الاثنين، 6 فبراير 2012

اصل احنا الناس التانين

قولنا ثوره 




قوم يا صاحبى كفايه نوم

قوم يا اخويا قوم يا ابويا

يلا قوم

دى بلدنا ليه نسيبها لبلطجيه

ليه نسيبها تبقى تكيه

ليه بلدنا مملكه

واالاسم جمهوريه

ليه يا ابويا ف بلدنا اهلى جاعوا

وال غرقوا وال ماتوا وال ضاعوا

قولنا ثوره يا اهلى بلدى ع النظام

قالوا لا قالوا اه

فضلوا لما الثوره نجحت قالوا ثوره ايوه اه

مات كتير من اهل جيلى

والكبار ..معمرين

مات كتير راحوا ضحيه

شرطه ظالمه

كلب خانع

فطروا قلب ام

ع كل  اولادها ال راحوا

قمت جيت وضربت الشرطه

قالوا لا ..

قولت اه

الداخليه بتوع الحاكم

غار الحاكم

يبقوا معاه

يتخلعوا

زى ما خلعناه

فجاه قالولى

والحربيه


بصيت وفكرت شويه

قالوا

دى ويانا

خافوا علينا

وحموا الثوره

قولت وماله

يبقى انا اثور ع الداخليه ..والحربيه تبقى  ظهرى

بعد الثوره

ماشى لوحدى

فجأه قابلنى

كبار الحربيه

قولت لهم اهلا يا حبايبى

يا سندى وضلى ف ازماتى

ده انا بسهر افكر فيكوا ليلاتى

وادعيلكوا بالصحه كمان

شالله تعيشوا كمان وكمان

بصولى نظره اشرار

سألونى

انت من الثوار؟

وصخرت وبعلو الصوت

انا من الثوره وليها هموت

ف قالولى دول ناس وحشين

بلطجيه ومخربين

جيت اتكلم ..خرسونى

جيت اتحرك قيدونى

وسألونى انجر وقوام

انت  معانا ولا مع الناس التانين

فكرت شويه وبسرعه ..قولت لهم انا ثاير حر ..وابويا قالى  ان الشرطه عدوى الاول ..وانتوا اصحابى وحبايب الكل

طخونى من غير تفكير..

واتعلق جسمى ف  جنزير

قولت لهم طب ليا يا اخواتى

قالولى


اصل احنا الناس التانين !!!






 

6 التعليقات:

Angham Salah يقول...

تووووووووووووووحفه :)
ربنا ينصرنا ان شاء الله

Unknown يقول...

جميلة !

دُمـوعُ فــِى رَسَـائـِلِ يقول...

ماشاء الله..

فكـرتها جميله ومعبره..تسلم إيدك..

Unknown يقول...

اشكركم

rona ali يقول...

اللهو الخفي ههههههههههههههههه ولا الايادى الخفيه
علشان بس نبقي عارفين :))

حلوة ياخالد مبدأيآ اول مرة اشوفلك خاطرة او ابيات مترتبه كدة

الكلمات جميله ومعبرة اوى :)

Unknown يقول...

تسلمى

إرسال تعليق