الثلاثاء، 2 أغسطس 2011

السبب انا ولا احد غيرى

عن تدويناتى والمسابقه ..دعونى احدثكم




كنت  ناوى اتكلم عن حاجه تانيه النهارده..بس لما نتيجه التصويت الخاص بكتاب المئه تدوينه ظهرت ..قولت اتكلم عنها

انا فضلت طول الاسبوع منتظر النتيجه ..وامبارح طول اليوم بتابع بشغف شديد ظهورها ..الا ان غلبنى النوم..

صحيت النهارده ع صوت اخويا الصغير بيقولى ان الساعه بقت 8..وقوم علشان الشغل....وبعدين قالى النتيجه ال كنت مستنيها ظهرت..قولت له ليا حاجه فيها؟



قالى لا

ابتسمت وقولت له يلا خير الحمد لله ...ومشيت علشان استعد اروح شغلى
رجعت له تانى اشوف انا اخدت مراكز ايه

وكانت صدمه تانيه ..حتى المركز 150لم يذكر اسمى نهائيا

دورت ع ناس اعرفها واتبسطت لانى شوفت ناس منهم كسبت

زعلت تانى لما شوفت ان الحمله ومالسابقه بتتهاجم لمجرد ان ف ناس مش كسبت

طيب مش معنى انى اشتركت انى اكسب..
وان كنت ابحث عن حد احمله مسؤليه خسارتى

فيبقى الاول احاسب نفسى

اكيد انا حزين من خسارتى....كنت مخطط سناريو تانى لحياتى لو كسبت...بس الدنيا موقفتش..

يكفينا شرف المحاوله
:)

زى ما بعض الناس عارفه انا مشارك ف المسابقه ب4 تدوينات ...طبعا كل المشتركين  كانوا ف حمله التدوين اليومى شهر  6

وبالتالى اغلب المشتركين  انتقى 4 تدوينات من اصل 30تدوينه هم محصله الشهر

اما انا ولانى لاسباب ما ...توقفت بعد اليوم الخامس من الحمله ..وبالتالى كان عليا اختيار 4 تدوينات من اصل 5 تدوينات

وبالتالى ف ال4 لن يكونوا الافضل ..منطقيا 4 من 30..تعطيك فرصا اختيار افضل ...

غير انى قبل كده سبقت ورميت اوراق كتيره فيها تدوينات ..سبق ومسحت مدونات ليا...سبق وتوقفت تماما عن التدوين ..وبالتالى محتاج وقت للرجوع

وده تانى الاخطاء


اما عن ثالث الاخطاء..فهو ان ممكن انا لا ارتقى لمستوى الكتابه ...وان  امكانياتى كده..ع قدى يعنى ..وعلشان كده مش هعرف اكسب ف وسط ناس موهوبه وامكانياتها اعلى بكتير ..وده سبب لخساره اكثر منه خطأ..

اما عن رابع الاخطاء .فهو متعلق بالثانى حيث لا تتمتع مدونتى يالانتشار المطلوب ف مثل هذه المواقف وده بسبب انى غيرت الاسم كتير وقفلت المدونات القديمه ...المهم انى ملقتش جمهور يساعد ع تخطى النسبه شويه لفوق


حتى اصحابى ع الفيس لم يتمكنوا من دعمى

يعنى مش كلهم فهموا اليه التصويت

مش كلهم شافوا اللنكات

مش كلهم عجبهم التدوينات

واكيد ف حد طنش
:D

مش كلهم اصحابى اوى..وبالتالى فالامر غير مهم

:)

اما عن اصوات اللجنه فلن استطيع التعليق عليها ..لانه ببساطه انا لو ف مكانها ..لن احمل نفسى ذنب صدمه انسان لمجرد مجامله اخر....وبالتالى لن اتقبل اى تشكيك ف نزاهتى ...ولذلك فانا حتى وان كنت  حزين لخسارتى..فلا استطيع تحميل لجنه التصويت   سبب خسارتى

السبب انا ولا احد غيرى

وكانت نتيجه التصويت للتدوينات الخاصه بى  كالتالى


التدوينه  مشاهدات   ص الجمهور  ص اللجنه  ن الجمهور  ن اللجنه  النهائيه   الترتيب


دمعة امل        71               5                3          0.2         0.3       31.8        157


نقطه وسطر     39            5             3             0.2         0.3       31.8          163


علمونا          50            5               2             0.2         0.2       23.1         200

 
طفل مريض     55          5               1              0.2          0.1     14.4        232 


