الأربعاء، 10 أغسطس 2011

هنبطل تريقه ع خلق الله امتى؟؟


هنبطل تريقه ع خلق الله امتى؟؟

كل مسلسل او فيلم او اى حاجه ..اى مؤلف يحب يضحك الناس شويه

يروح يجيب حد جسمه مليان ..او رفيع زياده

نظره ضعيف

عنده مشكله ف عنيه 

عنده مشكله ف النطق

عنده مشكله ف المشى 

اى اعاقه


طيب ليه ؟؟؟؟

خلص الكلام وخلصت المواقف؟؟ مش لاقيين حاجه تانيه تضحك الا كده؟؟

ولو مفيش غير كده يبقى مش مهم الضحك اصلا

انا من الناس ال بتضحك اكيد لما بيحصل موقف زى كده

بس بعدها بفكر ..

هل لو انا واحد من المشاهدين وعندى نفس المشكله ال  ف الموقف ده

هيكون احساسى ايه .وهما بيتريقوا ع حاجه موجوده فيا؟؟

هزعل ولا هبقى محرج من الناس ال انا قاعد معاهم 

ومش بعيد كمان الناس ال انا ف وسطهم ينادونى باسم الشخصيه دى

من كام يوم شوفت ف مسلسل  شخصيه اسمها خزينه

ثمينه شويتين كد ه

وتقريبا هيبقى عليها شغل طول المسلسل من الناحيه  دى

طيب لو ف حد ف جسم خزينه

هيزعل لما يشوف المسلسل ولا عادى؟؟

سؤال يطرح نفسه 

ايه احساس الشخص ده ؟؟

6 التعليقات:

غير معرف يقول...

ايه لازمتها فعلا
ما هما ممكن يضحكونا باي طرق تانية

EL pRiNcEssA يقول...

المشكلة انها بتحصل حقيقي
كتير اوي بتفرج علي حاجة من دول
وجمبي واحد عنده نفس المشكلة اللي بيضحكوا عليها ف المسلسلات والافلام دي
زي خزينة مثلا عندي وحدة صحبتي شبهها كده جدا
وبجد كان حتة موقف وحشششششششششششششششششش
بجد حاجة وحشة اوي وبتحصل معايا كتير

Sara يقول...

فعلا المواقف دي سيئة جدًا :(
و دا مش كوميديا و مش من الاسلام في شيء !!
اضحك ماشي بس بدون اسفاف و إهانة للآخرين !!
بجد حاجة مملة !

تدوينة جميلة بالمناسبة :)

Unknown يقول...

اشكركم جميعا

نورتونى
:)

Asmah Ghazal يقول...

الاحساس بالغير ده موهبه من عند الخالق
سلمت يمينك خالد
انا معاك فى الراى ممكن اضحك ومن قلبى كمان من غير ما اجرح فى مخاليق الله .

Unknown يقول...

اشكرك اسماء

نورتينى

:)

إرسال تعليق