الجمعة، 5 أغسطس 2011

يا انا يا انتواااااا

انا طبيعى ومعروف عنى انى شخص عصامى..رأى من دماغى..اه امال ايه

مش اى حد يقدر يأثر عليا
ولا ع تفكيرى

ولا يغير وجهه نظرى

اطلاقا مطلقا

دايما ثابت ع مواقفى

ولا انحاز ولا اتغير ..ولا اى حاجه من الحاجات ال انا مقولتهاش

اعزائى المشاهدين


ولسه متابعين معاكوا المظاهرات والاعتصامات المندلعه ف صالة بيتنا

مطالبين بحلاقة ذقن الاستاذ..ال هوه انا يعنى

ومش بس ف البيت

ده ف كل مكان

ياجدعاااااااااان ..دى دقنى انا

وانا اخر واحد ف الدنيا اعمل حاجه مش ع مزاجى

وبعدين هيا مش كبيره اصلا
وبعدين ايه المشكله لما افضل بدقنى يعنى

ايوه ايوه

ايه المشكله

سموها زى ما تسموها
كسل
بخل
فقر
عادى يعنى

ف المكتب احلق دقنك
ف البيت احلق دقنك
ف الشارع احلق دقنك
....امتى هتصالح الحلاق..مش معاك فلوس ولا ايه
متحالوووش

متتعبوش نفسكم

انا مش هحلق غير بمزاجى

طيب

خلاص كده يعنى

ماشى ماشى

يانا يا انتوا

مش حااالق



::::::::::::
:::::::
::
 
 
برافوووووو حلوه اوى الصوره دى..ادينى بقيت شبه كركر


:)

9 التعليقات:

EL pRiNcEssA يقول...

واضح الصراحة ان رأيك من دماغك جدا
ههههههههههههههههههه

Unknown يقول...

ههههههههههه جدااااااااااا

اه امال ايه
:D

غير معرف يقول...

هههههههههههههههههه
طب وايه المشكلة تغيير حتى
nada

Unknown يقول...

اه مثلا
تغييير
:)

غير معرف يقول...

ايه الصورة دى؟هههههههههههههههه

Unknown يقول...

هههههههه ...مالها الصوره بقى يا غير معرف ^_^

غير معرف يقول...

حلوه بس غريبه شويه براحه شويه يابحارولاانت اتضايقت انى بضحك

Unknown يقول...

ههههه ... لا ابدا..انا اصلها عملتاه بهدف اننا نضحك شويه :)

ابقى حط توقيع ليك علشان اعرف افرق ..لان غير معرف بقوا كتير ف المدونه وملخبطنى :)

asmaa agoza يقول...

هههههههههههههههه دا ع اساس ان رايك من دماغك ومش هتحلق دقنك
الصورة دى دليل ع كلامك فعلا

إرسال تعليق