الجدول ده شلنى ع لما اتظبط
:(


لمعرفه التدوينات الفائزه

ع اللنك التالى 
وللنتائج بالتفصيل 
ع اللنك التالى 

 
واكيد ف ناس مقرتش التدوينات دى فانا هحط لنكاتها هنا دلوقتى 




والتدوينه الخامسه التى لم تدخل معهم ..
كانت كان ف مره قلب

وده اللنك بتاعها



لمتابعه باقى الاحداث الخاصه بالمشروع والكتاب

دى صفحه الكتاب ع الفيس بوك


____________
________
____
__

ودلوقتى مش عارف اعمل ايه ..بس بفتكر اعمل زى اخونا اللمبى واصرخ واقول


اللمبى فاشل يابنى ادمين 

انا فااااااشل 
ال راح راااااااح ياعم الحاج
عاااااااااااااااااااااااااااااا

:D


وبالنسبه لاخوانا المشككين ف نزاهه اللجنه 

فانا شايف انه بما انى انا يمشى معايا دور اللمبى الفاشل 

فاعتقد يمشى معاهم دور السقا ف الجزيره

وانصحهم بالصراخ 

من النهارده مفيش لجنه ...انا اللجنه

:D

وختاما

ان لم يسعدك الاخرين فحاول ان تسعد نفسك

رمضان كريم

7 التعليقات:

وائل متولي يقول...

لا يا حبيبي انته مش فاااشل انته اللي اتاخرت شويه وبعدين المرادي ما زبطتش اكيد ان شاء الله المرة الجاية تزبط وتبقه الدنيا تمام واقولك مقولة حكيم الزمان القذافي :
لا رجوع ... الى الامام ... الى الامام
وخلي بالك من ان السطح ما فيش فيه سور يعني للامام بس يا واش يا واش

Ask Fatma يقول...

اعتقد دا اول تعليق ليه فى المدونة
خلينى أيدا بانى اقولك رمضااااان كريم
جميل ان الواحد لما يواجه موقف يواجه بشجاعة ولا يلقى الاخطاء على الغير و دا امر صعب
فا احيك

بس ليه تعليقن:
الاول على العيب الخاص بان الناس على الفيس و تدعيمهم ليك: كنت اتمنى لو تقول تفاصيل أكتر و انت بتشير اللينك

التعليق التانى خاص بجزء انك فاشل ولا ترقى لمستوى المهارات الكتابة لدى الاخرين
اعتقد ان دا ممكن علاجة و تطويره ومش ها نحتاج نقول زى الليمى خال
و بالتوفيق المرة القادة ان شاء الله

خالد ناجى يقول...

ههههههههه ماشى ياعم وائل :)

شكرا فاطمه :)

لبنى أحمد نور يقول...

المكسب الحقيقي فعلا يا خالد هو إننا اتعرفنا على مدونين محترمين زي حضرتك وإن شاء الله تشارك المرة الجاية واللي بعدها واللي بعدها....
ربنا يوفقك ورمضان كريم

heba atteya youssef يقول...

روح مدون عاليه

يحترم نفسه ويحترم غيره .. أهنئك علي هذه الروح

ولكن من وجهة نظري أن السبب الرئيسي للنجاح هو المداومه لــ30 يوم

وهذا ماقصرت انت فيه

ان شاء الله موفق هذا الشهر وتواظب علي التدوين

تحياتي

EL pRiNcEssA يقول...

وربنا ده نفس شعوري دلوقت
انا نفسي اعمل زي عمنا اللمبي ده واقول كل الكلام ده
وبحاول اعرف انا ليه مفزتش
وببرر كتير
هو شكله المنحوس منحوووووووووووووس
المشكلة اني قلت لصحابي اني فزت لمجرد اني لقيت اسمي ف الرابط
واتاريني جاية ف الرقم 128
وهما لحد 106
مش عارفة اعمل ايه اهرب ولا اعمل
المهم احنا لازم يبقي عندنا امل ف النهاية

خالد ناجى يقول...

شكرا لبنى ..وربنا يوفق الجميع ...ورمضان كريم عليكى :)

اشكرك يا هبه ..وفعلا ده سبب مهم جدا...وربنا يسهل لينا ولكل الناس ونشارك تانى وتالت :)

برنسيس...هههههههه ممكن يكون النحس ده مشترك بينى وبينك :D

هنكمل ان شاء الله ..وبعدين احنا اصلا بنكتب من الاول لنفسنا وبس

فحصل خير يعنى ..وبعدين ال فازوا دول مااخواتنا بردو..واحنا وهما وااحد :)

إرسال تعليق