السلام عليكم ورحمة الله وبركاته
ساعات كتير بنشوف واحد زعلان اوى ومتأثر ..ولما نساله مالك يااخى..يكون كلامه ع انه احسن معامله واحد من البشر وعلمهم حاجات كتير وف النهايه انكروا فضله لا واساؤا اليه كمان
ماشى انا معاه انه يزعل بس انا بقى اعرف واحد مبيزعلش من كده...طبعا انت مستغرب ..صح؟؟؟ طب تحب تعرف هوه مين ؟؟
تعالى وانا اقولك
زى مانت عارف ان لابنا خلقنا كلنا علشان نعبده..واعطانا من الخير كتير جدا..والطبيعى طبعا اننا نشكر فضله .>>بس لو بصيت معايا للبشر هتلاقى ف ناس عبدت غير الله ..وف ناس تانيه شكرت غير الله ..مع ان الله هو المنعم ولا معبود سواه...بس هتقول ايه بقى ف طبيعة البشر والنفس البشريه التى يغلب عليها طابع الجحود والجفاء والنكران..ومع ذلك ان عادوا الى الله قلبهم
فمش عاوزك تتصدم لما تشوف شخص احسنت ليه واساء اليك وانكر فضلك..حتى لو بقى عدوك..توقع اى حاجه ..ومتزعلش
انت مش بتشوف اب ربى ابنه..وعلمه وافنى حياته علشان يشوفه كبير ..وبعدين الابن ينكر فضل ابوه!!.علشان كده بقولك لو ف شخص انكر جميلك متزعلش..وانتظر الاجر من عند الله.
ومش معنى كلامى انك متعملش معروف او تبطل احسان..ولكن انا اقصد اعمل وتوقع الجحود فلو حصل متزعلش ..ولو محصلش يبقى خير
يعنى اعمل لوجه الله ولا تنتظر مقابل لانك ف كل الاحول الفائز واحمد ربنا انك المحسن
وف النهايه
لا تفاجأ اذا اهديت بليدا قلما فكتب به هجاءك
لان بنشوف بشر بيجحد فضل خالقه...فكيف بهم معك؟
والى لقاء اخر ان شاء الله
خالد ناجى
1 التعليقات:
احنا فعلاا مقصرين فى حجات كتير اوى ربنا يحمينا من شر انفسنا
إرسال تعليق