعيش مكسور

لكنى عمر قلبى ف يوم

لا شاف دي ولاحس بحد

وشافك بس قدامه

وعرف الحب

ع ايدك

وع ايدك

اهو اتكسر

هلملم قلبى واتمشى

لحد البحر

يداوينى

يلملم لى خيوط ليلى

يجمع قلبى انا المكسور

ولا يهمك

مانا البحار

ومتعود جرح الزمان فيا

ده حتى البحر

مره ف يوم

غدر بيا

مبسلمشى

ومتعود

وهارجع تانى واقولك

ولايهمك

يانجمه ف السما عاليه

معديه

اشاورلك

تقولى

انت مش ليا

ولا يهمك

مانا البحار

ومتعود

10 التعليقات:

دُمـوعُ فــِى رَسَـائـِلِ يقول...

ماشاء الله

كلمــاتها حلوه...وبسيطه

تسلم ايدك يا خالد ..

Unknown يقول...

اشكرك :)

Asmah Ghazal يقول...

كلمات حساسة
غاية ف الرقة
تحمل معها وجع وحزن دفين
مميز كالعادة
ربنا يوفقك ويرضى عليك
دمت اخى الصغير ,صديقى الكبير

Unknown يقول...

شكرا اسمه

ASMAA AGOZA يقول...

الكلام بسيط جدا وسهل بس معانيه كبيرة
جميلة يا بحاااااااااااار

Unknown يقول...

تسلمى :)

باسنت يقول...

لكنى جيت متأخر

مانا سكتى مشوار

لقت قلبك خلاص مشغول

وزى ما جيت ..هاروح مكسور

وايه يعنى؟

مانا اتعودت اعيش مكسور


ايده ؟؟؟!
قشعرتنى من كتر حلاوتها جميلة اوووووووووووى

Unknown يقول...

تسلمى يا باسنت :)

Unknown يقول...

اقسم بالله انا دخلت هنا صدفه
وعلي فكره يا خالد انا فعلا بحار في القوات البحريه
وشعر بتاعك ده قال كلام كتير انا مكنتش قادر اقوله
بس بجد تسلم ايدك وربنا يزيدك كمان وكمان
وبجد والله مش مجامله جميله جدا جدا
اخوك وليد الشرقاوي
اتمني اني اتعرف بيك
01092093434
اتمني بجد اني اتعرف علي حضرتك

Unknown يقول...

خالد بجد انسان حساس

إرسال تعليق